ملكت مشاعري

حبيبتي ولكن

اليوم التالي لم ياتي مامون ولكنها وجدت كمية كبيرة من العمل على مكتبها وهذا يعني انه يعمل طوال الليل اتصلت بامها واخبرتها انها ستعمل لفترة مسائية لان العمل متراكم عليها فاخبرتها ان تتصل بعمر يوصلها اتصلت بمامون ولكن هاتفه مغلق لقد ارهق نفسه بالعمل بالتاكيد نائم
قاربت على السادسة كانت اوشكت على انتهاء العمل تفاجئت به يقف على الباب يتأملها فقالت
#كنت فين وقافل فونك ليه قلقت عليك
اشاح وجهه وتحرك ناحية مكتبه وكانه لم يسمعها وقف قبل ان يدخل. وقال دون ان ينظراليها
#ايه اللى اخرك امبارح
ابتسمت #انت ايه عرفك انى اتاخرت
لف ووقف امام مكتبها وقال
#ايه فاكراني نايم على ودانى اظن
اسندت وجهها الى يدها وقالت
#انت بترقبني
صك على اسنانه وقال بعصبية
#قولى اللى عاوز اعرفة احسنلك ...انا مش قولتلك تطفحى وتروحي على طول.... ايه بتطفحى ايه فى خمس ساعات الاكل كان جاي من بره
انفجرت ضاحكة
#اتمشينا شوية فى العربية
قال بترقب #روحتوا فين
#هنروح فين ....جوا البلد
#وبعدين
#وصلنى ومشي
التف حول المكتب وادار مقعدها وقال بغضب
#متتقلش كدا تتقال وصلني ونزل يجري بسرعة ......ايه اللى حصل
اشاحت وجهها
#محصلش حاجة انت عاوز ايه يامامون
قال بغضب #حاول يلمسك مش كدا
تنحنحت بحرج فقال بغضب اكبر
#وبعدين
قالت بتاكيد# مفيش بعدين..لطشته بالقلم فنزل يجري انا مش عيلة صغيرة يامامون واعرف احمي نفسي كويس من اي حد واقصدك انت كمان بالحد ده
التفت بالمقعد ولملمت اشيائها وبدأت تتحرك قال بتحفذ
#،على فين ياجومانة هانم
#هروح عندك مانع
قال بغضب #لوحدك ولافى مواعيد جديدة
قالت بحنق وهى تخرج هاتفها
#كويس انك فكرتني اتصل بيه ييجي يوصلنى
لم تنتبه له فنزع الهاتف من يدها والقاة فى الارض-فتكسر قالت بلوعة
#انت اتهبلت الفون ادشدش
امسك ذراعية وقال بغضب
#لما ترفضي راجل متتصليش بيه تاني يوم ياغبية ...على شان ميفسرهاش انك بتفتحي الباب
قالت بحنق
#بطل سخافة عمر  بن خالتى ومتعودة طول عمري اطلب منه المساعدة...... ومش كل الناس بتفكر شمال زيك ....وعمر مش من النوع دا
مرريده فى شعره بتوتر
# نوع ايه
قالت بتاكيد #المستغل...... عمر عرفني وبيحترمني يا مامون
بلع ريقة بصعوبه
#وشايفة انى مبحترمكيش ياجو مش، كده
قالت بحده
#وانت مالك بالحكاية دى انا مبتكلمش عليك
قال بعصبية #وبتتكلمي عليه على طول
قالت بضجر
#انا مبتكلمش علي حد انت اللى سالت واطمن هو ميقدرش يعملها تاني
ابتسم بمراره ليقول بحزن
#فرق كبير قوى بين الرغبة والاحترام ....هيفضل يحاول علشان ينجح
قالت بتاكيد #لاء مش هيعملها تانى 
ضيق عيناه وقال بتحفذ
#وايه اللى مخليكى متاكدة قوى كدا هو ااااااامش بيحبك
قالت بتاكيد# بالعكس بيحبني من واحنا لسه عيال ...... روح نام وارتاح علشان وشك تعبان
جلس على الاريكة الكبيرة وقال بياس
#مش عاوز حاجة مش طايق ادخل البيت ولاالشركة.... الامل اللى انا عايش عليه بيروح من ايدى...... واحدة واحدة اتخنقت
قال جملته ونزع رابطة عنقه وفك ازارار قميصة وكانه يختنق بالفعل.... ذهبت الية جثت على ركبتيها امامة وقالت بلوعة
#مالك يا مامون حاسس باية....... انا عمرى ماشوفتك كدا........ ايه اللى وجعك قوى كدا
اتكلم انت عمرك ما خبيت عليا حاجة
قال با لم شديد ادمع عيناها
#وجع بس.... لاء ا لدنيا كلها متقفله فى وشي..... مش عارف حتى اتنفس..... نفسي اموت وارتاح
هى منفعلة اكثر مما يجب لذا تقريبا دون وعي وقفت وشدته بين ذراعيها دفن رأسه فى صدرها وقالت بالم ودموعها تسيل
#بعد الشر عليك اوعي تقول كدا تانى
ضم نفسه اليها واطلق اه الم شقت صدره
#اه انا تعبان قوى ياجو .....زمان كنت بمثل بس كنت عايش ......ولما حسيت زى البنى آدمين .....فشلت اوصل حتي مشاعرى  ......
