السلام عليكم
#الكاتبة_ايلين_العبيدي
****
رزان : بدت زينب تحجيلي على ابو راس
زينب:تعرفين زيذ شصار بحالة
رزان(بضحكة استهزاء): لا ومااريد اعرف
زينب(بجدية): باعي رزان والله بلبداية جنت زعلانة منة ومن تصرفة بس لو شوفين حاله هسه لج صار سبوع ماشايفينة ماندري وين ينام مايكول والبارحة اجة لج مبين على وجهة التعب والندم كعد وياي البارحة يسال عليج وعلى اخبارج لج حسيت بنبرتة ولمعة عيونة كلهن ندم وهاي من غير الصفنات وصاير عصبي بشكل امة تحجي وياه يرد عليهة بصياح تخيلي
وتعرفين البارحة ليش دكيت عليج بليل
رزان(بتساؤل ): ليش
زينب:لج هوة اجة وكالي دكي عليهة ولادكوليلهة اني يمج بس اريد اسمع صوتهة تخيلي وصلت بي المرحلة يدك بابي عمود اخابرج والله ياارزان اني اشوف هوة متندم بكد شعر راسه وبعدة يحبج
رزان:اجذب عليكم اذا اكول مااهتميت حسيت وجع بكلبي مدري خوف عليه من حجي زينب لو اشتياق لو تعاطف والله مااعرف مشاعري مااعرف شبيهة حسيت كلبي يدك بسرعة ويوجعني خفت عليه اي خفت عليه لايصيرلة شي من وراي بس الموقف بعدة بالي مسح كل المشاعر الي اتجاهة وضلت بس الحقد والكره جاوبت زينب واني اذكر شلون اتهمني
مالي شغلة بي مسحتة من حياتي وكوليلة لايهتم هيج لان مااريدة بعد بحياتي
زينب:طبعاً اعرف هذا الحجي مو من كلبهة وادري بيهة عافت حبهة وذكرت الموقف وعذرتهة لان مو قليل عليهة وحقهة تاخذ وكت يلا تفكر وادري بيهة تحبة ومشتاقتلة بس تكابر
رزان حبيبتي باعي انتي فكري بلموضوع واخذي راحتج بي لاتقررين هيج بسرعة وصدكيني ماتلكين واحد يحبج اكثر منه
رزان:صفنت مااعرفت شجاوب وكتلهة ماشي ورحت للصف دخلت الصف وكعدت عل رحلة واني افكر بكلامهة صح هوة يحبني لو لا خاف اكول سامحتة وهم يرجع يمد ايدة عليهة بس على حجي زينب هوة متندم يجوز ميعيدهة
حسيت بواحد يهز بيدي ويصيح رزان باوعت هاي سفانة
سفانة:لج صار ساعة اصيح عليج تطلعين نفتر برة لو ضلين كاعدة
رزان: هاا اي اي جيت
طلعت وية سفانة بس عقلي مو وياهة افكر بيه واخر شي طردت الافكار من راسي وكلت مو وكت هل افكار وضليت اتمشى وية سفانة ورجعنة للصف وانطاني واجبات الاسبوع الفات وصار وكت الحل والرجوع للبيت داتمشى بلساحة اريد اطلع شفت زينب كل خل امشي وياهة ومشيت وياهة وطلعنة وهية دادور على خطهة واني امشي وياهة عود احميهة وكذا 😹
ودانمشي وجان سيارة وكفت ودك هورن يمكن علينة باوعنة اني وزينب منو هذا هاي سيارة مال جيش بس ممبين منو بيهة لان مضللة وميبين فتح الباب وطلع هذا زيد ضل واكف بمكانة وصافن علية واني هم باوعت عليه صدك من كالت زيد وجهة مبين عليه التعب حسيت كلبي كام يدك سريع بعد مااعرف شسوي باوعت لزينب الي جانت تباوع بوجهي يمكن تريد شوف شنو ردة فعلي همزين انتبهت لنفسي ونزلت راسي سمعت واحد يصيح باسمي بصوت قريب باوعت طلع عباس واكف وراي ويباوع على زيد بعصبية وكالي
أنت تقرأ
روايه رزان
Novela Juvenilرزان(بخوف):شتريد مني وخر اريد اطلع ورحت للباب اريد افتحة بلحضة ماادري شلون صرت بينه وبين الحايط وادينه محاوطاتني بلزاويه مال باب اباوعله بخوف وهوة يباوعلي بعيونني كلش خفت كمت ادفع بي بس وين اني مثل الدودة وهوة الفيل اضخم مني بقاطات اني كلي اوصل لبط...
