الحلقة(32)
احمد:شافلها ب استغراب لما سمع ب اسم ميرا
هديل:خيره وجهك ولا هكي
احمد:شيء
هديل:شن توا كتفك؟احسن
احمد:إي الحمدلله يسلم ايديك😘
هديل :علاش لابس الدبله؟
احمد:وانت مالك؟
هديل:ياسعد الناس🙊
احمد:امشي امشي وحق ربِّ هبلة
هديل:به ماشيه لكن قولي امتا بتبدا تشري أتات ؟
احمد:تشوفي فيا فاضي باش نشري أتات ! ولا نقدر نطلع
هديل:اسمع شن رايك تجيبه من تركيا من غادي أرخص وحلو
احمد:تي شن بيرفعني غادي وانا منعرفش حد نتعب روحي وخلاص!
هديل:ماهو هني شغل هديل😂😝
احمد:شن بتمشي انتِ تجيبيه املا😳
هديل:تي لالا هدا راجل صاحبتي خولة عنده معرض أتات ومرات يمشي يجيب من برا شن رايك نجيبلك الكاتولكات وتختار ويجيك واتي؟!
احمد:المره الي فاتت انا اخترت وعجبوني زعما يقدر يجيبهم!
هديل:والله ما نعرف غدوا انا نكلم خولة وباذن الله خير
احمد:تمام عبيت عليك
هديل:بعون الله تبي شيء توا؟
احمد:لالا سلامتك صكري الضي بس
هديل:تمام حاضر
_______________
مرت الساعات وخالد ف العناية اما أهله ف الكل ف انتظاره
ومع الساعة 12روحوا كلهم وقعد قُصي صاحبه ومعتز
معتز:قُصي انا طالع منشم شويه هواء نحس ف راسي مصدع
قُصي :به روح انا قاعد ياعزو ولا يهمتز :لالا بنقعد
قُصي :الي يريحك انا قاعد هني
معتز :اوكي
_______________
ومع جو الساعة1 اتصل ب هناء
هناء:ايوا هاه عزو شغلتني عليك
معتز:اسمعي بنقولك كلمتين وبنصكر
هناء:خيرك تتكلم هكي؟
معتز:اسمعي الي بينك وبيني تم ومن اللحظة هادي لا نعرفك ولا تعرفيني اعتبريني متت اي شيء صارلي
هناء:تبصر انت؟معتز خيرك
معتز:الموضوع ما فيشي بصارة
هناء:هه وجاي تقول الكلام هدا توا؟ليش ف الوقت هدا بالذات انت عارف انه عرسنا معاش عليه هلبا تبصر صح؟
معتز:<بعصبية >منبصرش منبصرش
هناء:به علاش اعطيني سبب؟
معتز:هكي مش مرتاح معاك وتوا كيف اقتنعت انه حني مش لبعض!
هناء:هه مش قلت انك تحبّني علاش غيرت رايك فجأة!؟
معتز :الحب مش كل شيء وصكر ف وجهها
<وهني بدت هناء نوبه البكي متاعها بكى ع كسرة قلب مش ف وقتها >
<اما معتز ف قعدت حاير ليش دار هكي بالرغم انه كل الكلام الي قاله كدب لانه هو يعرف انه يحب هناء وميتخيلش اي انسانه تكون بدلها يمكن دار ردت الفعل هادي لانه حس انه الي صاير ف خوه بسبب عمه وميرا حتي وان كانت هناء مش ذنبها لكن يبقوا اَهلها >
أغلبنا يمكن نديروا هالردود ف أوقات ونقولوا كلام مش من قلوبنا وأحيانا نظلموا أنفسنا ونظلموا الأشخاص الي نحبوهم معانا معتز ف موقف لا يحسد عليه وكذالك هناء
________________
ميرا:هناء خيرك
هناء:😭😭😭😭معتز
ميرا:خيره شن صايرله؟
هناء:معاد يبي يكلمني!
