ANG AKONG PINALANGGANG MAESTRA (Bisaya Spoken Poetry)

Ang Akong Pinalanggang Maestra

Maayong adlaw kanatong tanan
Ako, isip estudyante, nagabarog sa inyong atubangan
Aron paghatag ug mensahe
Sa atong ikaduhang ginikanan

"ANG AKONG PINALANGGANG MAESTRA"

Buntag sayo sa akong pagmata
Oras lamang akong gihulat para muskuyla
Apan ang atong mga maestra,
Alas kwuatro palang nangandam na.
Gahuna-huna sa angay ihatag kanato
Nga mga bag-ong pagtulun-an kung Aaàaa sa atong kabadlungon,
Wala sila nibati bisang unsang kapungot
Hinuon, kanunay lamang kita nilang gisabot.

Salamat gyud kaayo ninyo sir/maam
Tungod ninyo, nakita namo unsa kabililhon ang oras nga nagkawa nag anam- anam
Tungod ninyo, nahibal-an namo unsa ka nindot makat-on sa inyung diskusyon na magamit namo sa umaabot nga panahon
Tungod ninyo, among nakita kon unsa  ka maanindot ang kalibutan kung daghan kitag makat-unan
Ug di tungod ninyo, wala ako dire sa inyong atubangan,
Musulti sa akong mga pulong nga ipaambit sa kadaghanan.

Sa mga naminaw karon
Kahibaw ba mo nga sa pulong nga "maestra" naa kitay pito ka mga letra nga magdebuho sa kamaayo nila

M. Mahigugmaon sila sa mga estudyante isip ikaduhang mga anak nila

A. Ambagan kita para magtarung kitag skuyla

E. Esturyahon gayud kita ug naa tay sayop aron makat-on ta

S. Suportahan kita sa mga pangandoy nato nga kab-uton pa

T. Tabangan kit, pinansyal man o emosyonal man nga mga problema

R. Responsable gayud sila, mapaskuylahan man o pamilya, maong;

A. Atong ipasigarbo ang atong mga maestra isip ikaduha natong mama

Maong karung adlawa, atong ipadayag
Nga bisan dili adlaw sa mga maestra
Ipakita nato kanila
Nga ato silang gimahal ug gitagaag importansya
Maong tabangi gayud sila
Kay di lalim magmaestra
Sa estudyanteng perting daghana