ملكت مشاعري

ضعف اورثني انكسار

#انت جاية مع مين
جلست على المقعد خلفها وقالت
#ديحيي دكتور الشركة
#ودا موصلك للبيت ليه
#مامون وقع فى للشغل ووديته انا والدكتور يحيي للبيت اداله العلاج- وقالى اوصلك ورجع علشان يقعد معاه
قطبت #طيب مودهوش المستشفي ليه
تنهدت #مامون بيكرة المستشفيات لو فاق اتلقي نفسة هناك هيقلب الدنيا واي نرفزة خطر على حياته
قالت الام- بقلق #هو عنده ايه
#ضغطه عالى قوى وكان داخل على جلطة .....انا عارفة انى غلطانة علشان رحت على شان ميصحش بس
قاطعتها امها #انت مغلطيش .... انا بثق فيكى وفى مامون بس الكلام- اللى قالوا عمر  محدش يستحمله  ادخلي ريحي شوية عقبال ما اعملك الاكل
ثقتك ليست فى محلها امي وعمر عنده كامل الحق فيما قاله اخفضت بصرها وجرت ساقيها الى الغرفة وهى تتابع والدتها تتحرك للمطبخ دخلت الغرفة  وسقطت دموعها الحارة تعبر عن حالها مامون جعلها تخجل من نفسها فهي واعية تماما لما حدث انها كانت تستسلم له بارادتها الحرة لتكن صادقة مامون لم يجبرها عل ذلك ...... وهذا زاد انكسارها واحتقارها لنفسها
  فى الصباح ذهبت مطاطاة الراس الى العمل حالتها النفسية لاتحتمل- كلمة من احد مامون كان بالذكاء الكافي ورد على هاتف امها بطريقة لم تفضح كذبها اتصل بها فى التاسعة
#انت فى الشغل صح
#عامل ايه دلوقتي
#ا حسن امك عرفت منين ان انا تعبان
اختنق صوتها
#مش وقته كل كويس وخد علاجك-
أغلقت الخط وظلت تنظر الى الهاتف امامها حبها لمامون لم يورثها الاالضعف- والهوان
لما لاتنتزعة من داخلها لما لاتتقبل عمر بكل اخطائة وتكون معه بيت واسرة وتبدا حياتها معه بخيانه ....تعطي جسدها لرجل وقلبها مع غيره ولكن حبها لمامون جعلها ساقطة
لقد كانت عارية فى فراشة........ لابد- ان ينتهي حبها له للابد اخرجها من شرودها صوت الهاتف جيد ستجد من تخرج به كافة الغضب........ حملت الهاتف ووقفت فى الشباك المفتوح فتحت الخط
#جومانة انا
قالت بغضب #انت حمار وحيوان
#ياجومانه اسمعيني انا اتجننت لما شوفتك خارجة من عنده
#افتكر يااستاذ انى وقفت فى وشك علشان اشرحلك اللى حصل
#مقدرتش خفت اتغابي عليكي واذيكي
اغمضت عيناها للحظة انا لااستحق كل هذا الحب وهو لايستحق- ان تخونه هكذا ولذا قررت ان تنهي الامر حتي لو بجرحة زفرت بقوة
#شوف بقي ياعمر انت حتى مسالتش والمفروض انك عرفني كويس .... لكن لما تتصل بماما تقولها شوفي بنتك كانت بتعمل ايه فى بيت مامون
#هي قلتلك
#ومن امتي خالتك بتقول حاجة انا استنتجت بس انت عارفها كويس   و عارف رد فعلها ممكن يكون ايه على موضوع ذي........ دا تصدق امى طلعت ارجل منك واحسنلك بدل ما انسي ان انا ليا ابن خالة متحولش حتى تكلمني
قالت جملتها واغلقت الخط وانفجرت باكية .....
لم تشعر بمامون الواقف على باب المكتب يستمع لما يدور لم تشعر به الاعندما ربت على كتفها التفت فكانت فى مواجهته اغمضت عيناها وحاولت المرور ولكن صوته المختنق جعلها تنظر اليه
#انا السبب حقك عليا
اشاحت بصرها وقالت باختناق
#لاء مش انت السبب ..... انا عارفة ومتاكدة انه عنده حق بس كنت بحاول بس افضل نظيفة فى عنيهم
قال بلوعة #جومانه انت بتقولي ايه .
ارتمت عل المقعد وقالت بانهيار
#بقول الحقيقة ...
جلس على ركبتية امامها
#جومانة والله ما حصل حاجة يحيي رجعني قبل.. .
قالت بالم
#اسكت كفاية اللى انا فيه ..... انا مش ناقصة ......اللى حصل دا .....يخليني افضل اتوب لربنا طول عمري ..........انا مستحقش انها تثق وتطمن قوى كدا ......كان نفسي متصدقنيش ......بس صدقت .....وهو كمان صدق وشاف نفسه غلطان وبيعتذر
قال باختناق كامل
#للدرجادي بتحبيه
هبت واقفة وقالت يعصبية
#ميخصكش ملكش فيه ...متدخلش فى حياتي الخاصة ....وخليك عارف انا هكمل الشهر دا هنا لحد ما الموضوع يتنسي وبعدين هعقد فى بيتنا ......ولحد الوقت دا اللى بيني وبينك شغل وبس زي ما كان طول عمره شغل وبس ....  لكن انك تتسلي بيا تاني مش هسمحلك ...لعبتي المرمية فى الصندوق اللى فكرت العب بيها بعد عشر سنين... ....خلاص فاقت اضربت قلم كسر ضهرها ...مش هسمحلك تلعب بيا تاني
رفع وجهها وقال وعيناه تمتليء دموع. جعلت قلبها الاحمق- يلين
#هو دا اللى عرفت اوصله .........انى بتسلي وبلعب بيكي ......هو دا اللى انت حستيه من نحيتي ..........انا اسف .....اسف قوى .......انت عندك حق انا فاشل واستحق دا كله ......... مفيش داعي تسيبي الشغل فهمت الدرس كويس قوى يا جو ...اسف اقصد يا دكتورة جومانة
قال جملته واشاح وجهه ولكنها رات دموعه للمرة الاولى فى حياتها دخل مكتبه وصفع الباب بقوة همست بلوعة
_غصب عني انا بحبك قوة يا مامون بس معنتش قادرة اتحمل ضعفي اكتر من كده ........
،،،،،،،،،،،،،،،،،،،،،، ً،،،ً،،،،،،،،،،،،،،ً،، ،،،،،،،،،