الحلقة(7)
هناء:شن بنقول يعني قتله اي تمام موافقة
ميرا:يا الله منك نبي نعرف ليش مستعجلة انتِ؟
هناء:وانتِ شن دخلك قرايتي شوية ونكملها وعلاش قاعدة نشوف ف وجهك😂
ميرا:به تعرفي عليه كان طبعه مايمشيش معاك؟
هناء:عادي عادي 🙊اصلا عزو كويس ومتربي معانا
ميرا:من توا بديتي ادلعي فيه بِسْم الله الرحمن الرحيم😳
هناء:هههههه اي هي سلام خل نمشي
ميرا :به به
مشت هناء الجامعة وهني وصلت
هناء:ريوا😍
رؤية:هلا هلا
هناء:شن الاخبار
رؤية:مية مية وانتِ؟
هناء:ف قمة السعادة
رؤية:إن شاء الله خير
هناء:هههههه خير خير
مشت هناء ورؤية وهناء قالت ل رؤية ع الخبر
رؤية:اوووو مبروك وأخيرا بنولي صاحبة العروسة😂🙊
هناء:اياه تقول عرسي غدوا خلي تجي مرت عمي ع الأقل
رؤية:عقبال ماتجيني خالتي حتي انا😂😁
هناء:هههههه إن شاء الله
____________________
ميرا وهي تتصل ب هديل:اهلا شن الاخبار
هديل:الحمدلله كويسة وانتِ؟
ميرا:الحمدلله اهو
هديل:خيرك ميراتي مريضة؟
ميرا:لا والله بس ف خبر مخليني مش تمام
هديل:خيرك يا بنت قولي!!
ميرا:هادوا ولاد عمي معتز وخالد خطبوني انا وهناء
هديل:حي حي! وشن قلتي انتِ؟
ميرا:أنا قلت لا بس والله إخي لقطتي قدام بابا
هديل:إسمعي هدا مش يوم ولا إتنين وبلا جو ع المهم شن بتجي تساعديني بكرا؟!
ميرا:والله ما كلمت ماما اصلا
هديل:به وع موضوع أحمد؟!
ميرا:مش وقته الموضوع بكل يا هديل لو قلت ل ماما رح تقولي إنتِ رفضتي خالد ع خاطره يعني أكيد تبيه وجو هكي ف صكري ع الموضوع توا
هديل:يا ربي ملقوش يكلموا بوك غر توا😳
ميرا:يلا ع المهم شن اديري ؟!
هديل:اهو كيف حطيت الغدي ع النار
ميرا:ايوا حني فالحة مشاء الله
هديل:ع اساس اي نطلع ف فلاحتك خير ماتجي الكلية وتطمسها
ميرا:ع سيرة الكلية الاحد بنبدوا😭✌🏻️
هديل:إي باْذن الله
__________________________
أحمد وهو يكلم ف أنس: ترا عطيني الملف هدا
أنس: هههههه تتكلم وكأنها شركة بوك
أحمد:تي والله كان مَش عمي جمال هو الي طلب يخدمني ماني خادمها هي
أنس:تي نبصر عليك وانت ماتصدق شن أحسن من إنه يخدم عندنا خو وصاحبي حمود😍👌🏻
أحمد:إي إي حقا كلمت مجد اليوم
أنس:إي قبل شوية كلمته قالي ف المحل ل ساعة 2توكته
أحمد:اه به خل نكملوا الشغل الي ف يدنا ونمشوا نتغدوا والله جعت
أنس :هي هي
________________
رؤية وهناء وهما طالعين من الامتحان
رؤية:اه وأخيراً كملت حاجة إسمها امتحانات
هناء:اي والله واخيراً
رؤية:هي خل نتصل ب بابا يجي يروح بيا راه وقت
هناء:إي حتي انا خل نتصل والله نحسه ف روحي فاشلة حقا شن بتمشي لحوش خالتك؟
رؤية:اكيييييييد أصلا مستنيه العطلة باش نمشي😬
هناء:وأك منك يا أم أفكار شريرة
رؤية :هههههه أس أس حتي ربي قال"إن كيدهن عظيم "
هناء: والله أنا لا عندي كيد ولا هم ابيض عندي لسان طويل بس هههههههه
رؤية: ههههههه
هناء:إملا ميرا أختي كان عندها كيد نهبل تي هي كان كشخ عليها حد تنوض تبكي
رؤية: والله إنتِ جو غر قوليلي ميرا وافقت ع خالد؟
هناء:لالا ست الحسن قالت مانبيش بتكمل قرايتها
رؤية :وبه وتكملها!!
