الحلقة(11)🌸
أحمد:شن في؟
ميرا:مزال اصبر شوية
أحمد:وليش منصبر أنا قتلك قبل الشهر رح نخطبك رسمي! ليش حسيتي روحك مش متفاهمه معاي ولا انا مش الشخص الممناسب؟
ميرا:لا والله مش هكي القصة
أحمد:املا كيف؟
ميرا<بارتباك>:لو خطبتني توا حتصير مشكلة حيقولوا رفضت خالد ع خاطره😔
أحمد :من خالد؟😕
ميرا:ولد عمي😭
احمد:فهميني حسّيت روحي دُخت راه😒
ميرا<والتوتر مسيطر عليها>:هدا خالد وخوه معتز خطبوني انا وهناء
احمد<حس بشعور غريب لأول مره يحسه وكأنه شعور طفل صغير رح ياخدوا منه لعبته المفضلة >وقال بعصبية :ملقاش يخطبك إلا توا لا إله إلا الله
ميرا:اي حتي انا نصدمت بعد ما سمعت الخبر😭🖐🏼
أحمد:به شن الحل توا؟
ميرا:حاليا متجيبش اماليك وإن شاء الله يصير خير
أحمد :إن شاء الله😕
كملوا ميرا وأحمد دوتهم وكل واحد صكر وقعد يفكر
ميرا تفكر ف تشبت خالد بيها وكيف رح تتصرف خاصة انه ولد عمها وخوه رح ياخد هناء!
أما أحمد ف قعد يفكر كيف يسيطر ع الموضوع وهني جاته الفكرة انه يكلم أنس
أحمد:السلام عليكم
أنس<بصوت ناعس>وعليكم السلام إن شاء الله خير
أحمد:ههههه سامحنا يابرو نوضناك من النوم
أنس:مدور شيء يا راس
أحمد:منور ياقدر بس بنقولك غدوا فاضي
أنس:اي إن شاء الله
أحمد:تمام نبيك ف موضوع املا غدوا تو ندورك
أنس:أن شاء الله خير!
أحمد:خير خير🙊
أنس:ماشي يابرو تصبح ع خير
أحمد:وانتـَ بخير😍
____________________
<اليوم التاني>
أحمد:السلام عليكم
انس:وعليكم السلام
احمد:هاه وينك؟
انس:ف الحوش والله
أحمد:تي يا راجل مش قتلك نبيك ف موضوع الساعة5 ومادورتش
انس:تي والله لهيت مع العيلة يا برو لكن 5دقايق ونكون عندك غر وتيلنا قهوة بس😂🖐🏼
احمد :نستنا فيك😍🖐🏼هي توصل تلقى قهوتك واتيه
_____________
مشي أحمد يقول ل هديل ادير قهوة وهني لقي رؤية مقعمزة ف المطبخ وبدون وشاح فنزل وجهه ومشي
أحمد<بعصبية>:أستغفر الله هديل هديل😡
هديل وهي طالعة من الدار:هاه نعم؟
أحمد:وين كنتي؟
هديل:نصلي خيرك إنت تصيح؟
أحمد:قولي للبلوة الي ف المطبخ ألبسي وشاحك لما تنزلي ولا تقلب وجها وتروح
هديل:اس اس تو تسمعك به به تو نقولها
أحمد:ديري قهوة أنس بيجي
هديل:حاضر حاضر
وهني طلعت رؤية من المطبخ
رؤية:خيره حمودي يصيح هديل🙃
هديل<بإستفزاز>:من أمتَا ولى حمودك يا قلبي😏
رؤية:اه غر خيره يصيح؟
هديل:من عمايلك يا حلوة
رؤية:أنا شن درت🙄😟
هديل:100مرة نقولك ألبسي وشاح
رؤية:حي والله ننسا فيه 😐
هديل:لا تنسي ولا هم يحزنون البسي خيرلك
رؤية:تي باهي باهي
وركبت ل رتاج ومشت هديل ادير ف القهوة ل أحمد وهي كيف كملت وصل أنس
_______________________
أحمد:هلا هي تفضل
أنس:زاد الله فضلك
أحمد:دقيقة ونجيك هي خلي نجيب القهوة
أنس:تمام☺️
أحمد وهو كيف خاش للحوش احم احم هديل هديل
أم هديل:باسم الله خيرك تصيح من برا
أحمد:ماهو بنت أختك كل مرة نلقاها ف وجهي بلا وشاح
أم هديل:وعادي شن فيها بنت خالتك وزي أختك
أحمد:زي اختي ولا حتي ابصر مني أنا قدامي تلبس
أم هديل:به به غر اسكت
هديل:أحمد هاك السفرة
مشي احمد ورفع السفرة
_____________________
أحمد:هي تفضل
أنس:صحيت قولي إن شاء الله خير شن الموضوع؟
أحمد:غر أشرب قهوتك وتو نجيك بالدوة هي
أنس:تمام
كملوا قهوتهم وهني قال أنس
أنس:قولي يا راجل هي شن موضوعك😅
أحمد:هههههه خيرك مستعجل😁
أنس:تي قول هي
أحمد:والله يا أنوس قررت نخطب
أنس:اوووووو وأخيراً شن بديت تحب وانا منعرفش
أحمد :ههههه شكلني لكن مسألتش ع البنت الي منخطبها من تكون!!
أنس:وشن دخلني من هي أهم شيء إنك إنت تبيها ومايهمنيش إنه نعرف مني أنا
أحمد:لا والله يهمك
أنس:كيف؟؟
أحمد:ماهو البنت الي بنخطبها إنت تعرفها!
أنس<باستغراب >:انا؟
أحمد:إي
أنس:من هي؟
أحمد:أختك ميرا
وهني أنس جاه الخبر زي الصاعقة وقعد ساكت ولا قال حرف صح هو يحب أحمد ويبيه يكون نسيبه بس طول شك إنه ميرا تكلم ف أحمد وهي حس إنه هو الغبي الي مش عارف شيء😳
أنس:ميرا !!
أحمد:خيرك زي الي مفرحتش شن مش عاجبك انا؟
أنس:لا مش هكي غر نصدمت شوية من الخبر بس
أحمد:به قولي شن رايك إنــــتَ
أنس: لا والله بالعكس إنت صاحبي ومنلقاش لـِي أختي راجل خير منك لَكِن ميرا مزال بتكمل قرايتها راه!
أحمد:اي عارف باْذن الله نستناها
وهنيً زاد شك أنس وقاله
أنس:وأنت شن عرفك أنها بتكمل قرايتها؟؟
أحمد<بإرتباك>:اه سالت هديل
أنس:اه به كويس
أحمد:هاه شن قُلت؟
أنس:بالنسبة ليا أنا نتشرف إنك تكون نسيبي لكن توا القرار ل ميرا وبوي
أحمد:تمام نستنا ف رد منك
أنس: إن شاء هي املا تنوض نطلعوا شوية
أحمد:إي والله هي نوض
__________________
يتبع...
أعطوني رايكم🙈
#márøta
