Reincarnated in 1880

KABANATA VI

Tanghaling tapat pero nandito parin kami at nagtitinda. Nakakapagtaka naman, hindi nakakasunog sa balat ang araw. In fact, ang sarap niya sa balat. Nakakapanghinayang lang ang henerasyon namin. Ganito rin sana kalambing ang araw sa mga balat namin.

Ilang oras pa'y naubos na ang paninda namin. Kita ko naman sa itsura ni Andres ang pagkatuwa. Ngayon ko lang siyang nakita na ganyan kasaya. Siguro ngayon niya lang naranasang maubusan ng benta, hehe~

"Ay, wala na pala"

"Nakapinid na pala sila"

*nakapinid- nakasara

"Ubos na, nakakapanlumo naman"

"Huwag kayong mag-alala, may pag-asa pa kayo bukas. Pumunta kayo rito ng 10 ng umaga at makikita niyo kami dito. Mas maaga, mas malaking tsyansang makabili" Sabi ko sabay kindat sa kanila

Yumuko sila at nagpaalam.

"Hintayin namin kayo rito bukas. Alalahanin ninyo kami!"

"Oo naman!" tugon ko

Inayos na ni Andres and lagayan ng mga paninda namin at nagbilang ng pera. Huwaw naman, naaalala ko ang teacher ko sa kaniya!

"Oh" sambit niya

Tumingin ako sa kanya at nakita kong may nakahiwalay na pera sa supot na kanina lang ay bininilang niya.

"Ano yan?" tanong ko

"Ano pa nga ba, kung hindi ang iyong hati sa ating ipinagbili. Nakalimutan mo na bang isa ka sa mga gumawa nito? At ikaw rin ang dahilan kung bakit tayo dinumog ng mga mamimili."

'Hmm.. Naiintindihan ko siya pero di niya ba alam na ginagawa ko yun para sa ikabubuti ng lahat? Ayoko ng kapalit lalo na't may utang na loob ako sa kanya.'

"Sorry, pero di ko yan tanggapin" sagot ko

"Ano?!" sigaw niya sa gulat

Nakita ko namang umuusok ang ilong niya sa at pinipigilan kong tumawa.

"Alam mo Biya, ayaw kong magka-indulgencia sa iyo!" sigaw nito

'Indulgencia, ano nanaman yun?'

*indulgencia- utang na loob

"Pake ko sa indulgencia na yan! Basta di ko yan tatanggapin."

"Tsk, iiwan ko na lamang ito rito. Bahala ka sa buhay mo." Sabi niya at tumayo

Kinuha niya ang lagayan ng mga binenta at sa lumakad papalayo.

'Aba talagang!'

"Tandaan mo, hindi ako ang mawawalan" huling sabi nito

Iniwan nya lang talaga yung pera doon! Ganun na ba talaga kataas ang pride neto? Grrr..

Agad ko namang pinulot yung mga barya at hinabol siya.

"Sandali!" sigaw ko

Tumigil siya at binigyan akong ng malamig na titig.

"Samahan mo ako, may gusto lang akong bilhin"

Hinila ko ang braso niya dahilan para mahatak ko siya para wala na siyang maireklamo pa!

"Anong gagawin natin dito?" tanong niya

Hinila ko si Andres papalayo at napadpad kami sa palengke. Masarap isipin na ang palengke noon ay parang naging bahay-kaibigan dahil nagbabaitan ang mga tao at masaya silang namimili.

"Kailangan nating hanapin ang mga sangkap na nasa isip ko at ako na ang bahalang magluto mamaya." sagot ko

"Ikaw ang bahala" tugon niya