هناء:لالا مش حتقدر لأنهم مش حيعطلوا شوية وبيديروا العرس واصلا ميرا ماتحبهمش ولاد عمي
رؤية:اها به كويس
__________________
ميرا وهي تكلم ف أمها:ماما
أم ميرا:نعم
ميرا:غدوا منمشي نساعد هديل
أم ميرا:وليش شن عندها؟!
ميرا:لا شيء غر بيمشي انس وصاحبة يتغدوا عندهم عصبان وقتلي تعالي منه نهدرزوا مع بعض ومنه نساعدها
أم ميرا:ماشي أوكي
ميرا :😍صحيتي مامي
ام ميرا:حقا ميرا قوليلي ليش رفضتي خالد؟!
ميرا :ماما تعرفيني انا منحبهمش ولاد عمي وهما رح يديروا عرس بسرعة وانا مزال قرايتي
أم ميرا:اه كان ع هكي عندك حق
ميرا:ماما بنقولك شيء
أم ميرا:نعم
ميرا:لكن ماتفهمنيش خطا!
ام ميرا:إن شاء الله خير قولي
ميرا:هدا خو هديل أحمد طلب من هديل يتكلم معاي لانه ع حسب كلامه معجب بيا وقتلي ف غضون شهر يخطبني
أم ميرا:وإِنتَ شن رايك؟! يعني رفضتي خالد ع خاطره؟
ميرا:لالا والله مصارت يا ماما أحمد رح يستني لين نكمل قرايتي وغيره الحق أنا ارتحتله كويس ومحترم وفوقها بابا يعرفه وصاحب أنس!
أم ميرا:وإِنتَ شن بديري توا؟!
ميرا:عادي نتكلم معاه؟
أم ميرا:شوفي بنتي أنا نعرف إنتِ شني ونعرف إنه الخطا مستحيل اديريه بس هاه أنبهك لو درتي اي خطا رح تتحملي نتيجته!
ميرا:حاضر
وهني مشت ميرا جري وكلمت هديل
ميرا:السلام عليكم
هديل:وعليكم السلام هاه شن قتلك أمك رح تجيني
ميرا:اي باْذن الله
هديل:تمام تعالي من10الصبح راه
ميرا:شن 10الصبح عيب
هديل:بالله عليك تسكتي ترا أحمد ينوض بكري ويمشي الشركة ومافيش حد الا أنا وماما ورتاج وعلاش العيب يعني
ميرا:تمام لو قال أنس باهي تو نجي حقا بنقولك
هديل:هاه شني؟
ميرا:ماما قتلي باهي كلميه أحمد
هديل:جديااااات😍
ميرا:إي والله لكن قلتلها نتعرف عليه شهر بس ولو تفهمنا يخطبني
هديل:اه نحس ف روحي فرحانه اي باْذن الله شهر مش اكتر
ميرا:به قوليلي كيف بتقول ل أحمد توا
هديل:شن كيف بنقوله يعني بنقوله ميرا وافقت ومنعطيه رقم صاعبة يعني!
ميرا:حي ع الحشمة حي
هديل:وين الحشمة وانتِ 24ساعة متحشمة تقول من جيل1900ونقطة
ميرا :مشناك به قوليلي شن بنقوله هي!
هديل:ههههههه والله إضحكي يا بنت حسستيني إنك مش من جيل90
ميرا:واك منك إنت وخلاص
______________________
احمد وهو يشوف ف الساعة حي حي ساعة4
أنس :إسمع هي خل نمشوا نتغدوا متت من الجوع انا
مشوا أنس وأحمد يتغدوا وهني إتصل مجد
احمد وهو ياكل:نعم مجد
مجد:كل بشوية رآك تنخنق
أحمد:اختصر جعان ونبي ناكل
مجد:إسمع وين إنت جايكم حتي انا حاس إنه جُعت
أحمد ف مطعمنا المعتاد وين بنكونوا يعني
مجد:ههههه ماشي هي شوية وجاي
____________________
رؤية وهي تلبس ف وشاحها :هاه ماما تبي حاجة؟
أم رؤية:لا سلامتك سلميلي ع خالتك
رؤية:يوصل
طلعت رؤية مع بوها ومشت ل حوش هديل وهني طقطقت الباب وخشت
رؤية :السلام عليكم!
