الحلقة(6)🌸
ميرا:علاش ماما سالت عليا؟،
هناء:لالا غر نشغلت عليك وقلت بالك خطفوها!
ميرا:مشناك اهو ف الطريق مروحه
هناء:الحمدلله ياربي إنك توأمي ومافيش فرق ف شكلنا يعني عارفة روحك شينة ههههههه
ميرا:به ياقمر اسمعي أنس قاعد ؟!
هناء:ايه مقعمز ف الصالون هو و مجد
ميرا:به به
__________________
رتاج:ماما أحمد قاعد مجاش؟
أم هديل:إي ف الطريق قاعدين
رتاج:واااااااك منها هديل والله جعانه هيا نبي نرقد راه غدوا بنوض بكري نكمل قراية راه😭
أم هديل:به نديرلك حاجة تكليها مابين ماجو؟!
رتاج:لالا والله مادخلني نبي البيتزا انا😒
أم هديل:املا اصبري ع جيتهم 😳✋🏻
رتاج :به به حقا رؤية نبكري كلمتني وقتلي بتجي تبات عندنا
أم هديل:الله وقرايتها؟
رتاج:إي بتجي قتلي غدوا هي أخر إمتحان!
أصلا انا مستحشتها وخليها تسمع عليا احسن من بنتك يا طالعة يا متبيش تسمع عليا
أم هديل:ماشي
________________________
هديل:الله محلاه البحر😍
أحمد:اي هي ناكلوا بسرعة وقت راه الساعة10
ميرا:تفضلوا اسكالوب😁
أحمد:انتِ الي تفضلي معانا بيتزا
ميرا:صحتين
هديل:تي هي خل تكمل الي عندها راه صاحبتي تاكل شوية😂👌🏻
أحمد:ههههههه مش زي "my sisters"
هديل:مصحك ع اساس انا ناكل هلبا😳
أحمد:نبصر نبصر
كلوا وصلوا لقدام باب حوش ميرا
ميرا<وهي تسكر ف الباب>:هي تصبحوا ع خير
وهني طلع أنس من الحوش ومعاه مجد
فتقابلوا معاهم
مجد:اوووو حمود
أحمد:هلا شن الجو مجود وشن جوك انوس😂👏🏼
أنس<وهو ف قمة عصبيته انه اخته تروح10:30مع شخص براني حتي وان كان صاحبه بتقعد فيه غيره شوية>:هلا هلا الحمدلله
أنس:هي تفضل حمود
أحمد:لالا مرا تانية إن شاء الله ونستنا فيكم الخميس
أنس ومجد :باْذن الله نتلاقوا بكرا😍
سلم أنس ع مجد وخش وهو متكنطي
أنس:ميرا ميرا!!
ميرا:نعم
أنس:شن انتِ بديتي تكذبي ولا شني؟؟
ميرا<والخوف مسيطر عليها>:ع شن بنكدب؟!
أنس:مش قلتي أم هديل هي الي بترفعكم ؟شن أحمد ولا أمها وانا منندريش😳
ميرا:اي والله الا قبل بترفعنا أمها لكن مقدرتش تخلي أختها بروحها!
أنس:اياه وشن مروحة10:30 روحتي لحوشهم وخلاص ولا قعدتوا ف الشارع!!
ميرا<والدموع ف عيونه >:إنت مش ولي أمري مدخلكش فيا!!
أنس<وعيونه طالعه منهم الشرارة>:نعم نعم شن قلتي!!
ميرا:إي مش ولي أمري إنــــتَ
هني أنس فقد أعصابه وجي شد ميرا من يدها وضغط عليها بقوة:عاودي عاودي!!
ميرا وهي تبكي:حول أنس حول يدي
وهني خش بو ميرا
بو ميرا:مشاء الله مشاء الله شن الحرب الي صايره وخيرك ميرا تبكي
ميرا <وهي تمسح ف دموعها>:شيء بابا شيء
أنس<وهو كيف نحى يده من يد ميرا>:اووو مديرنا نورت
بو ميرا:أنس خيرها أختك نسال فيك انا!!
أنس:شيء
بو ميرا:للمرة الاخيرة بنسالك!!
ميرا:شيء يا بابا غر مش عارفة شن خش ف عيني وأنس جي بيشوفهالي!
بو ميرا:واضحة إنك تكذبي من عيونك والله لو مقلتوش خيركم لما نغضب عليكم ل يوم الدين!
أنس دار روحه فالح:هادي بنتك يا بوي مروحة10:30مع صاحبي أحمد!!
بو ميرا<وهو وجهه مولي أحمر>:شني مع أحمد وشن رفعك معاه بروحك😳😳
ميرا:لالا يا بابا معانا هديل صاحبتي مش قتلك أمس منطلع مع صاحبتي منشري حوايج !
