السلام عليكم
#الكاتبة_ايلين_العبيدي
******
كعدت من النوم ونزلت
ماما: يمة رزان تعاي خل اسولف وياج
رزان: ايي ماما جيت
رحت كعدت كدامهة
ماما: تدرين بزيد كال الاسبوع اليجي العرس مو
رزان: اي ماما ادري
ماما: اي خوش لعد حتى نبدي من هسه نحضرلج يادوب نلحك
رزان : ماشي ماما
وضلت ماما تحجي شنو الي نشتري وشنو نسوي واجت طيبة كعدت ويانة وضلينة نتناقش
وكملنة مناقشة وكمت اسويلي اكل وكعدت اكل وانوب صعدت لكيت زينب دك فتحت الخط
زينب: الفففف مبروووك حبيي
رزان: الله يبارك بيج ليش شكو
زينب: لج شبيج مو راح تعرسين
رزان: هاا ايي ايي منو كالج
زينب: شعليج منو كالي المهم شلونج اخبارج معنويياااتج
رزان: اي لحمدلله لحمدلله
زينب: اممم
رزان: زينب خايفة
زينب: من شنو خايفة
رزان: من امه
زينب: ليش تخافين لا تخافين زيد وياج
رزان: اعرف زيد وياي بس شلون تريديني اروح يمهم وهيه ماطايقتني بعيشه الله وكل ماشوفهة وشوفني تباوعلي بحقد
زينب: لا رزان ماكو هيج شي ولاتفكرين بهيج شي انتي مالج شغلة بيهة عليج بس بزيد وهناك ماما يمج وبابا وضرغام ومهند ومصطفى واحلام وحتى ابراهيم وياهم مالج شغلة بيهة واي شي يضوجج كولي لزيد
رزان: هففف والله ماادري
زينب: رزان والله لا شيلين هم مازال وياج زيد هاهيه
رزان: مااشي هاهيه
وضليت شوية وياهة وماما صاحت عليه وكالت حضري نفسج العصر نروح للسوك
وعاد صار العصر ورحنة واشترينة قسم من الحتياجات وكالت باجر هم
ومر هذا الاسبوع بين التحضيرات واللشتراية تعبت كلش وقلقانة وخايفة حتى كمت مااكل هواي وشهيتي شبه انكطعت وقمر اجت عليه وكالتلي شنو هاي صايرة عود وحتى طيبة وماما همات
وباجر الحنة وكال زيد بليل اجيبلج الفساتين
هوة مشتريهن
وصار الليل ودك التلفون وكالي اطلعيلي اني كاعد جوة
كمت بدلت لبست تراكسود مرتب ومستور وحطيت الشال ونزلت شفت طيبة كاعدة بلصالة ويمهة الفساتين رحت اركض اشوفهن
وحدة لون احمر ووحدة لون ابيض يخبلن كعدت يمهة اكلب بيهن ونسيت زيد
حيدر: لج رزان الرجال ينتضرج بلستقبال كومي
رزان: يااا والله نسيت جيت جيت اكلك منو بلستقبال
أنت تقرأ
روايه رزان
Подростковая литератураرزان(بخوف):شتريد مني وخر اريد اطلع ورحت للباب اريد افتحة بلحضة ماادري شلون صرت بينه وبين الحايط وادينه محاوطاتني بلزاويه مال باب اباوعله بخوف وهوة يباوعلي بعيونني كلش خفت كمت ادفع بي بس وين اني مثل الدودة وهوة الفيل اضخم مني بقاطات اني كلي اوصل لبط...
