روايه رزان

بارت 6

السلاام علييكم
طبعااً رمضان كريم وينعاد عليكم بلصحة والسلامة
و
شللونكمم اخبااركم
طلب صغير 🥺
(لاتنسون التصويت 😘😘)
...
..
.
زيد:رجعت من الدوام العصر مالكيت رزان رايحة اوف بهاي جيتهة شعلت بكلبي نار شوك السنوات بعدي عنهة احاول اهديهة احس اريد اشوفهة اريد ابرد كلبي بقربهة مني

رحت سبحت وبدلت ملابسي  وطلعت افتر بلسيارة وافكر بيهة وماحسيت على نفسي اله واني واكف ابابهم  وادك بي شجابني هنا واني شداسوي هسه شكللهم على شنو جاي ولا بوكت عشة والله فشله فتح الباب حيدر سلم عليه ومتفاجئ من جيتي فتت للبيت سلمت على علي وعلى عمتي ومرة علي وكعدت بلصاله وشوية وطلعت رزان من غرفه اعتقد غرفه عمتي سلمت عليهة وكعدنه شويه نسولف واجة العشه والله فشله هوة اكو واحد يجي بهيج وكت كعدنه نتعشه وعيوني لا ارادياً يروحن عليهة يردن يشبعن منهة

حسيت بيهة ارتبكت من نضراتي مع هذا ماكدرت اوخرهن عنهة احب اشوفهة مرتبكة وخجلانة كملنه اكل  وكعدنة على التلفزيون وضلينه نتعلل ونسولف وماحسينة بلوكت باوعت للساعه صايرة ب ١١  ماضل وكت كمت واترخصت ماقبلو  يردون ابات يمهم اتعذرت وطلعت  ورحت للبيت مالنه
واستلمتني امي  وين جنت بهليل وليش متأخر

زيد: يم صديقي .طبعا لو كلتلهة يم بيت عمتي راح ادكول جملتهة الشهيرة

"يمة عوف رزان ماتفيدك اخذ بنت خالتك احسلك حلوة وجبيرة وواعيه وحبابة" 

زيد:يمة عوفيني زواج من بنت اختج ماازووج

امي:تزوجهة وغصباً عليك واله ازوجلكياهة وتشوف شلون راح تحبك وتحافظ عليك اكثر من هل جهال (قصدهة رزان) الطاير وراهة وهيه ممعبرتك

زيد:بلكوة لازم غضبي
يمةة رزان مو جاهل زين لو لا

عفتهة وركض طبيت  للغرفه وسديت الباب لان خااف اضل وماصيطر على غضبي وبدلت ملابسي  وبلكوة نمت وكعدت الصبح رحت للدوام
*****
رزان:استغربت من.راح زيد وماا اخذ زينب لعد ليش اجة وبنفس الوكت فرحت لان راح تبقى

وضلينه اني وزينب سهرانين لل 3 الصبح واحنة كاعدين ودنباوع فلم شبه رعب لان زينب تخاف فمانطلع حيل حيل رعب صراحة اني هم اخاف

وكاعدين نباوع بس اني وياهة بلصالة وشويه ونسمع صوت واحد يمشي اني جمدت بمكاني وسويت نفسي مااسمع وبعدين كالت زينب

زينب بهمس:رزان تسمعين لو لا

رزان:ايي بسلا اجة هذا الي بلفلم

زينب:يمةة اسمعي وصل يمنه

رزان:طبينه جوة البطانيه وحدة حاظنة الثانيه ونرجف من الخوف وسمعنه صوت ضحك وخرنه البطانيه بسرعه ونشوف حيدر لا يلكائنات هسه يفضحنه فضيحة

حيدر:هههههه اخ يمة بطني ههههههه شوف وجوهن يربي هههههاي ادري لو هيج تخافون شنو متوازين تباعون رعب