الحلقة(9)🌸
ميرا:ليش أحمد يكلم فيها كان؟
هديل:لالا ميكلمش فيها غر هي تتلصق عليه وماما ورتاج يحبوها ف هي مستغله الشيء هدا باش تتقرب من أحمد
ميرا:اه به اعطيني نكمل السلاطة
_____________________
أحمد وهو يتصل ب مجد:هاه وينك يا راجل
مجد:دقيقة ونوصل هي
أحمد :تمام نستنا فيك اهو خش انا فِ المربوعة هي سلام أنس انتظار
مجد:اوكي نتلاقوا سلام😘
أنس:هاه أحمد أنا قدام الباب انتَ وين ؟
أحمد:خس انا ف المربوعة
أنس:اوكي هي
وهني خش أنس المربوعة
أنس:السلام عليكم
أحمد:وعليكم السلام شرفتنا أستاذ أنس😍
انس:سلمك يا برو
أحمد:شن قهوة ولا شاهي؟
أنس:خلي لين يجي مجد وبعدين ساهل
أحمد:تي مجد ف الطريق وشوي ويوصل غر قول هيا
أنس:قهوة قهوة😍
أحمد:تمام دقيقة هي
مشي أحمد للمطبخ ووقف جنب الباب وضبح ع هديل
أحمد:هديل هديل
هديل:نعم
أحمد:ديري قهوة الولاد جو
هديل:حاضر دقيقة ونتصل بيك تعالا خودها
أحمد:تمام
مشي أحمد ل أنس وهني خش مجد
أحمد :اوووو مجود شن الاخبار؟
مجد:ميه ميه وانتـَ
أحمد:اكيد بخير بشوفتك
أنس:هي انا هنا راه😂🖐🏼
مجد:شن الجو يابرو
أنس:بخير هي قعمز جنبي
قعمز مجد وهدرزوا الشباب مع بعض
أحمد:هي نجيب القهوة ونجي
مشي أحمد وجاب القهوة وفرق ع الشباب وهدرزوا شوية وجي الغدي
أحمد:هي تفضلوا
مجد:اووووو شكله بنته منحكيلكش
أنس:اه نحس ف روحي ميت من الجوع بعد ما شفت المنظر
أحمد:ههههههه صحتين صحتين
وكُلُوا الشباب وكملوا
أنس:الحمدلله مشاء الله الصراحة بنه وصنه
أحمد : ع المهم عجبك صحتين
مجد:تي شن املا ميعجباش الحق ماعندي مانقول حتي سنه منكلش عصبان الحمدلله والله ربي يبارك قنين
أحمد:تفضلوا ف اي وقت😁✋🏻
مجد وانس:هههههه اي اكيد املا شني
هدرزوا الشباب لين جي وقت العصر
أحمد:هههه العصر يأذن مسرع الوقت مر
مجد:إي والله هي نمشوا الجامع ونطلعوا شوية؟
أحمد وأنس:اي هي
وهني اتصل أحمد ب هديل
أحمد:هديل بري ضمي المربوعة انا طالعة تمام
هديل:تمام اوكي
ميرا:هاه نمشي معاك؟
هديل:لالا خليك كملي ماكلة من نبكري وانتِ مقعمزتيش
ميرا:تي لالا عادي
هديل:تي دقيقة هي نكنسها ونلمعها ونجي
ميرا :الي يريحك هي
______________
أحمد:تعالو نمشوا بسيارتي
أنس ومجد :تمام
أنس <وهو يفتش ف جيبه>:أحمد نقالي ف شكله ف المربوعة نجيبه ونجي
أحمد:تمام خل نولع السياره هي
__________________
خش أنس خدي النقال وهو طالع لقي هديل خاشة وتغني
هديل: وهي تغني ف أغنية شيرين""انا مش بتعت الكلام ده انا كنت طول عمري جمده الي المرة دي اي قرالي أنا مش مصدئة إنت الزِّي مالكت حالي خلتني......"""