ميرا:كنت تحلمي ولا شني؟
هناء:ميرا منحلمش انا ولا نبصر ندوي بجد😭💔
ميرا:خيره معتز هبل؟ بِاسْم الله اهدي اهدي
هناء:😭
ميرا:قتلك اس اس صوتك حتي الجيران قريب يسمعوه
هناء:شن تبيني ندير هي شن تبيني
ميرا:تي اكيد قال هكي لانه مصدوم من خوه ف فش غله فيك معليش
هناء:شن لعبة انا باش يفش غله فيا ويوم تمام ويوم يقولوا معاد بنكلمك مش لعبة انا😭😭
"وهني كان انس خاطم ف سمع جملة هناء"
انس:طق طق
ميرا:مني؟
انس:انا انس
ميرا:هي انت اس اس امسحي دموعك
ميرا:دقيقة هي
ومشت ميرا فتحت الباب
ميرا:<تحاول تظاهر انها كانت راقدة وفاتحة الباب شوية >هاه خيرك ليل😪
انس:خيرها هناء؟
ميرا:خيرها ؟
انس:علاش تبكي؟
ميرا:اه لا شيء
انس:حاولي من قدامي ترا
ميرا:تي اطلع بنرقدوا
انس:حاولي
ميرا :به
وهني خش انس
انس:خيرك
هناء:شيء
انس:قتلك خيرك؟
هناء:ادكرت خالد مشي خفت عليه
انس:يا الله توا بس كيف ادكرتيه ف هالليل😒الكلام الي قلتيه كله سمعته ف بلاش لف ودوران😏✋🏻
ميرا وهناء:😳😳
هناء:شن سمعت ؟
انس:والله انت الي بتحكي شن قلتي
هناء:ماقلتش شيء!
انس:هناااااااء
هناء:شيء يا انس شيء وناضت تبكي
انس :به به
وطلع انس من الدار وقربع ورآه الباب
ميرا:حي حي كمشه مهبله واك عليا وخلاص عاجبك توا؟وعلاش نظتي تبكي توا هي !
هناء :شيء
ميرا:لا إله إلا الله
هناء😭😭😭
ميرا:هناء حبيبتي وخيتي لو نصيبك والله لو يمشي ل اخر الدنيا وصارت مليون مشكله لما تاخديه ولو مش نصيبك ولو عرسكم غدوا مش حيصير😰
هناء:بس اخي اللقطة يا ميرا اخي😭
ميرا :عارفة بس يا هنوشتي معتز معدور خوه قاعد مش معروف مصيره وخايف عليه اكيد بيدير رد فعل حتي وان كان خطأ
"وهني نزلت من ميرا دمعة"وبكت بكاء نقدروا نقولوا داخلي وبدون صوت مجرد دمعتين بس الحزن اكيد كان ف قلبها وهالحزن منه ع خاطر خالد ومنه ع موقف معتز وهناء
هناء:خيرك!
ميرا:اه شيء مش عارفة شن خش ف عيني
هناء:😒
ميرا:<تشوف الساعة >حي حي الساعة 3وغدوا ماشية من8
هناء :به ارقدي
ميرا:انتِ قبلي
هناء:تو نرقد
ميرا:اوووو😑يا بارده ارقدي هيا مشناك
هناء:خليت الجمال ليك
ميرا:تعالي تعالي يا هبله ارقدي وقت
هناء:ميرا
ميرا:نعم؟
هناء:زعما علاش خالد نصاب ؟
ميرا:نبكري نسمع ف امي تقول ينظف فيه طلعت رصاصة بالخطأ
هناء:عندي أحساس أنهم يكذبوا🐸✋🏻
ميرا:املا علاش بيضرب روحه هبل؟؟!
هناء:مش عارفه بس نحسه ضرب روحه بقصد ولا كان بيتعارك مع حد انا انه ينظف فيه مخشتش ف عقلي!