رفعت وجهه واحتضنته بين كفيها وقالت بتمزق
#اهدى يامامون اهدى علشان خاطري
هى منفعلة اكثر مما يجب لذا لم تشعر تقريبا انه اراحها على ساقه وقال بالم
#كنت دايما جنبي بتعرفي اللى فيا من غير ماانطق ...بتحسيني قوى ....بتهربي مني ليه
قالت بانفعال #انا مش بهرب  انا معاك على طول يا مامون .
قال بالم #بكل حاجة
اراحت راسها على صدره مامون يحب...... هذا يفسر تصرفاته الغربية المه وحزنه عصبيته المفرطة..... سقطت دموعها كانت تتمني ان تحصل على هذا القلب رفع وجهها ومسح دموعها وقال بانفعال
#مرديتش عليا معايا بكل حاجة ياجو
بلعت ريقها #مامون انت محتاج ترتاح
اغمض عيناه وزفر بقوة
#هحارب ياجو هحارب بكل طاقتي واحلم واتمني انى اوصل .
تاملت عينته اللامعة الهادئة وهمست
#انا معنتش فهماك يامامون
تلمس خدها بنعومة جعلتها ترتعش
#معنتيش فاهمة ولامش عاوزة تفهمي ..بتقولى مبتشوفيش كويس ومع كدا بتلحظى كل حاجة حواليكى .....وبتيجي عند الحتة دى بالذات وتمثلي الهبل والغباء
اتسعت عيناها #انا غبية وهبلة
تلمس شفتيها وهمس بتهدج
#ومعندكيش دم ولااحساس-
غارقه بغيوم عيناه المتقلبه بعيده تمام عن حدود الزمان والمكان همست
#انت بتشتمني كدا على فكرة
تلمس حدود وجهها شيء ما فى عيناه يجذبها بقوة بداخل عالمة المسحور
#هو انا بعمل حاجة من يوم ما عرفتك غير انى اسب والعن
همست #انت مكنتش كدا
زمجر بخشونة واطبق على شفتيها بغرام انساها كل شيء فتعلقت به تحسس شفتيها
#آه ياجو ... مامون معدلوش وجود الافي عنيكي ...يشوف بيها ويحس نفسه فيها ... عاوز دا اوى اوى ياجو
قالت بارتعاش #ععععاوز ايه
تلمس رقبتها وطبع قبلة ناعمة عليها ارتعشت اكثر وتاوهت بنعومة...... مستحيل  ان تقف امام مشاعر تجتاحها بتلك القوة اعتدل ونظر فى عيناها وهمس
#عايزك انت ...عايز اشوف صورتى فى عنيكى زي ما انا شايفها دلوقتي متتبدلش ومتتغيرش ....
لم تصل اكبر احلامها لهذا ان تري تلك النظرة العاشقة فى عيناه فهمست بدون صوت
#مامون
هز رأسه نفيا وامسك يدها وطبع عليها قبلة ناعمة هي تري ما يفعلة ولكن ليس لديها ادنى قوة لتعترض انزل يدها ببطء حتى استقرت على صدره العاري نظرت الى يدها فهمس
#بحب اسمع صوتك .....بحب اسمي قوى لما بيطلع من شفيفك اقولك على حاجة
لمس شفتيه بشفتيها وهمس
#عمري فى حياتى ماحسيت بلمسة زى دى بتزلزلني وتوهني وتخلينى اجري وراها بالشكل ده ...
هى ضائعة تماما قلبها يدفعها لتلبية ندائه الملح فى عيناه عشقت لمسته اذابتها بالكليه ولكن انفاسه الساخنه على وجهها اعادت لها جزء من عقلها فمست بارتعاش كامل
#مانون انت سخن
اغمض عيناه وزفر بقوة وقال بغيض،
#الله- يحرقك ياشيخه هو دا وقته ....انت يابت عبيطة ....المفروض مفيش حاجة تلفت انتباهك ...اعمل فيكي ايه دلوقتي
قالت بعجز #اااانا معملتيش حاجة ..
بس شكلك تعبان قوى وسخن ولازم ترتاح ..خد مسكن واشرب حاجة سخنة واتغطي كويس علشان اكيد مش هتروح ل الدكتور .
ابتسم وثبت شفتيها باصابعه وقال
#انت شايفة كدا
هزت رأسها موافقة فقال
#طب اااااااتعالي معايا
قطبت #اجيي معاك فين
#البيت انت مش قلتي اشرب حاجة سخنه مين اللى هيعملهالي انا راجل غلبان ومسكين وعايش لوحدى
ابتسمت #بطل دلع عم محمد يعملهالك
#بيبقي نايم يهون عليكي اصحيه ....
