الحلقة(39)الجزء التاني
احمد :بتاخدوهً؟
هناء:اي خشي قيسيه مِيرا 😊
هديل:اي ايي خل تقيسه ولو حلو ناخدوه
احمد:تمام به
مِيرا:تمام خل نخش نقيس
خشت مِيرا تقيس وشوية وطقت ع الباب ع اساس يشوفوها
ميرا:هناء
هناء:اها جيت تعالي يا هديل
هديل:حي تحفه تحفه 😍😍
هناء:إي مشاء الله يهبل بجد
مِيرا:اي حَــتَي انا اعجبني حبيته
هديل:تمام كُويس ناخدوه خلاص؟
مِيرا:اي بعون الله
هديل:تمام بدلي انت بين خلصنا
مِيرا:اوكي
مشت هديل قالت ل احمد يخلص وطلعوا
هديل:نمشوا محل أحدية ناخدوا شنطة وكندرة؟
هناء:خلي نكملوا صفة الملابس وبعدين لو ملقيناش قفطان تاني نمشوا للكنادر ولو حصلنا خير وخير
هديل:تمام
هناء:لالا مافيش حاجة تعجبك هني كله مش كيف مانبوا مزال اخر محل لو ملقيناش نمشوا محل كنادر تمام
هديل:لالا صَحْ نكملوا حوايج قبل احسن
مِيرا:اي نكملوا حوايج احسن
وخشوا اخر محل
هديل:شوفي هدا الي لابساته البنبله يجنن
مِيرا:اي حلو حبيته
هناء:اي حَــتَي لونه حلو والاحلي انه واحد هادي وهدا غامق ومش نفس التفصيله
مِيرا:نخش نقيس؟
هديل:اي خشي شن تراجي
مِيرا:تمام تًوا شوفيلي مقاسي
هديل:حاضر هي
ومشت هديل جابت مقاسها وجت
وخشت مِيرا وقاست وعجبهم وخلصوا وطلعوا
هديل:الله ع الحظ تبارك الله لما ربِّ يسخر ف شيء
هناء:اي والله حَــتَي انا متوقعتش نلقوا بالسهولة هادي
مِيرا:ههههه هدا احمد حظه انه يبي2/2
هديل:إي الحمدُلله هي نمشوا لمحل الكنادر باش بعدها نشوفوا الذهب احسن مدام في وقت
مِيرا:تمام
ومشوا محل واتنين وتلاته لين خدوا الكنادر والشناطي
احمد:هديل كملتوا؟
هديل:اي الحمدُلله اللبس كملناه مزال الدهب نمشوا تًوا ولا تخلي غدوا نجيبوا حَــتَي أمي؟
احمد:نمشوا ناخدوا دبلة وغدوا ناخدوا امي معانا احسن
هديل:تمام به
ومشوا محل الدهب
هديل:هناء هناء تعالي خليهم يمشوا القدام بروحهم😂
هناء:ههههه انتِ ياخطيره لكن خايفه مِيرا يغمي عليها من كتر ما تتحشم😂👏🏼
هديل:لالا خليها
مِيرا<متلفة وع اساس قدموا خيركم ورآنا ومخليني ماشيه بروحي>
هديل:شوفيها شوفيها كيف تشوفلنا😂خليها خليها اسمعي شن رايك نقول ل احمد بنمشي انا وهناء ناخدوا حاجات واختصارا للوقت انتم خدوا الدبل
هناء:اي اي
ومشت هديل ل احمد
هديل:احمد احمد
احمد:نعم؟
هديل:اسمع انتم كملوا وخشوا شوفوا وانا وهناء بنخشوا ل محل الملابس هدا غر هناء تبي تاخد حاجات واختصارا للوقت نكملوا ونلحقوكم
احمد:تمام به
مِيرا:لالا خلوكم تعطوا رايكم معانا<وتشبح ل هديل متاع متمشيش هاه>
هديل:لالا ماعندكم شن اديروا ب ذوقنا انتم الي بتلبسوهم
احمد:تمام بري
ومشت هديل تضحك ع شكل مِيرا أما مِيرا ف شكلها لا يوصف من الحشم😂👏🏼
احمد:<فتح باب المحل >تعالي نخشوا ل هدا هي
مِيرا:تمام
احمد:السلام عليكم
الراجل:وعليكم السلام
احمد:عفوا يا خوي نبي احلي تشكيلات دبل عندك
الراجل:تكرم هي
وشويه وطلعله هلبا انواع ف الي حلو وفيه بسيط وفيه شين وفيه الي بهببببل😍
احمد:شوفي هدى حلوة ولا😍
مِيرا:اي كيف بنقولك عليها عجبتني
احمد:هاتي يدك قيسيها
<مدت مِيرا يدها وخدتها منه😂بدل تمد يدها يلبسهالها>
احمد:احم احم😒
مِيرا:اه شن رايك؟<وتوري فيه ف يدها>
احمد:اي حلوه شن ناخدوها ارتحتي فيها ولا نزيدوا نشوفوا؟
مِيرا:لالا حلوه عجبتني
احمد:تمام لو سمحت تًوا نبوا تشكيلة رجالية وهادي اخديناها بعون الله
الراجل:تمام <قام الدبلات وطلع رجاليات>
مِيرا:احمد شوف هادي!
احمد:اه حلوه بس نحسها تضايق مش مريحه ولا؟
مِيرا :اه خود قيسها وشوف
احمد<مد يده ع أساس لبسيهالي>😂
مِيرا<ارتبكت وقَعَدت تشوفله>وبعد جهد جهد لبستهاله
احمد:اه لالا نحسها مريحه رح ناخدها
مِيرا:تمام
وخلص احمد وطلعوا
مِيرا:<تتصل ب هناء>
احمد:بمن تتصلي؟
مِيرا:اه ب هناء
احمد:تي خليهم ليش تقلقي فيهم
مِيرا:تي خلاص المغرب يأذن راه وهما قالوا محل مش 10
احمد:خليهم تو يكملوا ويكلمونا اسمعي انا جُعت شن رايك نوصوا ع بيتزا ؟ولا يجوا البنات وبعدين ناكلوا من مطعم ؟
ميرا:اه لالا انا مش جعانه بارك الله فيك
احمد:هي انتِ خيرك متحشمة مني هكي
مِيرا:لالا مش متحشمة لكن مش جعانه< وهني بطنها يصدر الصوت الغبي"قغ قغ قغ">😫
احمد:به حَــتَي شبعانة بنشرلك وبتاكلي باكو تام
مِيرا:ف حياتي ماعمري درتها 😳
احمد:به اليوم بديريها😜 تعالي معاي
ومشوا خشوا المحل خدوا بيتزتهم ومشوا
