- ابراهيم .. يا ابراهيم
_ ايييه .. يخربيت الي جابوا ابراهيم
_ انت نمت ! .. يخربيت سنينك في اهم محاضرة في الترم كله !
_ اششش .. انتي مش نقلتيها
_ اه نقلتها
_ اومال واجعة نفوخ اهلي ليه
_ انت بتعمل ايه
_ هكمل نوم للمحاضرة الجاية
_ محاضرة الجاية .. قوم يا ابراهيم احنا مروحين
_______________
_ بقلك ايه يا براهيم
_ براهيم ! .. انتي تخرسي خالص بعد براهيم دي
_ اسمع يا ولا بس .. انا كتبت نص وكنت عاوزة اوريهولك
_ امممممم .. اشجيني
_ لأ .. خد اقراه انت
_ يووووه يا حياة .. انتي عارفة اني مبحبش القراية
_ ........
_ طب خلاص هاتي هقراه
* ابتسم بهدوء وهو بيقرا والتفت *
_ جميل .. كالعادة
_ دا على أساس الواد بيقرا يعني
_ تصدقي انا غلطان .. انا قايم اكل
___________________
_ ابراهيم متقدملي عريس
_ نعم يا اختي .. متقدملك ايه يا روح طنط سهام
_ بقلك طنط سهام موافقة عليه
_ امك ام مش جدعة على فكرة
_ انت نايملي في الخط وعاوز تتجوز
_ الله .. مش شرحتلك ظروفي
_ يا ابني انت عبيط .. انا عاوزة افهم هتعمل ايه بالغني
_ تؤتؤتؤ .. الست القمر الي بتقف ورا جوزها لحد ما يوصل
_ جوزها ايه يا موكوس ان ما جيت حتي ترش مايو قدام بيتنا
_ يا بنتي اتقلي تاخدي حاجة نضيفة
_ انا تقلانة بقالي تلت سنين يا عين أمك
_ وانا من تلت سنين وانا بشتغل يا عين أمك
_ انت بتعلي صوتك عليا ! بااس انا هروح عند احمد ابن خالي اتجوزه بلايقلي يا عين امك و لا يعلي صوته عليا
_ تعالي هنا .. دنا اكسرلك نفوخك على نفوخ أحمد ابن خالك
_ بطل كمال اجسام
_ بس انتي عارفة ان مشكلتي في طيبة قلبي و اني مبحبش أذي حد
_ طبعا
_ وحنين
_ اومال
_ ما انتي عرفاني يا حيحو
_ انا مش قلتلك تبطل حيحو دي
_ اما تبطلي تستفزيني بعرسانك
_ يعني هو بيحوق فيك .. ما انت جبلة ومبتحسش
_ بتضربيني!! طب يا حياة اقعدي اخنقي فيا لحد ما اخليكي تعنسي جمب أمك
_ لا يا اخويا اول عريس هوافق عليه وانت روح يا عمرو دياب المستقبل
_ طب ابقي شوفي راجل هيهوب ناحية عتبه بيتكوا يا حياة
_ وطي صوتك احنا في الشارع يا ابراهيم
_ مش موطي صوتي .. هتعملي ايه يا حياة
_كدا ! طب وصلني البيت ناو
_ ا ..
_ وصلني والا وربنا اكلم احمد ابن خال...
_ خلاااص .. داهية فيكي و في ابن خالتك
* وبعد مرور عدة أشهر *
_ متقدملك عريس
_ ايه دا الله ... مش موافقة
_ يا ابنتي هو انتي قابلتيه
_ حاسة انو هيبقي رخم
_ يا رب ليه بلتني ببلوة كدا
_ مش مقبلاه ريحي نفسك يا سهام
_ سهام ! .. اسمعي يا بت انتي هتقابليه ورجلك فوق رقبتك
_ ازاي بس يا ماما
_ هو ايه الي ازاي
_ رجلي فوق رقبتي
_ يا ولي الصابرين
_____________________
_ ايه المنظر الي انتي عملاه في نفسك دت هتفضحينا
_ هو كدا .. ولا تحبي ادخل الاوضة ويتعلق برا
_ خلاااص .. تعالي .. دخلي العصير
_ حطي العصير لعريسك يا حياة
_ ميحط لنفسه هو اتشل
_ بنت !
_ ممكن تسيبنا نتعرف على بعض يا عمي لو سمحت
_ اه اه طبعا يا بني انا هكون في الاوضة الي جمبكوا
_ طب ما ترفعي وشك كدا خلينا نشوف لوحة ليناردو دافنشي دي
_ ابراهيم
_ ايه الي انتي عملاه في خلقتك دا
_ انت بتعمل ايه هنا
_ جاي اشرب عصير انتي مالك
_ ومشربتش عند امك ليه
_ لا عصير أمك بيعجبني
_ احترم نفسك
_ لما تحترمي نفسك الاول ... وبعدين ايه المنظر دا .. انتي الي ميكب كان صلاحيته هتنتهي فاستخسرتي ترميه ولا ايه
_ هيهيهي ... دا الواد روش اهو بيقول نكت
_ اشششش .. اخرسي خلينا نقول الكلمتين ياكش نخلص ... احم .. حياة بصراحة من اول ما اتقابلنا في ابكافية الي جمب الكلية و قربت منك و انا بحبك و اكيد انتي عارفة بامرأة الهدايا الي اتفحت فيهم السنين الي فاتت
_ لا مش فاكرة
_ وحياة أمك
_ ايه !!
_ قصدي نفتكر .. نفتكر يا روحي سوا .. الله يشلك
_ سمعتك
_ فانا مخدتش وقت عشان اقلك احم احم .. حياة تتجوزيني
_ مخدتش وقت ايه دا احنا داخلين على اربع سنين
_ يا بت سبيني اخش في المود بقا
_ امممم
_ حياة .. انا بحبك
* ابتسم بهدوء و قرب خطوة وفي لحظة ملامحها اتبدلت *
_ نخلص ! .. انت قلت نخلص ؟!
_ نعم ؟
_ انت قلت نخلص .. انا سمعتك و انت بتقول نخلص و بتتكا عالصاد !
_ يعني مهماكيش ال paragraph الي قلته وشدتك دي بالذات يا برج النكد
_ يعني انا نكد ! دا انت يومك مش معدي
_ لا يوم ايه .. دا احنا مشوارنا لسا طويل اوي
* وبعد مرور عدة سنوات *
_ ابراهيم ... يا ابراهيم
_ ايه .. ايه
_ انت نايم .. قوم يا اخويا قوم شوف ابنك الي سايب مذاكرته وعمال يغني
_ متسيبي الواد يا ولية .. خليه يعمل الحاجة الي بيحبها خليه يطلع شبه ابوه
_ لا وانت نافع أوي
_ الله وانا مالي يا لمبي .. وبعدين انا في اجازتي
_ طب عالاقل انت اشتغلت في شركة اهو ومضعتش طبعا كل دا بفضلي
_ اه .. بس يمكن لاني مضعتش وعملت الحاجة الي بحبها و اتجوزتك يا حياة
_ بتبلفني !
_ ايه رأيك في قدراتي ؟!
* ابتسم بخفوت .. اما هو قرب *
_ سليه يا حياو .. سبيه يعمل الي هو بيحبه .. مش يمكن يقابلها في يوم من الايام و تظبطه وتخليه المغني الخاص بيها لوحدها
_ ابراهيم
_ قلبه
_ غنيلي ♥
***********
_ نانسي أشرف
يلا قلولي رايكوا + كل سنة وانتوا موجودين..
