الحلقة(13)🌸
ميرا:نبكري كلمني أنس وحسيته من كلامه شاك إنه أنا ندوي معاك وأنا منبيش خوي ياخد فكرة سيئة عليا! وتحسه لو عرف رح تصير مشكلة😔
أحمد:كيف ليش شن قالك؟
ميرا : سألني قالي تكلمي فيه ولو تكلمي فيه تو تشوفي شن يصير😭
أحمد:اه وشن الحل؟
ميرا:منقدرش نقعد نكلم فيك✋🏻
أحمد:به أنا نبكري كلمته وقتله إنه نبي أختك وقالي تمام نسال ميرا!
ميرا :إي سألني وقتله يصير خير
أحمد:تمام أنا حنكلم بوك
ميرا :لالا يا احمد مزال
أحمد: لا حنكلمه والفترة هادي مش رح نتصل بيك تفادي المشاكل
ميرا: شكراً لتفهمك
أحمد :ولا يهمك تو هي ديري بالك ع نفسك ولو احتجتي شيء كلمني
ميرا:بارك الله فيك حتي انت دير بالك من نفسك
أحمد: إِنحبِـــــك ❤️🙊
ميرا: ..............
أحمد: هي سلام ف حفظ الله
ميرا : تصبح ع خير
أحمد: وتصبحي إنت من أهلي
_________________
هناء:اهلا
معتز:اهلين هنو
هناء: شن الاخبار عزو؟
معتز:الحمدلله بسماع صوتك وانتِ؟
هناء:بخير ف نعمة
معتز:كويس حقا هناء بنسالك ليش ميرا قالت لا مرة تانية ع خالد؟
هناء:يا خالد ميرا وانتـَ تعرفه من قبل ميرا متحباش خالد
معتز:به وتو تحبه
هناء:والله هي حرة
معتز: نقولك شيء راه خالد الشيء الي يبيه ياخده ولو بالقوةً ومدام يبي ميرا راه ياخدها
هناء: به هي ماتبيشي بالسيف؟
معتز:يلا يصير خير وإن شاء الله تغير رايها بلا مشاكل
هناء:كيف قصدك؟
معتز:لا شيء <وهو يحاول يغير الموضوع> شن وتيتي روحك ل بكرا
هناء:اي إن شاء الله
معتز:تمام كويس
هناء:حقا عزو من بيجي بكرا ؟
معتز:خواتي الزوز لُجَينْ ومسرة وأمي!
هناء:اها كويس
معتز:ليش؟!
هناء:لالا شيء غر سالت
معتز:اها حقا هناء باسبورتك مجدد
هناء:اي جددهوليً أنس الفترة الي فاتت ليش
معتز:باْذن الله بعد العرس منمشوا أسبوعين ل تركيا
هناء:جديات😍
معتز:اي والله
هناء:ياي تركيا❤️تي انحبك انحبك
معتز :ههههههه به به حتي انا انحبك
هناء:😳🙊🙈
__________________
<تاني يوم>
هديل وهي تفطر مع احمد
احمد:تعرفي ياهديل أمس ميرا كلمتني وقتلي معاد بنكلمك
هديل<بصدمة>:باسم الله وليش؟
احمد:شكله أنس بدّي شاك ف الموضوع ومشي هددها وهي خافت وماتبيش مشاكل!
هديل:وااااك شن المصايب هادي
احمد:انا كلمته انس وقتله نبي اختك بس متوقعتش يمشي يهددها
هديل: علاش انت شن قتله
احمد:قتله نبي نخطب ونبي اختك
هديل:اه به وشن الحل توا؟
احمد:بنكلم بوها
هديل: لالا بوها متكلماش توا شوف انس قبل
احمد:تمام تو نشوف انس
هديل:اي هدا هو حي نوض وقت 9:30
احمد:اي نايض هي ماتبي شيء
هديل:اه لأقبل ماننسي مع العصر بنمشي ل ميرا
احمد:تمام باْذن الله
هديل :وبتمشي معانا البلوه راه😒
احمد <وهو يلبس ف كندرته>ياربي
وهني نزلت رؤية
رؤية:صباح الخير حمودي
أحمد:انا اسمي احمد وصباح النور
رؤية<وهي تشوف ل هديل>صباح الخير هديل
هديل:قد أشرقت الأنوار صباح النور يا عروسة
رؤية:خيرك تشوفيلي هكي؟
هديل:لا شيء غر نشوف ل لبستك المحترمة تعرفي طويله ومستورة لين خلاص
أحمد:هي انا طلعت
رؤية:احمد احمد
احمد:نعم
رؤية:بعدين نبيك تحطني عند هناء اخت ميرا صاحبة هديل
احمد<وهو يفتح ف بابا الحوش>به به
هديل :انتِ يا بنت شن هالحركات هادي تحشمي ع وجهك شن اللبس هدا؟
رؤية:لبسي وعاجبني مدخلكش انتِ
هديل:بالله عليك حولي والله لو منتناقش معاك رح نضربك
رؤية:هاهاها😒
هديل:اللهم أعني ف مُصيبتي
ومشت وخلت رؤية وهني رؤية دارت الجو وقعمزت تبكي ف سمعتها ام هديل وجتها
أم هديل:رؤية بنتي خيرك؟
رؤية<وهي تُمسح ف دموع التماسيح>شيء يا خالتي
ام هديل:غر خيرك اللطف؟
رؤية:هديل
ام هديل:خيرها؟
رؤية:قتلي يا بنت الشوارع يا مش محترمة حتي لبسك متاع ناس مش متربيه يا قليلة الأدب
ام هديل:هديل هكي قالت ؟
رؤية:اي يا خالتي😭
ام هديل:ماشي هي
مشت ام هديل ل هديل
ام هديل:هديل هديل
هديل:نعم ماما
ام هديل:شن قلتي ل رؤية؟وليش درتي هكي
هديل:علاش هي قتلك حاجة
ام هديل:لا انا سمعتك شن قلتي
هديل:اي يا امي لبسها مش محترم
وهني هديل جاها كف تلاتي الأبعاد من أمها وقتلها
أم هديل:هادي بنت خالتك ومش بنت شوارع يا متربية ولبسها هي حرة فيه وباذن الله بتولي مرت خوك ولو ممشيتيش اتأسفتلها والله ماني مسمحاتك لا دنيا لا أخره!
هديل<وهي مش مستوعبه الكف الي جاها من امها>:انا؟؟
ام هديل:زي ماقتلك والله ماتعتدري منها ماني مسمحاتك
مشت هديل ف قمة غضبها وهي تبكي خشت غسلت وجها وفشت غلها ف الضمان وبعد شوية مشت ل امها استسمحتها وقلتلها
هديل:أُمي ليش ضربتيني
ام هديل:لانك تهيني ف الناس الي دايسه ع بساطتا
هديل:يا أُمي أنا مقلتلهاش شيء قلتلها لبستك مش محترمة بس
أم هديل :اي وقلتها مش متربية وبنت شوارع شن مزال تبي تقولي ؟
هديل<بصدمة>:أنا قلت هكي والله مصارت
أم هديل:املا رؤية تكدب😒👊🏻
هديل:.............يتبع
اكيد رأيكم يهمني🙈
#márøta
