الحلقة(16)🌸
ركبت ميرا ل دارها وكلمت هديل
ميرا:السلام عليكم
هديل:وعليكم السلام هاه شن الإزعاج ف نص الليل
ميرا:اما نص الليل هادي هي الساعة12الا دقيقتين😂👊🏻
هديل:هههههه اي ماهوا انتِ مستحيل تصكري قبل دقيقتين ف بتولي 12 وع قولة القنوات12 منتصف الليل
ميرا :هههههههه ضحكتني
هديل:هاه قوليلي شن تبي هي منرقد!
ميرا:اه اه عندي ليك خبر حلو
هديل:شني شني
ميرا:انس كلم بابا ع موضوع احمد وبابا قالي موافق
هديل:كدااااابة
ميرا:والله
هديل:ياي مش مصدقة واخيراً بعد هالتعب الحمدلله
ميرا: ع اساس خوك ليه سنوات يعرفني ويبيني
هديل:صكري فمك إن شاء الله يوم ع المهم قعد يستنا
ميرا:اي اي
هديل: حقا شن يرفعنا احمد بكرا
ميرا:لالا قلت ل انس يرفعنا ساعة7:35نكون عندك هاه
هديل:تم يا مرت خوي
ميرا: من توا تقولي مرت خوي😂👌🏻
هديل:اي اي ماهو توا جوي منيح معاك وبعد ماتجينا نهارك الي ادوري فيه
ميرا:ههههههه هي بري ارقدي يا حماتي
هديل:ماشي ف حفظ الله
ميرا :سلام
هديل:ميرا ميرا
ميرا:هاه نعم
هديل:اتصلي ب احمد قوليله🙈❤️
ميرا:لالا تو يقوله انس
هديل: واك منك قتلك قوليله انتِ
ميرا:شن بنقول به؟
هديل:شن شن بتقولي !؟اتصلي وقوليله انس كلم بابا و كلهم موافقين
ميرا :نتحشم🙊🙈
هديل: من شن شن تتحشمي يا همي بالله عليك بلا جو كلميه خيرلك😒👌🏻
ميرا:ماشي هي دقيقة
هديل:سلام
مشت ميرا تكلم ف احمد مرتبكة ومش عارفة شن تقول
ميرا:السلام عليكم
احمد<بصوت شبه ناعس>وعليكم السلام ميراتي
ميرا :كيف الحال؟
احمد :الحمدلله اكيد حيكون حلو بسماع صوتك
ميرا: كويس
احمد: وانتِ شن امورك ؟
ميرا:الحمدلله احمد بنقول
احمد:اها نعم
ميرا:نبكري انس كلم بابا وكلهم موافقين
احمد:جديااااااات
ميرا:اي والله
احمد:اه احلي خبر😍❤️
ميرا: ماشي هي تصبح ع خير دير بالك ع نفسك
احمد:وانتِ بألف خير وتصبحي انتِ من اهلي "خطيبتي"
ميرا:سلام
احمد:سلام
صكر احمد من ميرا وهو ف قمة سعادته وطول مشي ل هديل
احمد:<بصوت خفيف>:هديل هديل
هديل:هاه نعم شن تبي
احمد:نوضي شوية من الدار نبيك بنقولك شيء
هديل:به وقول هني
احمد:تي نوضي تو امي تنوض
هديل:به به نضت
وقف احمد وهديل جنب الدروج وهني رؤية كانت نازله بتشرب إميه وأول مشافتهم وقفت قدام باب دار رتاج باش ميشوفهاش
احمد:هديل واخيراً تعرفي فرحان فرحة مصارتش
هديل<ادير ف روحها مش عارفه>شن في؟
احمد: عيلة ميرا وافقوا😍❤️
هديل:اياه قصدك ميرا بتولي مرت خوي؟
احمد:اي باْذن الله😍👌🏻
هديل:هههههه به هي توا خل نمشي نرقد مزال تبي تقول حاجة
احمد: بشوية وانتِ مستعجلة
هديل:ني بنوض7
احمد: به اسمعي نبي غدوا نجيب دبلة ل ميرا امتا تفضوا؟
هديل:حي ع خوي منين جياتك الرومانسية هادي كلها ؟و خيرك مستعجل؟
احمد:ههههه اس اس وقولي امتا فاضين انتم ؟
هديل:حني نروحوا ساعة12 غدوا
احمد:تمام رح نجي انا نروح بيكم اوكي
هديل:اوكي تمام
احمد:ماشي
طبعاً رؤية سمعت كل شيء وهني تأكدت من كل شكوكها وزاد كرها ل ميرا ومشت تبكي وكل الأفكار الشريرة ف عقلها😳✋🏻
مشي الوقت وتاني يوم ناضت ميرا وبدلت وكذالك هديل ورتاج لانه رتاج عندها امتحانات نهائية
ميرا :صباح الخير انس
انس:صباح النور
ميرا:هي شن نمشوا؟
انس:متعرفيش اديريلي فطور وتفطري؟
ميرا :انا بنفطر ف الجامعة وانتـَ خيرك مقعمز مافطرتش؟
انس:نحساب اختي فالحة بديرلي
ميرا:حاضر حندير ل احلي اخ فطور شن تبي؟
انس: اممممم عصبان
ميرا:توا😳بالله عليك انا قتلك فطور مش غدي راه
انس:نبصر نبصر ديريلي قهوة تو نفطر ف الشركة
ميرا: حاضر دقايق بس
انس:انا ماشي السيارة ديرها وتعالي بسرعة
ميرا:تمام
كملت ميرا القهوة ومشت ل سيارة
انس:صحيتي
ميرا:العفو
انس:امتا تروحوا؟
ميرا:12
انس:تمام تبي نجيك ؟
ميرا:لالا تو يروح بينا خو هديل
انس:تمام به اتصلي بيها قريب نوصلوا
ميرا :حاضر
اتصلت ميرا ب هديل وطلعت ومشوا الجامعة
مع الساعة10 اتصلت رؤية ب هناء
رؤية :ايوا
هناء<بصوت ناعس>:هاه شن في
رؤية:شيء خيرك مخلوعة
هناء:تي صبح ماه
رؤية:تي بشوية وانت الكسل ضاربك خيرك ساهرة؟
هناء:اي والله سهرت مع عزو
رؤية:او يا سعد الناس
هناء:ههههه عقبالك يا حنه
رؤية:إن شاء الله قوليلي خو معتز الي يبي ميرا خطب؟
هناء:لالا
رؤية:..............يتبع
#márøta
