ملكت مشاعري

حب من طرف واحد

#انتي بتتحديني ياجومانه
قالت بضجر #بتحداكي في ايه بس
الام#واضح ان انا ادتلك حريه زياده عن اللزوم انتي عندك تمانيه وعشرين سنه كل واحد يتقدم تتطلعي فيه القطط الفطسانه وترفضي ........تقدري تقوليلي بقي عمر عيبه اييه بن خالتك دكتور مشهور واخلاقاه عرفنها كويس اووي ......دا غير ان مستواه المادي فوق الممتاز
قالت بضيق
#ياماما افهميني انا بعتبر عمر اخويا الكبير
قاطعتها #بس هو مش شيفك كده والامكنش اتقدملك اسمعي بقي خروج من البيت مفيش لحد ماتديني قرارك
قالت بصدمه #طب وشغلي
#شغلك مش هينفعني لما العمر يجري بيكي هاتي الفون
قالت بضيق
#طب اعتذر حتي
نزعت الهاتف وقالت
#انا مستنيه قرارك ياجومانه
قالت جملتها لتنصرف صافعه الباب خلفها بقوه لتسقط عبره محتجزه من عيناها لتهمس
#مهو انتي لو هتفهميني هحكيلك،،،  بس انا متاكده انك عمرك ماهتفهميني
تنهدت بقوه لتتحرك ناحيه المراه الكبيره لغرفتها تنظر لانعكاس صورتها بحسره
تعلم ان امها  محقه وانها تضيع عمرها بجوار رجل لن ينظر. ابدا اليها الابعين الصديق...
ولكن قلبها ملكه وهذا لن تستطيع تغيره متي احبت مامون وكيف،،،  هي نفسها لاتداري ولكن ماهي موقنه منه ان هواه تسلل بداخلها وتمكن منها حتي النخاع ...هل احبته من النظره الاولي عندما قدمت للعمل كسكرتيره لديه،،
كانت حديثه عهد بموت ابيها والتحاقها بالجامعه
والدتها وافقت لعلمها انها لن تجد وظيفته بدون ان تكمل دراستها ولكن الغريب انه وافق كانت صدمه لوالدتها ومسؤليه القت علي راسها كان يعمل بكد واجتهاد وهي تؤازره دوما بعد مرور عام تقريبا
#استاذ مامون
اقترب من مكتبها وقال باسما
#بطلي استاذ دي طول ماحنا لوحدنا  انتي صاحبي ياجو
#تمام طب كنت عاوزه ااقولك علي حاجه كده
#قولي
#لبسك مش ولابد مش لايق علي بعضه
#تصدقي انت بنت حلال...  شوفي بقي اعتبري نفسك اتبنتيني من دلوقتي
ومنذ ذلك اليوم وهي تهتم بكل شئ........ لبسه تسريحته عطره ................ وهو دوما ينفذ اوامرها بلا مناقشه متي عرفت انه سكن قلبها ،،،،،،بعد مكوثها عام ونصف معه عقب افتتاح المصنع
كانت لديه احد سيدات الاعمال وانصرفت
#سرحان بتفكر في ايه اكيد في مصيبه
ابتسم #لاء مش مصيبه اوووي  بفكر اعمل علاقه هاه ايه رايك
صدمت وشعرت بوخزه بقلبها للمره الاولي
#في ايه ياجو مالك اتحنطتي كدا ليه هي مش عجباكي ولاايه
قالت بعصبيه #وانا مالي ياجدع انت
التف حول المكتب ليجلس امامها
#ازاي بس ياحبيبتي هو انا بعمل حاجه من غير مااقولك
هبت واقفه وقالت بعصبيه مختنقه
#انا في حياتي ماشوفت في بجحتك
انفجر ضاحكا
#انا بجح ياجو داانا حتي مؤدب خالص........ وبعدين انا بقالي فتره طويله مشغول... وهي اللي عرضت
قالت بغيض
#كمان غور يامامون غور
قال ضاحكا #انتي في مكتبي ياحبيبتي روحي يلا لمي حجتك عشان اروحك
اشاحت بيدها #لاء لسه ورايا شغل
#عدي يابت بقلق لما بتركبي تاكسي لوحدك
#طب وال ااااا
# لاء ياحبيبتي هي هتيجي...... انا مش بروح لحد بس يلا بقي مش زوق اسيبها ملطوعه علي الباب
همهت بالم #اتمنالك يوم زي الزفت علي دماغك يامامون وغور مش جيه معاك يلا
قالت جملتها ودفعته ليخرج وهو ضحكاته تملئ المكان ولسان حالها يتوسل مامون لاتذبحني بهذه الطريقه .....الالم ودموع عيناها طوال الليل جعلها توقن انها وقعت في عشقه...  تعشق رجل يراها صديقه المقرب كما يدعي دوما.......... مامون لايراها انثي من الاساس
