قاصره ولكن بقلم سمسمة سيد

الفصل العشرون

الفصل العشرون والاخير
              قاصره ولكن

نظر الطبيب إليه بشفقه مرددا : انا اسف يانيار بيه
دفعه نيار ودلف لداخل الغرفه ليجد احدي الممرضات تقوم بتغطية وجه نيروز فااتجه نحوها بغضب وقام باابعاد يدها بعنف مرددا : انتي اتجننتي عاد نيروز عايشه انا هجتلك انتي والحكيم بتاعك ده
ومن ثم نظر لنيروز واخذ يردد : نيروز جومي بالله عليكي ماتسيبيني جومي عشان خاطر ولدنا انتي كمان ليه عايزه تهمليني لحالي انا بحبك جووي جومي وهعملك كل حاجه ومش هزعلك تاني ابدا عشان خاطري جومي انا اسف علي كل حاچه عفشه عملتها اذيتك نيروز جومي عشان خاطري متهملنيش لحالي انا هعوضك عن كل حاچه بس جومي الله يخليكي متهملنيش للندم ياكل فيا انا عارف اني جسيت عليكي كتير بس غصب عني ال عيشته في حياتي مكنش سهل مكنش سهل عليا اشوف مهاب وهو بيهين امي وانا عشان فاكره ابوي مكنتش بجدر اتكلم مكنش سهل اما اعرف ان ليا اخ غير شرعي مكنش سهل عليا ان خيتي تنجتل واجف مجدرش اعمل حاچه مكنش سهل اني اوصل للقب كبير الصعيد بسهوله انتي الوحيده ال خطفت جلبي وخلته يرچع ينبض تاني عارف ان حياتنا ملغبطه جوي واني معيشتش معاكي ياامه بس غصب عني لجيتني حبيتك وجت مامهاب جالي انك ناويه تهمليني وتتجوزيه انا جلبي انكسر وحسيت بروحي بتنسحب مني مكنش ينفع اضعف كل الناس تعرف اني جاسي ومعنديش جلب مكنش ينفع اضعف بس دلوجتي انا ضعيف من غيرك انا بحبك جوووي جومي يابنت سيف متوچعيش جلبي عليكي 

اخفض نيار رأسه لاسفل وهبطت دمعه حاره من عيناه تليها عدت دموع غزيره
مدت يدها بضعف لتضعها علي خصلاته مربته عليها بضعف مردده بنبره ضعيفه : واه جولتلك جبل اكده اسمي نيروز وميصوحش كبير الصعيد يكون ضعيف اكده
رفع اعينه سريعا لينظر إليها وجدها تبتسم بضعف
قام بجذبها الي احضانه مرددا بدموع : انتي عايشه صوح محصلش ليكي حاچه صوح
نيروز بتذمر طفولي يحمل بعض الوجع : نيار اكده هيوحصل بعد عني الچرح بيوچعني
ابتعد عنها ناظرا لذراعها الملفوف بالشاش مرددا بااسف : انا اسف ياجلبي بس بس الحكيم جال

الدكتور قال انها ماتت ايوه بس ده بااتفاق مني معاه ومع الانسه نيروز
اردف بها صامد وهو يضع يده في جيب بنطاله ويبتسم بااستخفاف
هب نيار واقفا واقترب منه ممسكا به من ياقة قميصه مرددا بغضب : اتفاج وهحاسبك عليه لكن انسه ايه دي انا مش مالي عينك اياك ولا ال في بطن....
عند هذه الكلمه وصمت واخذ ينظر إليها فاابتسمت بحنان واضعه يدها علي بطنها مردده : ولدك بخير
فاابتسم نيار ومن ثم تابع تعنيف صامد
فااردف صامد ببرود : انا شايفها صغيره قووي علي موضوع مدام ده وبعدين مهي مكانتش فارقه معاك الله وكنت رايح تتجوز غيرها
قام نيار بتسديد لكمه إليه بقوه وجاء لتسديد الاخري ولكن منعته يد ورده مردده : صامد مغلطش يانيار هي مكنتش فارقه معاك
نيار بغضب : چوزك واطلعي بررررررره
ورده بجمود : لا مش هطلع ولولا ان انت صعبت علي نيروز ومقدرتش تكمل تمثيل كان زمانك بتدفنها دلوقتي وفاكر انها ماتت مش هنكر ان مهاب سم دماغك بكلماته وسم دماغ نيروز برضو بس طلاما انت بتقول انك بتحبها يبقي لازم تثق فيها مش اي حد يقول عنها حاجه تصدقها وانتي كمان يانيروز نفس النظام ادوا لنفسكم فرصه واسمعوا بعض لما تحصل مشكله بلاش تحكموا علي بعض من كلام الناس
نظر نيار الي ورده لبرهه ومن ثم قام بجذبها لااحضانه واحتضنها بقوه مرددا : انتي اصغر مني بكتير بس بعجلك طلعت جدامك كيف العيل الصغير شكرا ياخيتي
ربتت علي ظهره بحنو مردده : المهم تكون اتعلمت الدرس يانيار
صامد بضيق : هنقضيها احضان وكده ابعد عن مراتي وخليك في مراتك لو سمحت
ابتعد نيار ولكن حاوط خصر ورده ونظر لصامد بتحدي مرددا :  دي خيتي جبل ماتكون مرتك ولو اني شاكك في موضوع مرتك ده
نظرت ورده إليهم ومن ثم ابتسمت مردده : خلاص يانيار بقي عشان صامد غيرته وحشه
ومن ثم امتحت ابتسامتها سريعا مردده : صامد احنا لازم نمشي حالا
نيار : واه هتروحوا علي فين عاد
اظلمت عين ورده مردده : في حساب لسه متقفلش ولازم انهيه
نظر إليها نيار وفهم مقصدها فااردف ببرود : محدش هينهيه غيري يابت ابوي بس لازما نمشي من اهنيه صامد اتحدت مع الحكيم لازما اخد نيروز علي بيتها
انهي كلماته ونظر لتلك المتسطحه وتنظر إليه بغضب لا يعلم سببه
صامد بجديه : متقلقش ربع ساعه وكله هيبقي تمام