السلام عليكم
(لاتنسون التصويت )
...
..
.
رزان:مرت الايام وخلصت عطلة نص السنه واجت الامتحانات الشهريه وراحن واجت اخير السنه هم وامتحنت ولحمدلله نجحت وبدرجات عاليه واجة رمضان وكلش متحمستلة وكثر الحماس كضيتة نوم وصلاة 😹
وبعد اسبوع للعيد وخابر خالو كال معزومين على حفلة خطوبة مصطفى كلش فرحت راح يصير عرس يعني ركص اووف صار شكد ماصاير عدنة عرس عبالك جفاف
ورحنة اني وماما وطيبة للسوك واشترينة ملابس واني شتريت للعيد وللحفلة اشتريت للعيد بنطرون لان اتفقنه نطلع لمدينة الالعاب ثاني يوم العيد وية بيت خالو واول يوم العيد معزومين يم بيت عمو صلاح مسوين عزيمة
وللحفلة فستان
واجة العيد كعدت الصبح عدلت شكلي ونزلت اعايدهم وعايدت ماما وعلي وطيبة وحيدر وريماس وانمار كلهم
وكعدت اتريك وياهم وضلينه كاعدين وصارت ب9:30 كالو يلا بدلو هم يلا حتة نلحك
ورحت بدلت ولبست تنورة بف مو حيل طويله لون اسود وتشيرت لون ابيض وبي قلب بلنص جبير لون احمر عندياهم من زمان بعدهم جديدات وحذاء سبورتي ابيض (عزكم الله ) واخذت جنطتي ورحت نزلت لكيتهم نص مكملين ونص لا رحت على طيبة حتة اساعدهة بتلبيس ريماس وانمارورحت بدلتلهم ومشطت شعرهم وحطيتلهم عطر ونزلتهم وكملنه وطلعنه بلسيارة مال حيدر اني وماما وعلي بسيارتة هوة وعائلته ووصلنه لبيت عمو ونزلنه وسلمنة عليهم وكعدت
وشويه ورحت ويه البنات قمر عمرهة 18 بنت عمو صلاح
وبنات عمتي رقيه نبأ الكبيرة متزوجة ونبراس على حدهة وهدى قبل الاخير وعذراء الصغير نفس عمري
ورحنه نساعدهم بلمطبخ واجت ويانه طيبة وكلنه كمنه نشتغل وكضيناهة هواي سوالف والقليل من الشغل 😹
وكملنه واجو الولد حته يساعدونه ويشيلون الاكل وحطو بلصاله ونكعد كلنه سويه وكعدنه ناكل ولد عمي وعمتي واخواني كضوهة شقه وتصنيف من صدك حسينه بفرحة العيد واجوائة وكملنه اكل وكمنه نغسل بلمواعين وكملنه العصر والمغرب رجعنه للبيت
اني رجعت كبل للغرفه سبحت وبدلت ونمت وكعدت ثاني يوم من الصبح كلي نشاط اليوم هم اكو طلعه ونزلت تريكت وكملت ورحت بدلت ولبست قميص ابيض شويه طويل وفوكاه سترة كوبوي واخذت جنطة مال ضهر تصير وسط لاجبير ولاصغيرة كلش كيوت ونزلت جوة لكيت ولد عمي صلاح حته يرحون ويانه بس ماكو وياهم عباس سألت عليه كالو راح الخواله وضلينه شويه ننتضر بعدهم مامكملين
طلعت للحديقه حته اخذ صور واخذت كم صورة واجو ولد عمي هم كالو يلا طكيلنه وياج وطكيت وياهم كم صوره واخذت تلفوناتهم وصورتهم
وشويه وطلعنه ورحنه لبيت خالو وصلنه ونزلنه لان يمكن بعدهم ممكملين
رحت على زينب عايدتهة وسلمت على جدو وجدة ومرة خالو وخالو ولد خالي هم وكعدنه شويه وطلعنه حتة نروح زينب كالتلي
زينب:رزان امشي خلي نصعد بسيارة زيد
رزان:لااا ولج عيب خاف مايقبل
زينب:لا يقبل امشي
رزان:لا لا ماروح
زينب:وج ثوله امشي هوة كال
رزان:شكال
زينب:استغفرالله شكد تسألين كال اخذي رزان واصعدي بسيارتي
رزان:اوكي ولو مامقتنعه بحجيج احسة جذب بس يلا امشي
ورحنة ووصلنة اجمعنه بلحديقه وصرنة كروبات الولد راحو سويه وعلي اخذ عائلته وراح سويه واني وزينب واجة ويانه زيد وعمار ابن عمي
وخالو اخذ مرتة وهم راحو وبقت ماما وجدو وجدة كاعدين بلحديقه شكد ردت من ماما تجي ويانه كالت ماكدر وماقبلت وضلت
عاد رحنة واني وزينب ماخلينه لعبه تعتب علينه ياهيه نشوفهة نكوللهم هااي اللعبه ونروح عبالك اطفال 😹 وزيد وعمار بس يمشون مايصعدون بشي وشفت سكة الموت كلت الزينب
رزان:زينب بعد هاي اللعبه ماصعدنالهة امشي
زينب:لاا ولج ماصعدهة عاليه تخوف
رزان:امشيي مالي شغله اليوم اله اصعدهة
زينب:ما روحي اصعدي وحدج اني اخاف
رزان:امشيي امشيي واجر بيدهة
زينب:ما
رزان: لعد منو يصعد وياي وباوعت لعمار
وانطيته النضرة. البريئة
عمار:تحلمين ولتباعين ماصعد وياج
رزان:حباااب
زيد(بغيرة):امشيي انيي اصعد ويااج
رزان(ببرائة وفرح):شكررااا ورحنة اني وياه وصعدنه وتحركت اللعبه وكفت حتة تنزل قوي يمةة كلش خفت سديت اعيوني ولزمت ايد زيد قوي وهوة حس عليه خفت واخذني لحضنة شكد عيب ردت اوخر رجعني وشدني عليه حيل وجان تنزل اللعبه يمة حسيت روحي صعدت فوك جلبت بزيد كل قوتي
زيد(بداخله):ادري لو اللعبه هيج اتخليج قريبه علي كليوم اجيبج صدك جذب حتة انبات هنا
(وكفت اللعبه والكل نزل وزيد ورزان اتجهو بتجاه زينب وعمار الي استغلو فرصه غيابهم )
زينب:هاا رزان حلوة خوما خفتي
رزان:هاا لا باوعت الزيد بسلا يفضحني وتروح الهيبة
زيد:اي صدك ابد ماخافت وباوعت لرزان وابتسمتلهة بطرف شفتي
رزان:باوعتله هيج 😒
كلت ....
*****
أنت تقرأ
روايه رزان
Teen Fictionرزان(بخوف):شتريد مني وخر اريد اطلع ورحت للباب اريد افتحة بلحضة ماادري شلون صرت بينه وبين الحايط وادينه محاوطاتني بلزاويه مال باب اباوعله بخوف وهوة يباوعلي بعيونني كلش خفت كمت ادفع بي بس وين اني مثل الدودة وهوة الفيل اضخم مني بقاطات اني كلي اوصل لبط...