في اليوم التالي اتي متاخرا حاولت ان تداري عيناها المنتفخه بالملفات والعمل امامها
ولكنه جاء كالعاده ليجلس امامها اختلست نظره الي وجهه الحزين
#صباح الخير ياجو
#مالك فيك ايه
اشعل لفافه ونفث دخانها قالت
#فطرت
هز راسه موافقا #اووووف مخنوق اوووي ياجو
ابتسمت #ايه مجتش
هب واقفا ليستند الي المكتب من ناحيتها
#لاء اجت بس ااااا
صفقت بيدها
#يبقي فشلت احسن تستاهل
وكز راسها وقال بغيض
#احترمي نفسك لاء الحكايه مش كده ...بس انا مش مبسوط حاسس بخنقه ومتضايق مع ان المفروض العكس...... عارفه انا كنت متحمس جدا بس اول مااجت كل الحماس اللي عندي راح داانا فضلت افتكر حجات لوقلتلك عليها هتضحكي
#حجات زي ايه يعني
#يعني افتكرت ان مشيت وسيبت الكمبيوتر مفتوح وبعدين قلت انتي هتطفيه.......... وبعدين افتكرت شكلك وانتي بتقوليلي انت بجح واقعدت اضحك... عارفه احساس وحش اوووي لما تمثلي المشاعر علي حد
قالت بغيض #طب لما الحكايه كده ايه اللي اخرك
#ياحبيبتي مش كان لازم اتاكد مهو الصبح فتحت عيني لقيتها
هبت واقفه وقالت بغيض
#اخرس خالص انت هتشرح 
انفجر ضاحكا #طبعا داانا مسلي جدا  وبعدين مش بحكيلك عشان يبقي عندك خبره
حدقت بوجهه #خبره ايييه
#عسل ياجو لما خدودك بتحمر بتبقي شبه الفرواله اصل انا بحب الفراوله اوووي
المهم بقي قوليلي انا مخنوق ليييه عارفه انا حاسس زي ماكون  خاين بس مش عارف بخون مين
شردت في رماديته الساحره مامون كرجل وسيم بطريقه ملعونه جاذب لنظر اي امراه بعيونه الرماديه الضيقه نسبيا انفه المستقيم وشفتيه القاسيه شعره الكستنائي الناعم بشده والطويل نسبيا، طوله الفارع واكتافه العريضه
#هااااااه راحتي فين بكلمك انا ....
بلعت ريقها لتعدل وضع منظارها وتقول
#مفيش حد بيبقي فرحان عشان بيزني يامامون
حك مؤخره راسه
#مفيش حاجه اخف، من كده شويه بس عارفه يمكن يكون عندك حق بس معني كده اني اتجوز ودا مستحيل الالما اتلاقي واحده تزلزلني ياجو
قالت بسخريه مريره
#تبقي عبيط يامامون لو فكرت تتجوز واحده من عينه بتاعه امبارح دي
#لاء كده مش هبقي عبيط هبقي حاجه تانيه وحشه اوووي...... بس انت صح محستش عشان قلبي فاضي...  عارفه ياجو نفسي اوي المس واحده ساكنه قلبي اكيد هحس بيها
#انت معندكش احساس اصلا يامامون
ومن ذلك اليوم وهي عليها ان تتعايش، مع علاقات مامون المتعدده... ذبحها الدائم، وهي تتخيل فقط وجود امراه بين ذراعيه ولكن كانت تصبر قلبها ان مامون قلبه فارغ وتمني نفسها ان تسكنه حتي انقلب كل شئ علي راسها، منذ، سته اشهر عندما ظهرت سهي ابنه احد العملاء. ،،، صدته والصد زاد عنده.. تعلم ان مامون يحمل، عقليه طفل مدلل واعلن موتها الفعلي يوم اعلن
#جو انا قررت اخطب، سهي اييه رايك
نعم تحكمت بدموعها بصوره مدهشه مامون القلب الذي تمنت ان تسكن بداخله اصبح لامراه اخري الي كم تحسدها خطفت حبيبها دون عناء،،، اعدت له كل شئ كما اعتدات قبيل خطبته بيومين لم يحضر تعلم انه ذهب لينتقي لها خاتم الخطوبه ولكنها فوجئت باتصال منه
#جو انت فين
#لسه في المكتب في ايه يامامون مال، صوتك
قال بعصبيه #تعاليلي انا في،،،،،  واتصلي بامك قوليلها انك هتتاخري
قال جملته ليغلق الخط لم يتيح لها حتي الاعتراض زفرت بقوه وتحركت لتصل اليه بعد نصف ساعه لتجده ينتظرها في الشارع وحده يدخن بشراهه ووجهه يمتلئ غضب
#انتي ايه اللي اخرك كده
#اركب جنحات،،،  في ايه يامامون
