ملكت مشاعري

طفله مشاغبه ولكن مقهورة

ترجل ليث  من بوابه القصر لتقابله فتحيه
#ازيك ياحبيبي دقايق ويبقي، العشا جاهز
#تمام ياداده انا هطلع بس اخد حمام امال عمي فين
#مع فيروز في قوضه المكتب انا هروح اجهز الاكل
لانه شايط علي الاخر
قالت جملتها وانصرفت الي المطبخ كان في سبيله الي الصعود عندما سمع صوت عمه الغاضب
#انتي هتفضلي لامتي تتصرفي باستهتار هتعقلي امتي فهميني
صوت بكاء عالي ثم صوت عمه
#غوري علي قوضتك ومش عاوز اشوفك علي العشا
انفتح الباب لتتسع عيناه وهو يراها نفس الطفله التي افسدت سيارته رفعت عيناها لتمسح وجهها وتقترب منه وتتحدث همسا
#انت جاي تشتكيني فاكرني هخاف ... انا مش بخاف من حد
انحني حتي وصل بمستواها
#طب انتي موطيه صوتك كدا ليه
اشارت الي المكتب
#عشان مش يسمع ،،،،،طب بص انا هصلحلك العربيه بس امشي و النبي قبل مايطلع
عقد ذراعيه #مش ماشي
ضربت علي صدرها بتوسل
#طب انا عيله هتعمل عقلك بعقلي
قال بعناد #دا انا عقلي اصغر منك وهقوله وشوفي بقي هو هيعمل اييه
سمعت وقع اقدام لتدفعه بالغرفه المجاوره للمكتب اغلقت الباب بالمفتاح لتبتسم بشر فهي تعلم ان الغرف عازله للصوت التقت بابيها ليقول بغضب
#انتي لسه مش، طلعتي قوضتك
فتحيه #معلش ياسيدي بس هي هتحط معايا الاكل لحد ماماسه وليث ينزلوا
منصور #غوري من وشي،
وضع الطعام وجلس ناصر علي راس الطاوله وبجواره بنتاه فيروز علي يمينه وماسه علي يساره
ناصر #يافتحيه شوفي ليث اتاخر ليييه
انتي يازفته اصبري لما بن عمك ينزل
فيروز وهي تبتلع الطعام  #اول ماينزل هبطل اكل
دخل ليث من البوابه ليجلس بجوارها ناصر
#فتحيه قالت انك فوق
ماسه #ايه اللي مبهدلك كده ياليث
قال بغيض من تلك المندمجة بالطعام وكانها لم تصنع كارثه
#قطه دخلت قوضتي جيت امسكها  هربت للاسف بس اطولها انا
#كح كح كح كح
ضرب نصف ظهرها بقوه ماسه بحنق
#ايييه الارف اللي بتعمليه دا
ناصر #فتحيه ارمي الزفته دي فوق
لايعلم لما جرحته نظرتها المجروحه والدموع المحتبسه بعيناها ناولها كوب المياه لترتشف منه القليل وتصعد ركضا للاعلي فتحيه
#ياسيدي فيروز كانت جعانه وماكلتش حاجه من الصبح
ناصر بحده #اللي يقعد علي الاكل يحترم نفسه والناس اللي قاعده. معاه تعالي لمي الارف اللي هي عملته دا واياكي اعرف انك طالعتيلها اكل
كان يبتلع الطعام بالاكراه وهو يشعر. ان تلك الطفله جائعه انهي الطعام ليتحرك ناحيه المطبخ
#داده. اعمليلي كام ساندوتش كده من ايدك الحلوه
فتحيه #انت معجبكش الاكل ولاايه
ربت علي كتفها
#لاء هديهم للبت الغلبانه اللي ماكلتش هي جناحها فين
#جنب جناح فهد طول عمرك حنين ياليث
اخفي الطعام بملابسه وصعد للاعلي اخذ حمام وبدل ثيابه وجلس لبعض الوقت حتي شعر بهدوء الحركه ودخول عمه جناحه والحرباء ابنته الكبري تسلل ببطء ليدخل جناحها طرق علي الباب الداخلي لتسمح له بالدخول
#تعالي ياداده
فتح الباب ليطل برأسه
#انا منفعش،
هبت واقفه علي الفراش ودفعته للخارج لتغلق باب الغرفه
#يخربيتك انت ايه اللي جيبك هنا
وقف امامها وقال بغيض
#بت انتي اتلمي يعني انا غلطان انك صعبتي عليا وقلت اجيبلك اكل
قالت بحنق
#تقوم تدخل قوضتي في وقت زي دا لاء عين العقل تصدق
غريبه هي تلك الفتاه من اين لها بتلك الحكمه حك مؤخره راسه
#مفكرتش بصراحه اصل انا كنت بعمل كده لما يعاقب حد من اخواتي
هزت كتفيها
#انا اتعودت علي كده،،، 
#اتعودتي علي ايه
تنهدت بقوه
#ابقي بنت البطه السودا،،
هي تنعي حالها وهو انفجر ضاحكا لتحاول هي تكميم فمه
#اششش يخربيتك هتفضحنا
ابعد يدها #يابت انتي لمي لسانك دا وبعدين ياحلوه كل القوض، عازله للصوت ،،،،،بس عجبتني بنت البطه السودا دي
هزت كتفيها وقالت باختناق،
#مهو كل حاجه بعملها تبقي غلط برغم ان لو الست البرنسس عملتها عادي
قال بابتسامه
#تقصدي ماسه
#اه مهي بنت ابوها وانا بنت امي الساحره الشريره اللي اكلت عمك الفنكوش، واتجوزته عافيه
هذه المره دمعت عيناه من كثره الضحك ليجلس علي المقعد
#لاء بجد انتي كارثه....  علي فكره كان بيحب امك جدا
اشاحت بيدها لتجلس امامه
#هو دا بيعرف يحب ً،،،، دا عقدني في صنف الرجاله كله،،، 
تامل وجهها بانفعال انها مجرد طفله تعاني من الاهمال مع اب قاسي، كعمه تنهد بقوه واخرج الشطائر من جيبه
#طب خدي كلي ومتزعليش هو صحيح عمي قاسي بس اكيد بيحبك انتي بنته برضه
وضعت الشطيره علي شفتيها لترتعش الاخيره وتبدا زخات المطر تسقط من غيومها الزرقاء لايدري ماالذي دفعه ليفعل هذا ولكنه تحرك ليجلس بجوارها ويشدها بين ذراعيه
#اشششش متعيطيش بقي
رفعت وجهها وهمست بطفوليه
#انت طيب اوووي متزعلش عشان زعلتك
مسح دموعها باطراف اصابعه وقال
#انا مش زعلان منك...  يلا بقي كلي
طفله جائعه تاكل بنهم لذيذ اورثته ابتسامه ناعمه علي شفتيه انهت الشطائر وقالت
#عارف انا كنت هموت من الجوع اصل ماكلتش حاجه من الصبح
ربت علي، خدها
#طب يلا اومي نامي بقي عشان تصحي بدري ومتتاخريش
هبت واقفه وقالت باسمه
#اه اصل بعيد عنك عندنا حتت دكتور ثقيل ورزيل وحاجه كده تخنق
قالت جملتها لتهرب الي الغرفه تامل الفراغ الذي تركته ليضرب كفيه، وينصرف،
،،،،،،،،،ً،،،،،،،،،،،،،،،،،،،،،،،،،،،،،،،،