_عايز اعرف يعني اي حب
=يعم مستعجل ع اي اكيد هيجي يوم و تقع ع بوزك كده و تحب
_هقع ع بوزي؟!!
=ااه ،، بيقولوا ان الحب ده ضعف ي زين
_مش عارف بصراحة!! بس مش حاسس يعني ان الحب ضعف ،، يعني انتي مرتبطيش قبل كده عشان خايفة تضعفي؟
=....مش عارفة بس مستنية الشخص ال هيغير فكرة ان الحب ضعف
_هتلاقيه يستي مستعجلة ع اي بكرا تحبي و تقعي ع بوزك
=ع اساس بتردهالي يعني!
_حصل بصرااحة
بيضحكوا و يقفلوا كلام ع كده و بيناموا و كل واحد بيفكر ف كلام التاني ... زين بيفكر ف كلام فرح صحبته .. هل فعلا الحب ضعف؟
و فرح بتفكر ف جملة زين .. هل فعلا هي رافضة فكرة الارتباط عشان خايفة تضعف؟!
انا فعلا مبحبش ابان ضغيفة و بعدين اصلا بلا حب بلا نيلة كفاية عليا زين هو اقرب صديق ليا وانا فرحانة بصدقتنا دي و مش عايزة حاجة تاني.
_______________
_مساء الزبادي ي معذب فؤادي
=يبني مش اسلوب ده بطل تخضني كده
_انا غلطان اني جيت اصبح عليكي يعني
=لا مش غلطان طبعا بس لي بتيجي م ضهري ،، متجيلي م وشي زي البني ادمين الطبيعين
_مانتي عارفة ان انا مش طبيعي * خطف كيس الشيبسي م ايديها *
=هاات الشيبسي بتااعي * بصوت عالي و مكشرة زي الاطفال *
_لا
* بتمثل انها بتعيط *
_طاب خلاص خلاص خودي ي طفلة ده انا جايبلك حاجة معايا حتي و انتي مستخسرة فيا كيس شيبسي يمعفنة
=* بتضحك* جايبلي اي هااه هااه...
_شوكولاتة م ال بتحبيها
=هييييييييه ، هي فين طاب هاات
_خدي يختي اطفحي
*بتاخدها و بتاكلها و هي فرحانة جدا *
* بيبص عليها و هي بتاكل الشوكولاتة و يضحك *
=بتضحك ع اي ي زين
_مش بضحك ي ستي نا همشي بقا عشان محضرتي هتبدأ
=طيب ربنا معاك
_______________
* قاعد ف المحاضرة سرحان بيفكر فيها ، بيفتكر شكلها و هي بتاكل زي الاطفال ، ضحكتها البريئة ، لمعة عينيها ، فرحتها بالشوكولاتة ... هي ازاي فرحت بحااجة بسيطة اوي كده!؟ ... كل ده مش مهم ؛ المهم اني كنت سبب ف فرحتها و ضحكتها ال بتخطف قلبي دي *
* بيفوق ع صوت الدكتور *
_اي ده انا لي بفكر فيها كده ، لي شكلها مش بيروح عن بالي ، لي بفرح لما بشوف ضحكتها ، لي بحس اني عايز افرحها !!؟ فوق ي زين فرح صحبتي و بس .
______________
_زين
=نعم
_اتكلم معاياا شوية عشان زعلانة
=مالك ف اي
_مخنووقة اوووووي ي زين
=لي ي بنتي حصل اي بس
_موفاساا ماات ي زين موفاسااا مات و سيمبا بقا يتيم و هو لسة صغير و سكار الشرير هو ال قتل موفاسا و هما اخوات انت متخيل ان اخ ممكن يقتل اخو؟
=.... اقطعي علاقتك بيا ي فرح
_لي بس ي زين ف اي
=ي تقطعي علاقتك بيا ي تعقلي شوية كده مش هينفع بجد خضتيني عليكي..
_ع اساس بردهالك يعني عشان انت خضتني الصبح ف الكلية و كده ... نا محدش يتوقعني انا بقولك اهوو
=اعقلي ي فرح يحببتي
_ كل الدنيا هنا بتقول اني بخوف زي الغول..
=ده مش منظر واحدة ف كلية لااا
_العياانة اديها حقنة و الطيبة اديها لقمة!
=طاب ي صباح الرعب الساعة ٦ ..
_و ع المقيمين خارج مدينة الرعب المحاافظة ع فروق التوقييت
=يلا ي تافهة روحي نامي عشان عندك كلية بكراا
_طيب سلاام ي زوووووق
بيضحك و بيفكر فيها ... هو انا هفضل افكر فيها كده لحد امتي؟ شكلي حبيتها ولا اي!
