ملكت مشاعري

وعد قاتل

#مامون
الصدمه علي وجهه المراه اورثته احراج فوق احراجه
فلا يوجد عاقل يفعل مايفعله تنحنح بحرج
#احم انا اسف اني جيت من غير ميعاد
افسحت له المراه الطريق وقالت بود
# والساعه تسعه الصبح اتفضل يابني
تحرك بجوارها وهو يشعر ان احدهم صب عليه ماء مثلج اجلسته بالصالون لتقول بسرعه
# تشرب ايييه
#ولااي حاجه،،،  اصل جومانه بقالها تلت ايام ماجتش وفونها مقفول فقلقت
ابتسمت المراه التي تحمل نفس عيون جومانه
# هي بخير اطمن
تنفس الصعداء
#امال ليه مش بتيجي الشغل
ناولته علبه شيكولاته
#اتفضل طالما مش عاوز تشرب حاجه
قال بابتسامه
#انا ملييش في الشيكولا
وضعت العلبه مكانها وقالت بجديه
#شوف يامامون يابني انا اعرفك من سنين وعارفه كويس اوووي ان جومانه غاليه عندك
كاد ان يقاطعها ليعلن قلبه العاشق انه اكثر من غاليه وانها تمتلك كل جوارحه وانه احمق لانه اضاع كل تلك السنوات واقترن بغيرها ولكنها قالت
#ارجوك متقطعنيش واسمعني للاخر،،،،  انا عارفه انك بتشوف جومانه زي اختك الصغيره..... ودي حاجه انا احترمتها فيك جدا....... وكنت بامنك عليها ديما عشان عارفه انك هتحميها...... خصوصا انها بدات تشتغل معاك وهي لسه طفله تقريبا.....  بس دلوقتي جومانه معدتش طفله..... بقي عندها تمانيه وعشرين سنه،،،،  كل اما يتقدملها واحد ترفضه....  لكن المره دي مش هسمحلها ترفض
اين ذهب الهواء لما يعجز عن الوصول لرئتيه حل رابطه عنقه وفتح اول ازرار قميصه ليستمع الي باقي ذبحه
#اللي متقدملها المره دي ابن خالتها دكتور محترم مركزي المالي مستقر ومستقبله ممتاز واخلاقه معلهاش غبار،،،  مالك يامون في حاجه
هز راسه نفيا وقال بضيق وهو يخرج اللفافات من جيبه
#تسمحيلي ادخن
#بحريتك
اشعل لفافه لينفث الهواء منها وقال باختناق
#افهم من كده انها مش موافقه
المراه بمراوغه
#قالت هتفكر  ....... عشان كده انا منعتها من اكتر حاجه بتحبها........ الشغل وفي الحقيقه مكنتش ناويه ارجعها
قال بامل
#يعني هي موفقتش
عقدت الام يدها وقالت
#،قلتلك لسه مدتنيش قرارها...... . بس انا مش هقبل بالرفض واكيد انت هتسعدني
#اساعدك ازاي يعني
ابتسمت باستفزاز
#شوف يامامون انا هرجعها الشغل......... بس توعدني انك تقنعها بعمر.......... دا شاب ممتاز بكل المقاييس وفوق كده بيحبها من وهي صغيره......... وهو ااقرب حد ليها في العيله
قال بحنق لم يستطيع التغلب عليه
#انا...  عاوزاني انا اللي اقنعها
عقدت ذراعيها لتتسع ابتسامتها الني يود اقتلاعها واقتلاع رقبتها معها
#ايوه انت،،،،  جومانه بتقتنع برايك جدا،،،  انا عارفه انها مياله لعمر بس بتعاند معايا وبس
حده استحوزت عليه ليقول بغضب
#يعني ايه مياله ليه دي
هزت كتفيها #انت بتزعق ليه،،، 
ابتلع ريقه بصعوبه #انا اسف مقصدش،،، 
#حصل خير،،،،  هاه ارجعها وهتقنعها
#طب انا ممكن اتكلم معاها
ضحكت بدون مناسبه
#مهي لوكانت هنا اكيد كانت طلعت علي صوتك
قال بعصبيه بدات تتفلت منه
#اه وهي راحت فين بقي
#رفضت تاكل خالد اجا اخدها الصبح تعد مع جودي النهارده هاه توعدني
#هو حضرتك ليه مصره اووي كده
ابتسمت
#عشان دي بنتي....... انت خاطب وبكره هتجوز وهيبقي عندك اولاد وتعرف غلاوتهم........ انك ممكن تقسي علي حد فيهم عشان مصلحته
قال باختناق
#وحضرتك شايفه ان مصلحتها مع اللي اسمه اييه دا مش كده
#اكيد عمر  انا اللي مربياه تقريبا....  وعارفه انه بيحبها من وهما عيال،...  فضل ساكت لحد مابقي ادها ،،، فتح عيادته وبدا يتشهر،،،  وقالي كده جومانه حاجه كبيره اوووي عنده فضل مخبي حبه  ليها عشان يوم مايعلن نبقي كلنا معاه .... عمر  راجل وهبقي مطمنه علي بنتي معاه
اشعل لفافه اخري
#مامون السيجاره لسه في ايدك
#معلش،،،  يعني المطلوب مني دلوقتي اني اقنعها بسي عمر دا ومميزاته الفظيعه
#بالظبط كده لو وعدتني هرجعها الشغل
بلع ريقه بصعوبه
#ااااااوعدك عن اذنك انا لازم امشي
قال جملته وخرج مسرعا يهبط الدرج وهو يفتح باقي ازرار قميصه......... يوم ان يكتشف حبه لها تضيع من يده........ والادهي انه هو من سيقنعها اي حماقه تلك
  ..........................................................