*"نحاول نعيش واقعنا بكل تفصيلة فيهو ونحاول نفرح بأي طريقة لانو الحزن عمرو م كان حل ،العُمر بمر مننا سريع وم بنلاحظ وبنندم في النهاية اننا م عشنا لحظاتو عشان م نجي ف يوم ونقول ي ريت كتير، الحياة حلوة لو فهمناها صح لو قللنا من التفكير في بكرة وفي الح يحصل عندنا الليلة وعندنا واقع لازم نعيشو بالحلو فيهو والمُر.."*💛
اول مكالمة كانت بينا عادية بس أول قعدة م عادية..
مصعب كان دايماً عينو علي والبنات كانو منتبهين كل م اتلفت بلقاهو بعاين لي ..
لم جينا نمشي قال لي ممكن ي مهاد تقعدي دقيقة قلت ليهو عندي محاضرة م بقدر ..مشيت وخليتو وطبعا كلهم هاجو فيني ليه م قعدتي وكنتي تشوفيهو مالو وانا اصلا م عندي محاضرة مشيتهم ساي وم اشتغلت بيهم..
"م كنت عارفة ليه رفضت بس حسيت انو م مفروض أقعد"
كنا عاملين قروب قراية وكل م يقيف علينا حاجة برسل لمصعب بسالو وكدا وهو بحاول يفتح معاي مواضيع وبنتونس وبنضحك يعني..
ف يوم كنا نازلين امتحان مع اني قارية وشرحت للبنات وكلو تمام بس قبل الامتحان حسيت نفسي م قارية اي حاجة ومتوترة شديد اتصلت لمصعب وقلت ليهو تعال هسي،
مصعب جاني طوالي وبقيت بحكي وببكي خلاني هديت واتكلم معاي مسافة وحسيت اني احسن💛وفجأة سكت مسافة وبعديها اتكلم..
_مصعب: انا كل م تتصلي لي بقول خلاص المرة دي بتجي براها م بتجيب العصابة بتاعته دي ،لي فترة عايز اقعد معاك بس خفت تفهميني غلط ..
يوم دخلنا عليكم القاعة اول حاجة شفتها انتي وعيني تاني م شافت حاجة غيرك مع انو البنات كتار كانو وانا بعرف بنات كتار بس م شفت زيك واكيد ح تقولي الولد بحنك فيني وبتاع لكن مع اني م بعرفك كويس لكن ي بت الناس قلبي رادك والله وبقيت بجي الصباح بدري عشان اشوفك مع اني م بصحي بدري ..
انا م عايز أفرض نفسي عليك فخلينا نبقى اصحاب ونعرف بعض اكتر لو سمحتي💙
"مصعب قال لي كدا وجهجهني🙇♀ وافقت انو نبقى اصحاب وبعد سنة ونص اعترف لي بحبو وانا اصلا كنت خلاص حبيتو 💛"
*نرجع..*
"جا مصعب قبل المحاضرة بنص ساعة سلم علينا وقعدنا اتونسنا"
_نادر:اها ي مصعب المشروع ماشي كيف?
_مصعب:والله ياخ واقف راسي شاطب عديل 💔
_نادر: ي زول تعال نقعد قعدة وحدة ونشوف الحاصل..
_سماح:ربنا يوفقكم ياخ💛
مصعب:امييين ياارب..
يلا انا سايق البت دي نشرب لينا قهوة مصدع انا شايفكم شربتو خليتوني😒
_نادر:قومو قومو داير تعمل خيانتنا سبب😂👏
_سماح: موش عليك الله🌝
_نادر: كان تسوقها وتمشو ساي مافي زول كان بسالكم🙂
_أنا: م تعملونا موضوع🙏🏾🙂
_مصعب: هسي لو كان سقتها ساي م كان رضيتو😒
_نادر: اصلا😌ولا شنو ي سماح🌝
_سماح: اكيد😂💔
"قمنا خلينا سماح ونادر يتونسو😂كان باقي نص ساعة للمحاضرة اصلاً"
_أنا: اها الصداع لسه م راح?
_مصعب:لسه والله ،الا بعدين بمشي افحص لأنو طول ياخ ..💔
_أنا :اي عليك شوف دا شنو كمان..
_مصعب:خايفة علي🙈
_أنا: ولا خايفة ولا حاجة واخاف ليه 😒
_مصعب:ي بت عليك خلي جعفر الجواك دا بعدين واتكلمي مع حبيبك بأدب😥
_أنا:مام😏
"ضربني في راسي الكلب😒واصلو م عندو غير الحركة دي😂🚶🏾♀"
