ملكت مشاعري

تشكيك في نسب

# فهد عمك معاقب فيروز بقالها يومين مخرجتش، من قوضتها ومنعها من الاكل انا مش عارف اعمل اييه
هب واقفا #انت بتقول ايه
#والله يافهد حاولت ادخلها اكل معرفتش دا حاطط حراسه علي باب القوضه انا خايف ليجرالها حاجه
تحرك فهد مسرعا
#انت فين دلوقتي
#بكلمك من مكتبي في الجامعه المشكله ان امتحانات الميد ترم كمان يومين قلتله كده قالي خليها تسقط انا عاوزها تدفع تمن الكلام اللي قالته
#هي قالتله اييه بالظبط.
..... قص عليه ليث ماحدث ليختم
#بس ومن ساعتها وهي مخرجتش من  القوضه صعبانه عليا اوووي يافهد
ركب فهد سيارته وقال
#انا في العربيه قدامي ربع ساعه وهكون عندك اما نشوف اخره قسوه عمك دي ايييه ... ااقفل بقي وانزل
بعد قليل كانت تعبر السيارتان بوابه القصر ليث يعرف جيدا مقدره فهد في اقناع عمه لذا استعان به ترجل الاخوان ليقول فهد
#والله البت دي حلها الوحيد انها تتجوز وتبعد عنه
خالص
جمله عاديه ولعلها الحل الامثل بالفعل لابعاد تلك الجنيه عن سطوه ابيها ولكنها اصابته بغضب غير مبرر بالمره
#تتجوز ايه انت كمان دي طفله
فهد بسخريه
#طفله ايه دي اكبر من فرحه ،،، انا عندي واحد زميلي كان بيدور علي عروسه عيله كويسه ومركزه كويس
وقف امامه وقال بغضب
#الحكايه دي تنساها خالص فاهم ولالاء
تطلع فهد لعيون اخيه وقال بمكر
#طالما محموق اوووي كده اتجوزها انت
للحظات اصابته نشوي،،،،  نشوي حقيقيه جعلت عيناه تلمع ،،، انتساب الجنيه له،،،  ولكن انتقامه اخرجه فهد من شروده
#ايييه يابني انت رحت فين
#مش عارف يافهد،،،،  بس اااا
فهد بجديه #ليث انت بتحبها
قال بعصبيه
#لاء انا مش عبيط ااقع في الوهم دا تاني
ربت فهد علي كتفه
#الحب عمره ماكان وهم ولو افتكرت ان اللي حصل زمان مع ساره دا حب تبقي عبيط
ليث بسخريه
#ايوه انصحني ياخبره
وكز كتفه #انا اخوك الكبير ياليث متضيعش حياتك زي مامامون بيعمل وفي الاخر هيندم صدقني
ليث #انت لسه بتقول انه بيحب جومانه حتي بعد اما خطب،
هز راسه موافقا
#لوتشوف اخوك يوم الخطوبه كان شبه ماكان يوم المطعم اخوك تقريبا مشفش الاخت سهي عليها دي........ هاه قلت ايييه اتكلم في الجواز
ليث بصدمه
#ايييه ياعم هوانت جاي تخرج البت ولاتدبسني في جوازه
هز فهد كتفيه
#خلاص اتجوزها انا واقعدها جنب فرحه واسيب انا البيت عشان زهقت
ليث بحزن
#برضه مقربتش منها ،،، فهد انا عارف انك بتحبها،،،، ومتقنعنيش انها محركتش حاجه جواك
هز كتفه وقال بالم
#حاجه طب قول حجات،،،،،،  بس المره الوحيده اللي قربت منها سيبتها وجريت عشان النوبه كانت بدات تنمل ايدي،،،،  صدقني البعد احسن ليها،،، وليا،،،  سيبك مني بقي وقول انا لوقلت لعمك انك عاوز تتجوزها دا هيخرجها من تحت ايده
تنهد ليث #مش عارف بقي اعمل اللي انت عاوزه
تحرك فهد للداخل ليتبعه ليث بشرود كامل
#اهلا الاستاذ فهد اللي مبشوفش الاصدفه
اقترب ليرفع يد عمه ويطبع عليها قبله باحترام
#وانا ااقدر استغني عنك برضه ياعمي بس انت عارف ظروف شغلي
ناصر. #عارف وهو ده اللي مش بيخليني ازعل منك تعالي يافهد ااقعد ياليث
فهد بجديه #شوف ياعمي ليث قرر يكمل نص دينه ويتجوز
ناصر #اممم دي حاجه ممتازه انا عاوز افرح بعيالكوا بقي وتبقي مين
فهد #بنتك
ناصر #ماسه
ليث #لاء فيروز
هب ناصر واقفا وقال بعصبيه
#تبقي اتجننت
فهد باستغراب
#ليه كده بس هو مرتاح لفيروز،،،  ودي بنت عمه
قاطعه بعصبيه
#لاء مش بنتي
نظر فهد الي ليث باستغراب ليتسال الاخير
#مش بنتك ازاي ياعمي
ناصر بضيق #دي حاجه متخصكوش
فهد #ازاي ياعمي حضرتك بتشك في نسب فيروز ،،  حضرتك فيروز صوره منك لو مش واخد بالك
ناصر بعناد
#لاء انا كنت مسافر ورجعت اتلقيتها في البيت بنتي ازاي وانا فضلت بره تمن شهور
فهد #بتحصل ياعمي في عيال كتير بتتولد في التامن
قاطعه ناصر #اللي بيتولد في تمن شهور بيموت
ليث #وحضرتك بتحاسبها عشان عاشت
فهد #طب حضرتك اتاكدت عملت تحاليل للبنت
اشاح بيده #مش محتاجه انا متاكد
ليث بعصبيه #طب لما حضرتك متاكد جبتها هنا ليييه
قال بغل #عشان زمرده متنتصرش عليا حبها للبت دي وتفضلها ليها هو اللي شككني اكتر
ضرب فهد يديه ببعضهما
#والله حرام عليك ياعمي.... يعني سنين بتعامل البنت بالقسوه دي عشان حاجه انت مش متاكد منها ومعندكش عليها دليل واحد
ناصر بعصبيه
#انت هتحسبني ياولد،،،،  الكلام خلص عاوز تتجوز اتجوز ماسه دي لا ء
ليث بتحدي  #وانا مش هتجوز غيرها
منتصر ببرود #انا كتبت كل ثروتي لماسه
ليث بحده #تبقي  غلطان لو افتكرت الحكايه دي تفرق معايا انا مش هسيبها ياعمي وهتجوزها
ماسه بصدمه
#انت عاوز تتجوز ياليث
ليث بتحدي #ايوه هتجوز عندك مانع انت كمان
عقدت ذراعيها#وودي تبقي مين بقي
فهد. #فيروز
ماسه بصدمه #ايييييه
،،،،،،،،،،   ،،،،،،،،،،،،،،،،،، ،،،،،،،،،،،،،،،، ،ً،،،،،،،،،،،،