روايه رزان

بارت 5

السلاام علييكمم
...
..
.
رزان :رحت صعدت للغرفه واجت زينب وكملنه قرايه وكعدنه نسولف ونعست وهم ماضل وكت الصبح شيكعدنه كمت بدلت لبست ملابس النوم طبعا مطمنة محد يدخل لغرفه زينب فأخذت راحتي بدلت ورحت نمت بصف زينب وشويه ضلينه نسولف ونمنه كعدت الصبح ساعه ب 6:30 كمت كعدت زينب ماكعدت رحت حضرت المنشفه  والروب مال زينب حته اطب اسبح لان متعوده من اكعد الصبح اسبح عاد اخذتهن ورحت الحمام صاير كدام الغرفه عاد دخلت  سبحت كملت ولبست الروب مال حمام عزة هذا شكبرة علي طويل وعريض كلش مدري اني قزمة عاد شديتة باحزام من الخصر ولفيت شعري بلمنشفه وطلعت من الحمام صار بوجهي زيد شكلة يريد يدخل يسبح لان شايل ملابسه هوة شافني وكف وضل صافن مدري شبي بس يصفن 😹😹صيني 😹
دنكت راسي وكتله صباح الخير وفتت من يمة ورحت للغرفه شفت زينب بعدهة نايمة يابه شكد تحب النوم عبالك تنبل مال نوم كعدتهة بلكوة كامت واني رحت مشطت شعري وبدلت لبست ملابس المدرسه وشفتهة صارت ب 7:15 كلت هم يلا اخذت الجنطة ونزلت شفت جدو وبيبي وخالو ومرتة كاعدين صبحت عليهم وبست راس بيبي وجدو وكعدت وياهم جانو يتريكون اجت زينب هم واتريكنة وكملنه واجة الخط ورحنه للمدرسه

..
زيد:اليوم عندي.دوام كعدت من الصبح اخذت ملابسي ورحت على الحمام الخارج الغرفه لان حمامي مابي مي حار بس بارد عاد اخذتهن وطلعت وصلت للحمام جان تطلع بنت كلبي شكلهة حلو يابة شهل ابنيه هاي كل ماتكبر يزيد جمالهة  ونوب  المنشفة  العريضه عليهة زايدتة جمال وجاذبية  ضليت صافن عليهة يابة شهل كياتة شكد حلو الواحد يصبح بهيج وجه حلو حتة يرتاح نفسيا ومزاجة يتعدل خوما يصبح بوجه مهند عبالك قرد ضليت صافن عليهة لحد مافاتت للغرفه وسدت الباب حتة نسيت شريد وشعندي جاي باوعت على الملابس البيدي يلا اتذكرت اريد اسبح ضحكت على نفسي وطبيت للحمام حسيت الحمام حلو اوف يبنت كلبي شوكت تكبرين واخذج يمي شيصبرني
كملت وطلعت من البيت ورحت للدوام

...
رزان :كملت الامتحان ولحمدلله جاوبت رحت ادور على زينب شفتهة من بعيد رحتلهة اركض وصلت يمهة كتلهة

رزان:هاا شلونج بلمتحان جاوبتي

زينب:اي يعني وانتي

رزان:اي لحمدلله .يلا امشي خل اروح

زينب:يلا

رحنة طلعنه من المدرسه شفت عباس اشرتله بيدي واجة علينه وسلمنه علي ومشينه سويه وكضينة الطريق شقه لو معارك اني وعباس ووصلنه للبيت عباس راح ودخلنه اني وزينب وسلمنه على ماما وطيبة واجو ريماس وانمار يركضون علي حضنتهم وضلينه شوية كاعدين وبعدهة اخذت زينب وصعدنه للغرفه مالتي وبدلنه ملابس المدرسه وضلينه كاعدين نسولف وصارت الساعه بل 12 الضهر نزلنه ساعدنه طيبة بلغدة صبيناه بلصاله واجو اخواني وضل يشاقون ويه زينب وياي وتغدينه وكملنه وصعدنه للغرفه ضلينه شويه نلعب بلتلفون وبعدين نمنه كعدت العصر مالكيتهة يمكن نازله رحت عدلت شعري ونزلت لكيتهم كاعدين  كلهم بلحديقه وداياكلون  كيك وجاي رحت يمهم وكلت

رزان:همزين ربي كعدت لو اضل عليكم تخلصون ومتصيحولي

حيدر:اني كتلهم ليكعدوج لان ادري بيج ام بطن وراح تجين

الكل:ههههه

رزان:😒اي اهم شي بطني شعندي غيرهة واخذت قطعه كيكة وكعدت بحضن ماما

حيدر:ولج راح اتكسرين رجلين امي كومي 😂

رزان:🤪اصلا اني مو ثكيله رشيقه

زينب:ايي مبين

رزان:مو بلا ماما وبهمس كولي اي 😹

ماما:ههههه اي

علي :يمة ترة من هسه مااوديج سوين   علاج طبيعي

الكل:هههههه

رزان:يااا علي هاي انته هم  .

وحضنتني ماما وكالت

ماما:ولكم عوفو رزونتي بحالهة اني شعندي غير بنيتي

علي:حيدر تعال يبعد اخوك محد يريدنه بعد .وفتح ادينه لحيدر

حيدر:يمة بعد بيتي اني شعندي غير علاوي

الكل:هههههههه

رزان: الله لا يحرمني منهم شكد احبهم 😹😹😹

وضلينه نتشاقة ونضحك للمغرب طبينه جوة ورحنه اني وزينب ويه طيبة للمطبخ وساعدناها وكملنه ورحت افرس السفرة بلصاله وسمعت الباب يدك كلت الحيدر ورحت للصاله فرشتهة وسمعت صوت حيدر وياه واحد ويكله فوت فوت رحت ركض لغرفه ماما اخذت شال وحطيته على راسي عبالي ولد عمي طلعت وشفته زيد غريبه شجابه شذكرة بينه ابد هوة مايجي علينه بسلا يريد ياخذ زينب عزة  رحت يمهم وسلمت علي ورحت للمطبخ يم زينب وطيبة وكلت

رزان:اكول شعجب اجة زيد هاي اول مرة اشوفه ابيتنه

طيبة:اي والله صحيح ابد مايجي هوة

زينب:والله ماادري

رزان:ولللج بسلا جدو دزة حته ياخذج وياه

زينب:لا يمعود كلت لبابا اضل يومين

رزان:هفف والله جدو يسويهة وياخذج هسه

طيبة:يلا عيني يلا خلي نودي الاكل قبل
لايصيحون سوالفجن ماتخلص

زينب:اي والله جيبي عيوني

رزان:اخذنه الاكل ورحنة حطينا وكعدنة سويه عادي عدنه نكعد سويه ويا ولد عمامي او خوالي المهم كعدنه ناكل وكل ماارفع راسي الكة زيد يباوع بوجهي بس لوافتهم شيريد شمضيع بوجهي جان اني بخير