بو ميرا:خلعتني 😒به وشن فيها وكان طلعت مع صاحبتها !!
أنس:تي يا بوي مروحة 10:30نقولك شن بيقولوا علينا الناس حني مروحة مع راجل10:30😳
بو ميرا:كمً مرة نقولك معاش تقولي الناس أنا ميهمنيش كلامهم الناس الي يهمني ربي وع العموم انا بنتي و واتق فيها وأنهوا الموضوع وآخر مرة نلقاكم تتناقشوا فيه وقول ل أختك سامحيني
أنس:يابو
بو ميرا :لا بو لا خوي كلامي مرة بس نقوله
أنس:حاضر
جي أنس ل ميرا:أسف 😒
ميرا:ولا يهمك
ميرا:نحطلك عشي بابا؟
بو ميرا :ياريت والله
ميرا:حاضر تواني ويكون جاهز وانتـَ بدل ملابسك
بو ميرا:حاضر هي
مشت ميرا توتي ف العشي أما أنس ف مشي ل داره وقاعد الموقف بين عيونه
ميرا:بابا هي العشي جاهر
بو ميرا:يسلموا ايديك😍🖐🏼
ميرا:انا مدرتش شيء راه ماما مطيبة سخنت بس
بو ميرا:ع المهم درتي فيه حاجة
ميرا:هههههه به صحتين
بو ميرا:ايواه واخيرا سمعنا الضحكة هادي يا بنتي خوك خايف عليك إنتِ تعرفي أنس طيب ويحبك
ميرا:عارفه يا بابا لكن هو طلعني كدابة 😭
بو ميرا:معليش بري تسامحي معاه متخليشي زعلان
ميرا:حاضر يا أغلي أب ف الدنيا 😍تبي حاجة توا؟
بو ميرا:سلامتك
مشت ميرا لدار أنس وطقطقت الباب
ميرا:أنوسي أنوس😍
أنس:نعم خشي
ميرا:شن ادير
أنس:نشوف ف تصاميم للزواق
ميرا:اممممم شن ماتبيش تاخد رأينا راهو حتي هو حوش خوي😁
أنس<وهو عطها الكتالوك >جيتي ف وقتك أصلا انا حترت😂🖐🏼
ميرا:أنوس أسفة ع نبكري به😔
أنس :لالا ولا يهمك حتي انتِ سامحيني حقا شن صار ف يدك
ميرا<وهي تخفي ف يدها>:شيء
أنس :ترا نشوفها🙄
ميرا:فوتها عادي عادي
وهني خدي أنس يد ميرا:حي حي قصدك انا خليتها حمره هكي😐
ميرا:تي عادي تو يتنحى
أنس:والله ما نحسبت روحي وحش😅
ميرا :هههههه غر قولي أما أكتر وحدات عجبوك ؟
قعد أنس يختار هو ميرا ف التصاميم وهني ميرا قالت ل أنس: أنووووس😍
أنس:هاه نعم
ميرا:أنوس بما إنك مزالك سمستر وتكمل قرايتك وحوشك مزاله شويه وتكمله شن رايك نخطبولك!!
أنس:وكأنه أُمي هي الي تكلم فيا😂
ميرا:ههههه والله ما مسخفتني غر أُمي انا اصلا ونبي عرس انا
أنس:وشن دخلني انا ديري عرسك ولا جوزي هناء😂👏🏼
ميرا:يا بارد والله بجد نحكي إنت ف بنت ف راسك
أنس:لا والله لكن خليني لين نكمل هالسيمستًر ع خير ونكمل الزواق وإن شاء الله خير
ميرا:تي به حتي انا مقتلكش غدوا العرس راه😂✋🏻إسمع شن رايك ف هديل صاحبتي
أنس:ايواه قولي ادوري ل صاحبتك ف عريس ولقيتيني انا قدامك
ميرا:لالا والله مصارت الله لكن هديل كويسة وحلوة وانا نحبها
أنس:به انتِ تحبيها لكن انا منحبهاش ومنعرفهاش😂✋🏻
ميرا:ني عرفاتك متحبهاش تو تحبها😅✌🏻️
أنس:تي فوتي الموضوع توا🙊 قوليلي وين هناء ؟
ميرا:رقدت بكرا عندها إمتحان
أنس:اه به نوضي ارقدي حتي انتِ هي سلم ماما
ميرا<ضربته بالمخدة>:تصبح ع خير يا شين😝
أنس: ههههه وانتِ بخير يا هبلة
_________________
ميرا وهي تصكر ف الباب بشوية:إن شاء الله متفيقش بس
هناء:واك شن اديري!!