انس:وقف ف مكانه وتجمد ومعاد عرف شن يدير
أما هديل استاقظت لروحها وولت حمرة وطلعت جري من المربوعة
هديل:حي حي حي حي
ميرا:خيرك توحوحي
هديل:خوك خوك!
ميرا:خيره خيره😭
هديل:تو يقول عليا مهبوله حي حي ع الحشمة
ميرا:والله ما فهمت حاجة هي تكلمي بالشوية
هديل:تي خوك ف المربوعة وانا خاش ونغني مندريش عليه
ميرا:هههههههههه أول مرة نشوفك حمره هكي
هديل:وقت تسهويكك توا يا باردة حي عليا وع الحشمة
ميرا:تي اسكتي ياسر وأنتِ زي المهبولة بديتي راهو مركزش فيك
هديل:لا وفوقها مخليه شعري مفتوح يعطيني قصه فيه
ميرا:ههههههه معليشي معليشي خل نتصل ب خوي بالك مغمي عليه من جمال صاحبتي😂🖐🏼
هديل:كلبة وحق ربي هي😭
ميرا:هههههههه
_________________
هناء وهي تكلم ف أمها
هناء :ماما مكلموكش عيلة عمي؟
ام ميرا:كلموني وقالوا السبت بيجوا
هناء:وخيره مقلتيش؟!
أم ميرا:وعادي اهو قتلك
هناء:توا🙄
أم ميرا:تي هما نبكري كيف اتصلوا بيا أمتَا تبي نقولك إملا!
هناء:به ماما شن نلبس؟
أم ميرا:الي تبيه عادي
هناء:به خلي نمشي نجيب أحلي لبساتي ونجيك
أم ميرا:تمام
مشت هناء وطلعت أحلي لبساتها وجت
أم ميرا:كلهم حلوات راه وألبسي شن تبي
هناء:به تمام تو تجي ميرا تختار الاحلي
أم ميرا:تمام
_____________
هديل:تعالي نديروا قهوة ونشربوا ونادوا رتاج وماما والبلوةً هديكا
ميرا:هيا 😂
هديل:تعرفي كل ماندكر موقف خوك نتحشم
ميرا :هههههه أحسن ع الأقل انتِ استقضتي ع روحك مش انا خوك قالي متشوفيش عمياء😂
هديل:هههههههه والله خو من الخبطة لين بدّي ميرا ميرا ميرا تقول ساحرتيه أما انا شافني زي المهبولة😭احتمال معاش يخش ل حوشنا من الخوف😂😁
ميرا:هههههه لالا بالك حتي هو تسحريه😂👌🏻
هديل:هيا هيا بلا كلام فاضي شكلك هبلتي😂
ميرا:هيا بسرعة خل نشربوا بنتصل ب أنس نبي نروح
هديل:مصحك مش حتروحي لين نتعشوا
ميرا:تي انا بارك الله فيا حتي منشرب قهوة شبعانه الحمدلله
هديل:اس اس وهيا😒👏🏼
طيبوا هديل وميرا القهوة ومشت ميرا تنادي ف رؤية وهديل
ميرا وهي اتطقطق ع دار رتاج:بنات
رتاج :تفضلي
ميرا:رؤية رتاج تعالوا اشربوا قهوة معانا
رتاج:تمام دقيقة وننزل خل نكمل السطر هدا
رؤية <ناضت>:اه تمام رتوجة كملي وتعالي
طلعوا ميرا ورؤية من الدار وسكروها وهني شدت رؤية ميرا وقالتلها
رؤية:..............يتبع
عارفة إنه الحلقة قصيرة🙈
بس نبي رايكم انا كاتبه الحلقة 10 وغدوا طالعة ومش رح نقدر نكتب يعني ل يوم الاحد باْذن الله ف تبوأ نزل حلقة 10بعد شوية ولا نزلها بكرا بعد ساعة12؟
اكيد رايكم يهمني🙊❤️
#márøta