قال بعصبيه
#اتخنقت بقالنا اربع سعات بنفضي في المحلات زوقها زفت وزوقي مش عاجبها
عقدت ذراعيها
#والمفروض، بقي سيادتك بعتلي ليه
هز كتفيه #عشان تنقي حاجه علي زوقك حبيبتي زوقها لايعلو عليه،
ليس لهذا الحد مامون قالت باختناق
#مينفعش يامامون
قال بعناد
#تمام لو منقتيش حاجه مش هجيب حاجه وبلاها الجوازه دي البت دي فقر اصلا
زفرت بقوه
#متفتكرش ان الناس كلها هتتحمل دور الطفل العنيد بتاعك دا
قال بشرود #المفروض كانت تعرف دا يلا بقي خلينا نخلص
#وهتجيب مقاسها منين ياعبقري
اخرج خاتم من جيبه ووضعه بيدها
#اتفضلي بقي خلينا نخلص من ام الشبكه دي
دخلو المحل الذي تتعامل معه عائلته ليخرج لها المسؤل اربع حاملات من خواتم الزواج الالماسيه البراقه  انتقت احداهم ليقول العامل
#زوقك مميز جدا ياانسه كنت جبتها من الاول يامامون بيه قسيه بقي عشان نظبطه
ناولته له وقالت باختناق
#ضبطه علي ده
فهو لايخصني كصاحبه تماما لم تنتبه الاوهو يضغه في خنصرها اللعنه مامون لما تفعل بي هذا لمعت رماديته المميز وهمس
#بقي شكله اروع علي ايدك ياجو ،،، هناخد ده...  هتلنا بقي الدبل الرجالي
خلعت الخاتم وسيطرت علي دموعها باعجوبه
#هات الفضه الرجاله حرام تلبس دهب
#طب مفيش استثنا
نظرت اليه بتوعد لينظر للعامل
#هات الفضه انت عاوزني البس دهب ليه هاه
مش قالت حرام
مامون دوما قادر علي رسم ابتسامه علي وجهها بتصرفاته الطفوليه احضر العامل حاملين ليبدا هو
بالانتقاء
#هاه ايه رايك في دي ياجو
انتقت اخري لتقترب منه بعفويه
#انت صوابعك طويله الدبله العريضه هتبقي احلي
والبلاتين طالع موضه
قالت جملتها لتضع ماانتقته في اصابعه
#هاه ايه رايك
كان يغمض عيناه لم تستطيع التكهن لما فعل ذلك
#مامون
فتح عيناه ليهمس بجمله لامحل لها من الاعراب
#احساسها حلو اوووي
قالت باستغراب #هي ايه دي
هز راسه بقوه وقال
#اوووف ولاحاجه، دي، حلوه ربنا يخليكي ليا ياجو
خلاص هناخد دي كمان
#مامون لازم تجبلها هديه
هب واقفا وقال #نقي اللي يعجبك وانا هستناكي في العربيه
استغربت رد فعله ورده عليها ولكنها انتقت اسواره رقيقه وخرجت كان يجلس بالسياره يدخن بشرود
#هاي انا خلصت يلا روحني بقي
طوال الطريق وهو صامت سالته
#مالك يامامون في ايه
هز راسه نفيا
#مفيش حاجه ياجو دماغي مصدعه شويه
#روح خد حمام سخن وبطل تضغط علي اعصابك عشان حجات هيفه
#حاضر
في صباح اليوم التالي لم تذهب للعمل فقد كانت تنتقي له حله الخطوبه..... وصلت للمكتب في الثانيه ظهرا لم يكن موجود....... دخلت مكتبه واخرجت الحله لتضعها علي المكتب وتعدلها....... كانت تربت عليها بشرود وكانها تودعه انتبهت علي صوته
#ربنا يخليكي ليه ياحبيبتي وتطبطي عليا ديما
رفعت عيناها الدامعه له
#مممبروك يامامون ...اااانا حجزتلك عند الحلاق وانت مروح فوت العربيه علي بتاع الورد كده كله تمام
#مالك، ياجو
لويسال المذبوح لما يتالم يمكنك، ان تعرف الاجابه وحدك مامون
#مفيش حاجه بس تعبت من اللف، هروح انا
#طيب ياحبيبتي هستناكي بكره
هزت راسها موافقه وخرجت كان يجب ان تترك العمل ولكن قلبها الاحمق لم يستطيع اغلقت هاتفها وقضت يوم خطوبته بالفراش تتعلل بالاصابه بالبرد حتي،لاتسال امها
صباح السبت ذهبت في السابعه لتجد كميه عمل كبيره تم انجازها متي فعل هذا...  مامون لايندمج بالعمل الااذا كان غاضب واعتادت لعشر سنوات الاتواجه طفل غاضب بحجم مامون لان غضبه مدمر ولكن لما،،، للمره الاولي تفعلها وتدخل المكتب وهو غاضب تاملته للحظه ماازال بحله الخطوبه يخلع سترته ويثني اكمامه
