روايه رزان

بارت 40

السلام عليكممم

#الكاتبة _ايلين_العبيدي

**^**^**^**

زيد(وهوة يبوس راسهة): عفية ببنيتي الحلوة يلا امشي

رزان: لزمت ايدة وحاوطت خصرة بيدي الثانية حتة اثبته ويستند عليه هو يكدر يمشي بس مو حيل ويحس بالم فشوية شوية وياه واحاول مااوجعه ووصلنة للباب مال استقبال وفتحتة بيدي وفتنة ثنينة طبعاً اني خجلت من قربي منه هلكد كدام اهلي واهلة
مهند شافنة واجة ركض واخذة على كيف وكعدة على الكرويتة وكعد يمة
جدو صاحلي ورحت عليه سلمت عليه وعلى مصطفى وعلى خالو وسوالي مجاال يمة وكعدت وسحبني لحضنة ويسالني  هو ومصطفى شلوني وشلون المدرسة واني اجاوب

زيد(بغيرة): احمم اخخخ

جدو:هاا بوية داتتوجع 

زيد(بتصنع): ايي جدو كلش

ابو زيد: كوم مدد بمكانك موزين الكعدة الطويلة كوم مهند ساعد اخوك

زيد: لاا مهند خليك تعاي رزان

رزان: باوعت عليه مدري ليش حسيتة يجذب باوعت لماما اشرتلي بمعناة روحي كمت عليه وكومتة ورجعت سويتلة نفس الوضعية ومشيتة وطلعنة لستقبال هوة وكف باوعت عليه

زيد(بعصبية): اني شكتلج مو كتلج لاتختلطين بأحد

رزان: بس هذا خالو

زيد: حتلو ماتختلطين  باحد وماتتقربين من واحد غيري هيج
ادري لو علي فاهمة

رزان(بضحك): اي حاضر بابا ادلل  اي امر ثاني

زيد: حضرتج تستهزئين

رزان(بضحك): لاا لااا ابد يلا امشي
اخذتة ورحت طبينة جوة ونام  على الجرباية وعفتة وطلعت رحت على زينب وضليت كاعدة وياهة  وماما دكت عليه بلتلفون بمعنى يلا راح انروح وكمت ودعت زينب ونزلت لكيتهم واكفين بلصالة ودعناهم وطلعنة كلنة وصعدنة بلسيارة ومشينة ووصلنة للبيت   واجت الامتحانات ومتحنت ولحمدلله اسالة سهلة مدري لان قارية احسهة هيج لان كلش تعبت بلقراية واكعد من الصبح واراجع وزيد جان وياي ويكلي لاتلهين نفسج واقري وهوة بدة يتحسن وكملت الامتحانات ورة سبوع هيج انطوونة النتيجة ولحمدلله طلعت ناجحة بدرجات عالية  كلش فرحت واخلي هم كلش فرحو وزينب هم نجحت وبمعدل عالي

ومرت الايام والاسابيع والاشهر  
وزيد لحمدلله رجع مثل قبل
ومصطفى صار عندة ولد وسماه ابراهيم الكل فرح وخاصة خالو ضرغام اول حفيد الة والسبوع اليجي راح يسون حفلة الة وتبعر عن فرحهم هية هم حفلة وهم عزيمة هيج يعني
واحنة اول الناس عزمونة وحضرت ملابسي طبعاً وسألت زينب منو ومنو راح يجي كالت كرايبهم كلهم راح يجون والله الصراحة ضجت لان مااريد اختلط ببعض منهم لان تشوف الحقد بعيونهم واكو لا والله يفوتون للكلب حبابين  فشوية قل حماسي 
سمعت تلفوني يدك شفتة زيد رفعت الخط
هلوو