ميرا:تي ارقدي نصكر ف الباب
هناء:الساعة كم؟
ميرا:12
هناء:عطشانه جيبيلي إميه ورأس ميرا🙈
ميرا:حاضر
نزلت ميرا وهي كيف بتجيب ل هناء إميه سمعت بوها يقول ل أمها
بو ميرا:والله الحق أنا خوي منعرفش شن نقوله والحق معتز و خالد كويسين ع حالهم ومش متاع مشاكل وفوقها يخدموا ومكملين قرايتهم والله يفرحني لو بناتي يخدوهم صغار عمهم لكن توا ع البنات ورائهم
ام ميرا:اي والله هما كويسين لكن ميرا مستحيل توافق راه لانه مكملتش قراية أما هناء ف معاش مزاللها هلبا والله وأعلم عليها
بو ميرا:أحني منسبقوش الاحدات وع رأي البنات
ام ميرا:اي باْذن الله خير هي تصبح ع خير
بو ميرا:وانتِ بخير
سمعت ميرا الكلمات هادي وطولت فكرت ف أحمد😭✋🏻
ميرا:وأك من قلهم نبيه خالد اني هي 😐ياربي شن المصيبة هي
ركبت ميرا ل هناء
ميرا:هناء هناء
هناء<وهي تاخد ف الطاسة>:نعم
ميرا:كان تسمعِ الخبر يجيك "الاسقربوط"
هناء:بالله عليك قولي حاجة باهي ولا أسكتي وانتِ من خشيتي للأسنان وانتِ ب مصطلحاتك درهتيلي كبدي قولي شن في؟!
ميرا:قالك معتز و خالد يبونا
هناء:كداااااابة
ميرا:والله
ناضت هناء:من مكانها وهي ميتة ضحك
ميرا:هبلتي؟!
هناء:هههههه مش مصدقة قصدك بجديات
ميرا:والله!شن شكله الخبر عجبك؟
هناء:إي وعلاش ميعجبنيش شن ناقصه معتز فلوس وجمال
ميرا :الله الله هدا الي يهمك الفلوس والجمال انتِ
هناء:علاش قصدك مش حتوافقي؟!
ميرا:إي أنا منبيشي!!
هناء:إسمعي بلا برادة ايواه متفسديش عليا
ميرا:وشن دخلني انا😳
هناء:تو لو موافقتيش يغيروا رأيهم مرات
ميرا:لالا نصيب حد مياخده حد امشي ارقدي غدوا وراك امتحان
هناء:اي اي غدوا نروح ونهدرزوا تسلمي ع الخبر الحلو😍👌🏻تصبحي ع خير
ميرا:ربي يهديك وانتِ بخير
حطت ميرا رأسها ع السرير بس مش قادرة ترقد هلبا أفكار ف دماغها لربما بدت بشوية بشوية تعجب ب أحمد خاصةً إنه حنون معاها والموقف هدا زاد بين الشيء هدا قعدت الأفكار تاخد فيها لين خدها النوم
هناء:ميرا ميرا !
ميرا :هاه
هناء:إسمعي نوضي بابا يضبح عليك!؟
ميرا:اه صباح الخير
هناء :صباح النور
ميرا:الساعة كم؟!
هناء:10:39
مير:وليش مامشيتيش الجامعة!؟
هناء:شوية وطالعة
ناضت ميرا غسلت وجها وسنونها ومشت ل بوها
ميرا:صباح الخير ماما وبابا
بوها وامها:صباح الورد❤️
ميرا:نعم بابا ؟!
بوها:والله يا بنتي بنقولك ع شيء وانتِ ورايك
أمها :ميرا نديرلك بريوش
ميرا:ياريت والله 😁
ميرا:اي بابا قول
بوها:والله يا بنتي عمك يبيك ل ولده خالد شن رايك انتِ؟
ميرا:بابا انا منحي الموضوع هدا من بالي لانه مزال مكملتش قراية صح خالد كويس بس انا مستحيل نعتبره أكتر من ولد عم
بو ميرا :قصدك مش موافقه؟!
ميرا:اي بابا🙈
بو ميرا:الي يريحك يا بنتي هادي حياتك
أم ميرا:هاكي بريوشك دُكتورتنا
ميرا:إن شاء الله يارب نولي دكتووة😍
فطرت ميرا مع العيلة ومشت ل هناء
ميرا:هناء هناء
هناء:هاه نعم
ميرا:سإلك بابا ع معتز؟!
هناء:إي علاش؟
ميرا:وشن قلتي؟!
هناء..................يتبع
اكيد رايكم يهمني😍🙈
#márøta
