Unsent Letters

Dear Amaw

August 15, 2015

DEAR AMAW,

             Kuan kanang nikaon na ka? If wala pa ka nikaon, kaon usa. Pag lung-ag na o. Please lang ayaw gyud kapasmo ha. Kilawon gyud ka nako if ever man gani.

              Ang niagi nga duha ka tuig nga wala ka sa akong kiliran kay makamatay. Exagge kayo no? Lalom kayg bisaya no? hahaha. Gituyo nako na kay kabalo kong di ka layhan ana.

              Ang rason bitaw ngano kong gasulat nimo ani kay mabaw ra kaayo. Ganahan ra gyud bitaw kong makabalo nga gakaon ba ka ug sakto or gainom ba ka ug tubig kanunay. Amaw bya ka kaayo. Di ka mukaon kung feel nimo dayon matulog raka tibuok adlaw kung naa man gani kay chance.

              Nag log in ko balik sa Facebook ug didto nako nakita nga nahimo na diay kang Registered Nurse unya muadto na daw kas Europa next month para matuman imong mga damgo. Finally oy. Sa tanang struggles sa imong kinabuhi, here you are, tasting the sweet success from your labor. Lipay kaayo ko para nimo. Lipay pa sa lipay. Kalipay nga dili matukib ang akong gibati. Sus daan ko pa. Nakaya nimo diba?

               Sa wala nato uy communication for the past 2 years, guba kaayo akong kinabuhi. Daun, kabalo kong dili na ni angay sturyahan pero para nako sakto lang nga nahibalo ka. Na-depressed ko Daun pagbulag nato. Inay pero guol kaayo ko nga murag nahugno ang akong kalibutan anang nawala ka. Anang nawala ang kita. Kabalo kong akoa man sad nga sala kay wala man lang ko nangita ug paagi para mabalik ka nako. Wala man lang ko nangita ug paagi para maayo nato atoang relasyon. Tas nibalhin sad kag school. Gikag Silliman, nibalhin kag USC para lang makalayo nako. Kabalo ba ka unsa to kasakit Daun? Ug karon ko maghuna huna, baling sakita gihapon. Pero dili nako kahinumdom unsa toy rason nganong gabulag ta. Amaw no?

             I sought help from a psychiatrist. Kay kabalo kong dili na nako kaya usara. I tried calling you pero out of reach gyud ka kanunay. Giusob sad nimo imong number after a week. 6 months kong nag undergo ug therapy. Ug karon, I can finally say na okay na ko bsag wala ka. Bsag wala n aka sa akong kinabuhi.

             Gahilak nako gasulat ani pero Daun, single pa ka diba? Pwede manguyab balik? (seryoso ni).

               Pero bitaw kaon ug tarong ha dayon inom gyud ug tubig kanunay.

               PS: Engineer na tuod ko ron. Naa na koy budget para kaon ug fine dining. Kaon ta sometime?

Imoa gihapon,
Nathan