ميرا:خيرك إنتِ هبلتي عقاب الليل؟ درتي زي "توقوموري "إنت يدير ف روحه يحقق ويستنتج وهو مش فاهم حاجة😂وبعدين يحلها كونان
هناء:وااااك انا نحكي ف وادي وانتِ ف وادي ارقدي سلم وخيتي بتنوضي بكري
ميرا :حتي انتِ ارقدي تصبحي ع خير😘
هناء:وانتِ من أهله
_____________
تاني يوم ناضت ميرا وهديل لبسوا ومشوا للمستشفي التعليمي لانه عندهم "كلنك"
هديل:صباحو
ميرا:السلام عليكم صباحك ورد
أم هديل:وعليكِ السلام صباح النور
ميرا:شن اخبارك خالتي
ام هديل:الحمدلله ف نعمة وانتِ شن اخبارك إن شاء الله بخير"مع شبحات من المرآيه "<عاد بتولي كنتها>😂👌🏻
ميرا:الحمدلله
هديل:حقا ميرا عبدالمالك راجل خولة قاعد يجيب ف أتات من تركيا؟
ميرا:اعلاش شن تبي ف الاتات انتِ ؟
هديل :اه قلت عليه ل احمد بدل يتعب روحه يوصي من برا وخلاص
ميرا:اه ربي يعون<مع وجه احمر>
أم هديل:اياه امتا صار انا اخر من يعلم !
هديل:نبارح بس كيف قتله انا بدل ماينصرفوا فلوسه ع الفاضي
أم هديل :اي صح ربِّ يكتب الي فيه الْخِيرْ ويرزقه ب بنت الحلال <وشبحت ل مِيرا ب إبتسامة>
مِيرا:إن شاء الله<وجها زي الطماطمه "أحمر">😂
هديل:خل نتصل ب خولة و ولاء نشوفهم وين
مِيرا :اي
هديل:ايوا صباَحْ الوردْ 💐
خولة:صباَحْ النور
هديل:هاه وينكم؟
خولة :اهو انا و ولاء ف الطريق انتِ وين؟
هديل:حَــتَي انا جايه ف الطريق ومعاي مِيرا
خولة:تمام باه نتلاقوا قدام باب المستشفي
هديل:تمام نتلاقو
______________
انس:صباَحْ الْخِيرْ
ام مِيرا <عفاف>:صباَحْ النور
انس:شن مافيش حد؟
ام مِيرا:مِيرا مشت الجامعة و هناء فوق راقدة وبوك مشي قال نكمل حاجات ف الشركة ونروح نمشوا ل خالد
انس:به به حَــتَي انا نطلع وشوية ونجيك
ام مِيرا :به بعون الله
طلع انس ومئة حاجة ف راسه يفكر فيها واهما ليش خالد سيب هناء وشن السبب الي يخليه يسيبها ف الوقت هدا
انس:اه معتز انت وين؟
معتز :ف الكافتيريا متاع المستشفي كيف بناخد حاجة نأكلها
انس:شن خالد اليوم
معتز:حالته مستقره وقبل شوية فتح عيونهْ بس مش قادر يحكي ومرات ترتفعله الحرارة شوية
انس :تمام جايك شوية ونوصل
معتز :تمام
<وصل انس>
معتز:اها فاطر ولا نوصيلك معاي؟
انس:لالا صحتين فطرت
معتز:املاً دقيقة خل يوتا ونمشوا ل خالد
انس :تمام
قعدتوً شوية وخدوا الفطور و ركبوا ل خالد
انس:وينً قصي ؟
معتز :قبل شوية روح أمه ارتفاعلها السكر مشي جري
انس:اه سلامات
معتز :إن شاء الله
انس:معتز علاش سيبت هناء!
معتز:لانه مش متفاهمين 😒
انس:<بنظرة جريئة>صحه النوم تًوا كيف عرفت انه مش متفاهمين!!وانتم عرسك بعد شهرين !!
معتز :اي
انس :<شده من رقبته وهزه >:تبصر تبصر!!
معتز:<نحي يدين انس ب قوة >الي بينا تم ومافيش حد يقدر يحاسبني !
انس: عطاه بوكس👊🏻 انا الي بنحاسبك!😡
معتز:تضربني يا ولد عمي؟؟😱😤
انس:نضربك ونضرب عشرة من امتالك بناتنا مش سايبين يا تافه باش تسيبها هكي! لكن تو تشوف
<ومشي وسيبه😐>
قعد معتز واقف ف مكانه دقايق مصدوم ب أنس كيف ضربه لانه أنس من يومه هادي ومش متاع عراك وبعدين خش "للتويلت ".........يتبع
تفااااعلو اعطوني رأيكم وقولولي توقعاتكم للحلقات الجاية🙈❤