وعلامات الارهاق واضحه علي معالمه فزعت من صوته العالي
#انتي لسه فاكره تيجي دلوقتي
قالت باستغراب
#انا جايه في معادي في ايه يامامون
ضرب المكتب بقبضتيه وهب واقفا وقال بغضب
#ممكن اعرف جنابك مجتيش ليه امبارح وقفله فونك الزفت دا لييييه
للحظات اصابها الذهول هل هذا سبب غضبه
#عادي يامامون كنت تعبانه شويه،
اقترب منها.... مامون قادر علي بث الذعر بداخلها ماان يغضب قال بغضب
#والزفت الفون دا مقفول ليه...  انتي عارفه انا كنت عامل ازاي وانا، معرفش عنك حاجه. ... اقسم بالله كنت هسيب الزفت الخطوبه واجيلك البيت انا كنت هتجنن
عقدت ذراعيها وقالت
#انت مش شايف انك مكبر الموضوع،....... صدعت قفلت الفون ايه المشكله....... وبعدين دي حياتك الخاصه يامامون وجودي ملوش اي اهميه
قال بعصبيه
#انتي بتستعبطي انا معرفش، اعيش من،، غيرك
تنهدت بقوه ماذا تفعل بي مامون
#مامون انت دلوقتي بقت في حياتك واحده....... وانا مينفعش اتدخل.......... افهم بقي دي حياتك اللي انت اخترتها
قالت جملتها لتخرج من عنده وتصتدم بسهي التي كانت في طريقها للدخول رمقتها بنظره مستعليه زادت اختناقها  ودخلت لتغلق الباب،،،، 
كانت تسمع صوته العالي من مكتبها...  ولكن بعد قليل صحبها وانصرف
قررت انها لن تتدخل بحياته لن تحتمل ابدا ان يخبرها بعشقه........ لذا انسحبت بالكليه كانت تغلق كل ابواب الحوار الخاص بينهما،،  ،،،،ا لغريب ان مامون عيناه دوما ذابله حزينه،، شهران حتي ذلك اليوم كان لديهم ميعاد مع شركه كبيره ستاخذ انتاج المصنع بالكامل...  ولكنه تاخر اتصلت به هاتفه مغلق.... قبل الميعاد بنصف ساعه فقط حضر ملابسه غير مهندمه وذقنه مهمله وارتمي علي المقعد امامها
#انت ايه اللي اخرك كده ،
قال بعصبيه
#خلاص، زهقت،،،، اللي انا بشوفه يمين بتشوفه هي شمال مش، عارف اتفاهم معاها زهقت
التفت حول المكتب لتجلس امامه
#ممكن اعرف انت بتعمل ايه بالظبط 
قال باختناق
#مخنوق مش قادر اخد نفسي....
قالت بجديه #مامون حياتك الخاصه بعيد، عن الشغل حضرتك من يوم خطوبتك وانت مطنش، الشغل خالص...  تقدر تقولي عندنا اييبه بعد ساعه
#معرفش
#عندنا ميعاد مع شركه الايمان...   ودي تاني مره ااجل الميعاد...  انا وانت عارفين كويس، اوووي انت تعبت اد ايه عشان تبني الشركه دي وتكبرها
قال بشرود #عندك حق  انا عارف اني رامي الحمل كله عليكي بس انا تعبان اوووي ياجو وانتي السبب
#انا طب انا عملت ايه
#ممشياها رسمي من يوم الخطوبه
قالت باختناق
#دي حياتك الخاصه يامامون مينفعش، اتدخل فيها
قال بغيض
#ودا من امتي بقي ... داانا لما كنت بنام مع واحده باجي احكيلك ايييه اللي اتغير
هزت كتفها، وقالت باختناق
#يامامون دي حياتك الخاصه، انت قررت تبني، بيت ويبقي ليك زوجه واولاد انا مينفعش اتدخل، في دا
قال بسرعه
#بصي لو سهي مش عجباكي هسيبها بس متبعديش عني ياجو انا معرفش اعيش من غيرك مش، احنا اصحاب،
منذ ذلك اليوم وعاد مامون ليقص عليها كل شئ هي موقنه انه لايحب سهي ولكن مازال، قلبه محجوب عنها...  والان ابن خالتها يطلبها للزواج ليست المره
الاولي التي يتقدم احدهم لخطبتها
#العشا ياست جومانه
رفعت عليها الاغطيه
#مش انتي حبستيني في البيت ابقي اكليني بالعافيه
خرجت والدتها صافعه الباب خلفها بقوه لتنهمر دموعها بصمت....