أم هديل:هلا هلا وعليكم السلام
رؤية وهي تسلم ع خالتها :شن اخبارك يا خالتي والله ليك وحشة
أم هديل:والله حتي إنت يا ريوا خيرك ضاعفة هكي
رؤية:لالا زي ما أنا غر ليك فترة ماشوفتنيش
أم هديل:شكله هي تفضلي تو ناديلك هديل
رؤية لالا عادي تو نمشيلهم بروحي هي
ومشت رؤية ل دار رتاج باش تحط شنطتها
رتاج :ريوتي هلا هلا ليك وحشة😍
رؤية:والله حتي إنتِ ليك وحشة هلبا
رتاج :اه وأخيراً جي حد يونسني ف الدار😘
رؤية:ليش هديل وين ترقد؟
رتاج:أغلب الوقت ترقد مع ماما
رؤية:اها هي خل ننزل نسلم ع هديل مشوفتهاش
رتاج:تمام خلي نكمل اخر ورقتين ونجوا نديروا نسكافي
رؤية :تمام هي <وحطت وشاحها ع العلاق ونزلت>
رؤية:هلا هلا هدول
هديل<وهي مصدومة وتقول ف بالها شن جابها هادي>:اه اهلا رؤية
رؤية:خيرك تشوفيلي هكي وكأنه شوفتي عفريت
هديل:لالا غر استغربت بس شن جوك
رؤية:تمام الحمدلله وانتِ؟
هديل:بخير
رؤية:شن جو الجامعة
هديل:اهو الاحد نبدا باْذن الله
رؤية:اها انا كملت اليوم امتحانات واخيراً عطلة
هديل:اه بالنجاح ع المهم وين وشاحك؟
رؤية:علقته فوق
هديل:بري جيبيه راه أحمد ميندريش انك هني يعني رح يفتح الباب ويخش وهو رجله خفيفة طول تلقيه وراك
رؤية<وفي عقلها اصلا نبيه يشوفني من غير وشاح انا>:اي اي تو نركب نجيبه
وهني نزلت رتاج
رتاج :هي نوضوا نديروا نسكافي
رؤية :هي
هديل:بروا هي
مشوا البنات يديروا ف نسكافي ويهدرزوا
وهني خش أحمد للحوش
أحمد :اوووو صنه نسكافي من الاخير
هديل:<وهي تفنص ف رؤية >:وشاحك!!
أحمد:بعد ما انتبه انه ف شخص تالت بس مش أمه
إحم إحم!
رؤية<بكل وقاحة مدت يدها وبتسلم ع أحمد>:اهلا شن الجو حمود
أحمد:<وهو راْسه ف الارض>اه اهلين
أحمد : هديل انا راكب ل داري لو تبي شيء انا فوق
هديل:تمام شوية ونجيبلك نسكافي ونجيك
ركب احمد ل داره أما هديل فقالت
هديل:شن الوقاحة الي عندك يا بنت ماتتحشميش؟
رؤية:شن درت انا؟!
هديل:بالله ما سد من غير وشاح وفوقها سلمتي عليه متاع شوف شعري يا أحمد ولا كيف؟!
رؤية:أنا سلمت عليه بش ميرتبكش
هديل:الله مشاء الله ع الفالحة مشاء الله قمة ف الذكاء يا بنت خالتي
رتاج:ياسر يا هديل عادي هو زي خوها
هديل:لا ري خوها لا زي بوها أخر مرة نبهك يا رؤية خوي ألبسي وشاح قدّامه وبلا جو
رؤية:تي به
كملوا البنات النسكافي وحطت هديل طاسه ليها وطاسه ل أحمد وحلويات وركبت ل أحمد
هديل:احمد
احمد:خشي هديل الباب مفتوح
هديل:أها جيت منشرب معاك البلوه لو نقعد معاها شوية تانية نضربها
أحمد:يا والله حالة شن هالمخلوقة هادي😒✋🏻
هديل:اي وكان نقولك بتبات فوقها
أحمد:ياربي شن هالحصله هادي
هديل:ههههههههه
أحمد:قوليلي شن قالت ميرا؟!
هديل:وافقت بس زي ما اتفقنا شهر ع الاكتر
أحمد:ميه ميه باْذن الله
هديل:حقا شن امتا بتجيب بضاعة العصبان ؟
أحمد:ذكرتيني اهو تو نوض توا هي
هديل :به هي
ناض أحمد ومشي يشري ف بضاعة العصبان خدي حاجاته وروح طق الباب مرتين وفتح
احمد:<بصوت عالي >السلام عليكم
هديل وهي جايه تاخد ف البضاعة وعليكم السلام هههه متخافش البارده مع رتاج فوق
أحمد: اه أحسن حقا بنقولك؟!
هديل:................يتبع
رايكم يهمني🙈
#márøta
