الحلقة(3)
هديل: اه تقصد ميرا 😅
أحمد : إي
هديل <وهي ناسيه هناء> :لالا شن بيرفع ميرا ل كلية العلوم 😳؟!
أحمد:وأنا منين نعرف 😐
هديل:ااااااه ادكرت 😂 هي عندها أخت تؤام صح صح😇
أحمد:ااهاا.. تمام
هديل:وإِنتَ خيرك تسأل ع ميرا لدرجة هادي 😆 ؟؟
أحمد<وهو مرتبك>:لالا شيء غر لقيتها مشي قتلك بس
هديل:ماشي ماشي صدقتك 😂
أحمد:يا الله حرام الواحد يحكي معاك
هديل:ههههه
أحمد: به توا وين حوشهم بالزبط؟!
هديل: الزنقه هادي
أحمد <وهو يسوق >به
هديل :خلاص اهو الحوش خلي نتصل بيها
أحمد :😍..مباه هيا
هديل:هاه ميرا انا برا
ميرا:تمام هي طالعة
طلعت ميرا وهي متحشمة وتفكرت الموقف متاع احمد 😂
ميرا<وكيف صكرت الباب>:صباح الخير
أحمد وهديل:صباح النور
طبعاً أحمد كل شوية يشوف ل ميرا ف المرآيه
أما ميرا ف عيونها ف لوطا
هديل:خيركم ساكتين هكي😂
أحمد:تفضلي تكلمي انتِ وابهرينا بمواضيعك المهمه
هديل:هههههه حقا أحمد بنبدا نسوق😍
ميرا:اي صح صح حتي انا كلمت ماما ونبي نسوق
أحمد:لالا...! لا تسوقوا لا شيء! .. تو نوصلكم انا
هديل<باستغراب >علاش انتَ معندكش محاضرات؟ وصلاح الدين مش زحمة ومتحبش إبن المنظور ؟😜
أحمد<ب إرتباك> اه لالا عادي نتحمّل الزحمة عاد قداش عندي هديل انا 😇
هديل:اي اي خلاص املا ميرا بتدربي بروحك املا
ميرا:يلا عادي 😂
أحمد:لا يا ميرا اهو تو نوصلك حتي أنتِ مع هديل 😇 مش ضروري تسوقي😀
ميرا وهي متحشمة :شكراً☺
هديل:وإِنتَ شن دخلك ف الموضوع متعدليش عليه سوقي سوقي😁
ميرا :😐...إن شاء الله
أحمد <وهو مطلع راْسه من الروشن>:هااااه ياخوناا إنتاا..تي شووف قداامك وين طاالع !!
الراجل:سامحنا يا خوي
أحمد<صكر الروشن>: هاا ريتوو ..عرفتو لاش قلت متسوقوش.. تي شعب ميعرفش حتي ف القواعد جاي ف العكسي 😐
هديل:به يا خوي الموقر مش حنسوقوا 😑
هديل وهي نازله:أحمد نكلمك بعدين باش تجينا؟!
ميرا:لالا تو نكلم بابا
أحمد :لالا تو نجيكم انا😇 فاضي مش ضروري أتعبي بوك كلميني اول ماتكملي هديل😆
هديل:😅..إن شاء الله هي تمام
<<نزلت ميرا وهديل وهما ماشين>>
هديل: تعرفي يا ميرا نحس ف خوي أحمد معجب بيك 😀
ميرا<وجها ولى أحمر و ب إرتباك>:أس أس الي يسمعك يقول حق😖
هديل:ههههههه خيرك وليتي حمرة باه😂ولا حتي انتِ معجبه بيه 😜 عرفاته خوي ربي يحفظه قنين😇😆😆
ميرا:هديل ياسر وإِنتَ شن عرفك هي ؟؟
هديل:أحمد خوي وانا نعرفه ميحبش البنات بس استغربت فيه ديما يسال عليك حتي امس قالي من الاول مش رافعك الجامعة لكن لما سمع إسمك طول وافق😂
ميرا<باستغراب >زيدي توهمي زيدي إسمعي كلمتي ولاء وخولة؟
هديل:لالا تو نكلم خولة انتِ كلمي ولاء
ميرا :ماشي
<<اتصلت ميرا ب ولاء>>
ميرا :صباح الخير شن الجو ولوله؟
ولاء:صباح الورد ميرو❤
ميرا:هاه وينك ؟جيتي الكلية ولا مزال؟
ولاء:إي أهو أنا فوق ف قسم الكونس نستنا ف الدكتور باش نزل موادي
ميرا:تمام شوية ونركبولك
ولاء:تمام نستني فيكم
<<اما هديل ف كلمت خولة >>
هديل:صباح الخيرات
خولة :صباحك فُل شن الاخبار
هديل:الحمدلله تي وينك يا أنسة؟
خولة:اهو كيف مننزل من السيارة للكلية
هديل:تمام😍👌🏻
خولة:جي حد من البنات؟!