تاملها بنظرة متسعة قطم شقتيه وهمس
#يخرب عقلك وصلتيني لكدا ازاي حرام عليكي ..........يا مفترية  
حركة يدة على ظهرها نبهتها اخيرا لما يحدث انها ترقد على ساقة وسترتها وقميصها فى الارض- وانها تحتضنه بيد ويدها الاخري- على صدرة العاري وتقافزت الدموع من عيناها واشتعل وجهها
#انت ....ااااااا..انا. ....ااااااازاي
حملها واجلسها على طرف المكتب وناولها قميصها كانت ترتدية بيد مرتعشة وقال باسما
#اهدى محصلش حاجة .....
قالت من خلال- دموعها
#انا ازاي اسمح
وضع اصابعه على شفتيها
#اششششش انت كنت منفعلة قوى ومحستيش بحاجة انت ملكيش ذنب ....
نظرت فى عيناه وقالت بانكسار
#بتستغل ثقتي فيك بتتسلي بيا يا مامون انت تعمل كدا
قال بانفعال #بتسلي ..مينفعش تفسريها بطريقة تانية
قالت بعصبية #ملهاش تفسير الاكدا
اشعل لفافة ونفث دخانها وقال بانفعال اكبر
#لاءمش كدا وعمرى ما شوفتها كدا .آه كنت غبي عملت اكتر من علاقة...... بس عمري مااجبرت واحدة على كدا وانت عارفه كدا كويس
قالت بحنق
#فقررت تجرب السكة دى معايا
قال بانفعال
#انا مش وسخ  علشان اعمل كدا معاكى..يمكن اكون عيل صغير........ زى ماانت قلتى بنبهر باي لعبة حلوة وبجري وراها.......... بس لما بتبقي معايا مبحسش بيها ...... وبتلاقي نفسي بمثل يمكن دا ادانى خبرة انى اتعامل مع الستات ..حتى لما خطبت سهي ولمستها حسيت بنفس القصة....... لدرجة انى اتاكدت ان انا كدا......... مش مكتوبلي احس وافتكر انك عارفة دا كمان كويس......... لانى قولتهولك اول ما حصل .... بس معاكي لاء
هى موقنه انه صادق لان كل ما قاله حدث بالفعل وهذا ما جعلها تتسال
#طب وايه الفرق
قال بابتسامة #يااااااه فرق كبير قوى ياجو .....دى اول مرة فى حياتي احس بجد ...لدرجة انى توهت مكنتش شايف غيرك واحساسي بيكى .نسيت كل حاجة حتي ان احنا فى المكتب وممكن اي حد يدخل عارفة هو محصلش حاجة بس انا مبسوط قوى ....
احمر وجهها وقالت بحرج
#مامون انت سخن وبتخرف
ابتسم ولدغ خدها
#انا مبخرفش ....لو هربتي بيها لاخر الارض .مش هسيبك ....انا مش هرجع امثل تانى ....  اللى حسيته وانت فى حضني حياة عمري ماعشتها.. انا اول مرة احس انى حي بجد ولولاانك فوقتيني فى الوقت المناسب ...... مكنتش هسيبك ....اصدمك دلوقتي
حدقت فى وجهه فمال على اذنها
#الساعة حداشر
اتسعت عيناها فنفجر ضاحكا فقالت بحنق
#انا فى كارثة وانت بتضحك يابارد مش انت اللى كسرت الفون
ربت على خدها
#طب انا كسرت فونك انت يا حبيبتي ...هو انا قلتلك ارفعي سماعة الارضي
تطلعت الى الهاتف وقالت بلوعة
#انت عمال تضحك ماما هتقتلنى يابني آدم
ناولها هاتفه وقال
#خدى اكتبى رقمها وانا هكلمهاو.متخفيش ياحبيبتي انا معاكى
دونت له الرقم فاتصل واخذ الهاتف ودخل مكتبه خرج بعد قليل فقالت
#هتقتلني يا مامون  صح
ربت على خدها
#لاياقلب مامون هى بس كانت قلقانه عليكي وكانت لسه هتتصل بالحيوان ابن اختها علشان ييجي يطمن ياريتني كنت اتاخرت شويه كانت بعتته لقضاه
احاط كتفها بذراعه
#يلاعلشان اوصلك
ابعدت ذراعة وقالت
#احترم نفسك علشان انت بقيت قليل الادب زيادة عن اللزوم
خطف قبلة من شفتيها
#مانا طول عمري كدا ايه الجديد يعني
اوصلها الى البيت امسك يدها وهمس
#احلمي بيا علشان هحلم بيكي
#مامون انت تعبان روح خد مسكن ونام تصبح علي خير
#وانت من اهلو
امها كانت قلقلة فقط ولم تلومها كما توقعت ارتمت على الفراش ما ان أغلقت عيناها حتى رات نظرة عيناه العاشقة وسمعت همسه الناعم ......
قلها يامامون ولو لمرة واحدة ....قلي بحبك
،،،،،،،،،،،،،،،،   ،،،،،،،،،،،،،،،،،    ،،،،،،،،،،،،،،،،،