_ أنت عارف كويس الي بتقوله دا معناه ايه
= عارف .. وعارف كمان أنك مش هتكوني لحد تاني غيري و الا ورب الكون اقتلهولك
_ مش هتبطل شغل فتحة الصدر بتاعتك دي ابدا
= لا مش هبطلها يا روح و إن طلبت أني أقتل العيل الي متقدملك دا هقتله
_ متقلش عليه عيل يا عامر
= انتي بتدافعي عنه
_ ااااه .. سيب دراعي يا عامر انت اجننت !!!
= اعقلي يا بنت خالي وخليها تيجي من عندك
_ يعني ايه
= انتي هترفضيه والا خبر موته هيوصلك قبل ما يحط دبلته في ايديكي
_ وبعد ما ارفضه ... هجوزك مش كدا
= ومتتجوزنيش ليه يعني .. ناقصني ايه
_ ناقصك ايه !! يا اخي قول فيك ايه عدل يتعد ... دا انت لا شغل نافع و لا علم نافع بتاخد السنة على تلت سنين
= لا محصلش الكلام دا
_ عندك كام سنة يا عامر
= 25
_ حلو .. في سنة كام بقا
= تالتة تجارة
_ فالحلي تنطقهالي اوي يا خويا و انت متعرفش المناهج فيها بتقول ايه
= وانا يعني اما اتخرج هشتغل .. ما كام دكتور ومهندس قاعدين في نفس التربيزة عالقهوة يا روح صلي عالنبي في نفسك كدا
_ عليه افضل الصلاة والسلام ... ودا بقا الي خلى سعادتك تقرر تاخد السنة في اتنين مش كدا
= اديني بتفسح
_ عوض عليا عوض الصابرين
= بصي يا بنت الخال .. انتي هترفضي غصب عنك وهتتجوزيني بردو غصب عنك ومش كدا وبس هتحبيني غصب عنك
_ اه ولو محصلش كل دا تقتلني مش كدا
= لأ طبعا
_ ليه .. خير
= عشان دا اسمه انتحار .. حد يقتل نفسه يبقى انتحار وش
_ يا ود يا شاعر أنت
= لا انا في المحن أعجبك أوي
_ وسع خليني أشوف سكتي
= سكتنا واحدة بس انتي الي مش واخدة بالك
_ نعم ؟!
= قصدي مجمع الكليات مالك في ايه
_______________________________
_ ابن خالك دة قمر يا بنتي انا مش عارفة انتي مش بتحبيه ليه
= مش بحبه !! جرا ايه يا مروة ما انتي عارفة الي فيها
_ ومدام بتحبوا بعض مش بتتنيلوا تتجوزا ليه ؟!!
= عشان عيزاه يفوق لنفسه بقا .. نفسي يتفرغ بقا للمذاكرة و يذاكر عشان يتخرج الي قده بيشتغلوا و فتحوا بيوت
_ عملتي ايه في عريس امبارح
= رفضته ... بس مقلتلهوش اني رفضته
_ ليه ؟
= عشان يحس على دم أهله بقا و يدور علي شغل ويبطل صياعة
_ على ذكر الصياعة .. شايفة الدنجوان واقف مع مين
* بصت بعيد ورفعت حاجبها بغضب .. *
_ رايحة فين يا مجنونة ... استنى
*وصلت ليه وكان بيضحك مع بنت من زميلاته تقريبا .. *
_ ايه دا ايه الي جابك
= ايه الي جابني .. ايه انت ناسي أنك كنت عازمني عالغدا بعد اما نخلص المحاضرات و لا ايه
_ أنا !!!!
= اه أنت
_ مالك بتكزي كدا ليه على سنانك
_ مين دي يا مرمر
_ روح بدهشة : مرمر ؟!!!!!
_ عامر : احم .. طيب اعرفكوا ببعض طيب
_ روح : لأ .. مش عايزة أتنيل على حد .. يلا
_ مرمر احنا رايحين المكتب
* روح رجعتله بعنيها ورفعتله حاجبها بغيظ *
_ روح هامسة : من إمتا الثقافة دي يا روح أمك
_ عامر هامسا : من الصبح يا روحي .. من الصبح
_ روح : طب لم الدور و وزع الكائن الي ورايا دا حالا بدل ما اخلي يومك أسود
_ عامر : لا و على ايه .. نوزعها