هديل :اي ميرا معاي و ولاء فوق ف قسم الكونس تستنا فينا
خولة :تمام تو نلحقكم
__________________
روح أحمد الحوش بس معرفش يرقد.. إتصل ب مجد..>>
أحمد:صباح الخير أستاذ مجد
مجد:صباح النور أفاندي أحمد
أحمد: اه يامان.. شن عندك اليوم؟
مجد: امس ف الليل خطر عليا نمشوا الاستراحة ..شن رايك نمشوا؟؟
أحمد:والله فكرة يا رأس لكن شوف أنس بالك عنده مايدير !
مجد:تمام أملا جو ال3 نتلاقوا
أحمد:تم يابرو
<<صكر مجد من أحمد واتصل ب أنس>>
مجد:هاه صباح الخير
أنس:صباح النور
مجد :شن الجو؟
أنس:الحمدلله كويس وانت؟
مجد:ميه ف الميه إسمع بنقولك شن رايك نمشوا الاستراحة الدنيا كساد واليوم خميس خلي ناخدوا راحتنا ف العطلة شوية
أنس:مافيش مشكلة مجود لكن سالت أحمد؟
مجد:إي كلمته وإتفقنا حني ال3 نتلاقوا
أنس:تمام
__________________
<<نرجعوا للبنات تاني>>
ميرا وهي تسلم ع خولة😍: سمنتي يا بنت تهبلي موليه 🙊
خولة:الحمدلله وكأنك فرحتيني 🙊💓😍
هديل:مفضاك انتِ وياها هو السمن يفرح😂
خولة:تي أسكتي والله من بداية هالسمستر وهما ضعفتي ضعفتي خيرك شينة وليتي إسمني خلي نفرح شوية😅
هديل:هههههه به املا هي نمشو ل ولاء
ميرا وخولة: هي ......
<<ركبوا البنات وكل وحدة شافت المرشد الأكاديمي متاعها ومشوا بينزلوا موادهم>>
ميرا:انا مع هديل و ولاء
خولة:وااكك قصدكم بنقعد برووحي 😒✋🏻
ميرا:هههههه خلاص نكملوا حني ونمشوا معاك شن رايك ..؟؟
خولة:اي اي 😇
ولاء :تمام هي
<<مشوا البنات نزلوا موادهم وبعدها
هديل وهي تشوف ف الساعة>> ..:حي حي الساعة ولت 11 😳 مصرع مر الوقت هكي😓
ولاء:شن رايكم يا بنات نمشوا الكافتيريا؟!
ميرا:تي شن بتاخدي توا؟!
ولاء :خاطري ف شكلاطة"Bueno "😍
هديل:اي اي حتي انا نبي " duplo"☺
خولة :ماشي هي نمشوا
ميرا: تقول صغار 24ساعة وانتم شكلاطات 😂
هديل و ولاء: لاه ياكبيرة انتي 😂ههههههههه
ميرا:به به 😁
<<خشوا البنات الكافتيريا وخودوا شن يبوا وطلعوا>>
ميرا:هديل ؟؟
هديل:......................يتبع
متنسوش تشركوني برأيكم🙊
ديرولي Like🙈
#márøta