__________________
* بتشوفه ف الكلية بتجري عليه *
_زين حذر فذر؟
=خيييير ف اي
_مش انا هبقا ملك ع ارض العزة!!
=فرح... اقولك ع سر
_سر اي قول
=انا ال قتلت موفاساااا ي فرح و لو معقلتيش شوية هقتلك انتي كماان
_ * بتضحك جامد * بذمتك عندك صحاب تافهين و فرفوووشين كده زيي؟؟
=.....
_زين
=......
_يبني مالك سرحت ف اي
=ف ضحكتك!!
_ايي؟!!!
=فرح احنا مش صحاب ، انا بحبك"
_....
=فرح..
_انا لازم امشي عندي محاضرة.
__________________
بيحبني! زين بيحبنيي انا؟
* طول المحاضرة سرحانة و بتسال نفسها السؤال ده *
_فاكرة لما كنت بقولك عايز اعرف يعني اي حب و انتي قولتيلي هيجي يوم و تقع ع بوزك و تحب ... اديني وقعت اهو!! انتي عرفتيني معني الحب ي فرح ،، عرفت اني بحبك لما بقيت اسرح ف ملامحك و ضحكتك ، لما كنت بفكر فيكي طول اليوم ، لما كنت بحس اني مسؤول عنك و اني لازم افرحك عشان اشوف ضحكتك دي ، لما كنت بخاف عليكي و اتخض لما تقوليلي انك مخنوقة و ف الاخر تطلع حاجة تفاهة ، لما بقيت اتفرج ع الكرتون و احفظه عشان نفضل نرد ع بعض بيه عشان انتي بتفرحي بالحجات الصغيرة دي ، لما مبقتش شايف غيرك و مبقاش هاممني غيرك ... حرفيا كل ال يهمني انتي و بس ؛ مش عارف انا ازاي قولتلك اني بحبك كده بس صدقيني ضحكتك هي ال عملت فيا كده!! مقدرتش امسك لساني ... مش عارف انتي بتحبيني ولا لا بس ده مش هاممني ،، ال هاممني اكتر اني اغير فكرتك عن الحب عايزك بس تديني فرصة!!
اديله فرصة! ازاي؟ ده زين ،، صحبي... ازاي هنرتبط انا و هو ، طاب ازاي هو حبني
طاب و لي مديلوش فرصة!؟ هو اقرب حد ليا ، لما بزعل بروحله و بيهون عليا ، لما بفرح بروحله و بيفرح لفرحتي ، يعرف كل حاجة عني كل اسراري و كل تفاصيلي الصغيرة هو يعرفها و مفيش غيره يعرفها .. ده كفاية انه علطول بيجبلي شوكولاتة و شيبسي و مصاصة!!
اوووف اي الهبل ده بقاا
انا هديلة فرصة... عشان انا بفرح لما بشوفه و بحب وجوده معاياا ،، وهزاره و خفة دمه ،، و انه بيشاركني تفاهتي ،، و طريقة كلامه معايا ،، بحب شخصيته ،، انا بحبه!!؟ اي ده انا فعلا بحبه ...
_________________
_زين انا هديلك فرصة
=بجد !!
_بس ف كام سؤال كده
=استر يرب.. اسألي ي فرح هانم
_هتجبلي هداياا؟
=هجبلك هداياا
_هتخرجني كتييير؟
=هخرجك كتيير
_طاب بتعرف تطبخ؟
=نعمممم!!
_بحبك
=اي؟
_لا بقولك اي بلاش محن بقا و الجو ده
=هتفضلي دبوشة كده علطول يعني
_مش عاجبك!!
=لا عاجبني طبعا و بحبك كده ي فرحتي ،، فرح انا و انتي صحاب بقالنا ٤ سنين وانا اعرفك كويس و انتي عرفاني كويس و مش محتاجين نعرف بعض
_تقصد اي يعني مش فاهمة
=قولي لمامتك تجهز الشربات احنا جاينلكوا بكراا
_ده بجد
=اومال ههزر يعني ... اي ال هيخلينا نضيع وقت؟
_طاب انا عايزة اصرحك بحاجة مهمة عشان نبقا ع نور كده م الاول
=حاجة اي ي فرح قولي
_بس اوعدني انك هتفضل معاياا
=ف اي ي فرح قلقتيني
_احنا بصراحة يعني معندنااش شرباات ينفع نقدملكوا بيبسي!؟
=.......
_اي ي زين مالك اناا عارفة انك بتحبه!!
=يارب انا ال جبته لنفسي انا عارف
_طااب خلاص خلاص يعم انا هناام اصلا و احرمك م تفااهتي ،، تصبح ع خير
=و انتي م اهلي
•وعد برائحة الورد•♥"
♤منة الله مصطفي♤
