*بدون عنوان..*
اتصلت لوعد ..
_أنا: وعد في شنو بتصل لخالتو ناهد م بترد الحاصل شنو?
_وعد: نحن ف المستشفى مصعب تعبان شديد💔
"من سمعت كدا أعصابي باظت وقمت سريع كلمتهم طلعت معاي هبه وأيمن لاقانا ف الشارع مشى معانا وصلنا المستشفى ،مصعب كان ف العناية بعاين ليهو من بعيد بس عشان ممنوع ندخل ليهو ..
ونحن منتظرين برا الجهاز صفر والدكتارة دخلو عليهو بعد شوية جا الدكتور وقال لينا..
*انا لله وانا إليه راجعون البقاء لله..*
_أنا: "خالتو ناهد وإيناس ووعد وامها بقو بصرخو ونادر دا جرى برا وهو خاتي يدينو ف راسو أحمد قعد ق الأرض وبقى ببكي ..
وطوالي هبه مسكتني وبقيت بضحك بصوت عالي
"ي دكتور بطل هظار ياخ.."
_الدكتور: ي بت هظار شنو استغفري وادعي ليهو مصعب حالتو كانت صعبة💔
_أنا: انت شكلك غلطان ف الإسم مصعب نايم هداك.
"هنا خلاص بقى الكوراك والناس اتلمت وهبه بتصبر فيني وانا بعاين ليهم وبضحك ..
_أنا: دا م مصعب دا م مصعب، مصعب م ح يمشي يخليني مصعب وعدني انو دايما ح يبقي معاي مصعب مستحيل يتخلي عني مصعب بحبني ونحن ح نعمل العقد قريب اصلا اتفقنا اكيد م ح يخلي عقدو مصعب دا م بتعرفوهو زي..
م تكورو عشان احكي ليكم م تكورو مصعب دا م بمشي م بمشي خالتو ناهد م تبكي عليك الله هسي تلقيهو مقلب منو بس مصعب م بخليك تبكي كدا لانو هو قال لي م بستحمل يشوفك تبكي ي خالتو ،هبه مصعب قال لي انو م ح يكون معاي طوالي ولسه عندنا حاجات كتيرة م عملناها يجماعة م تبكو انا م بقدر اكورك ياخ..
"دخلت ليهو العناية.."
مصعب قوم ي مصعب انت م ودعتني وم قلت انك ماشي ح تخليني لمنو قوم ي مصعب انا م بستحمل تعمل فيني كدا💔💔
"جو ساقوني بالغصب طلعوني"
_هبه: مهاد م صاح البتعملي فيهو دا ابكي وادعي ليهو لكن م تعملي ف نفسك كدا..
"انا طوالي وقعت أغمى علي صحيت بعد نص ساعة وكان معاي هبه وأيمن والباقين مشو بيت ناس مصعب💔وكان مركبين لي درب ي داب صحيت بالمصيبة💔فكيتو سريع لم اتفجر فيني ودمي نزل ..
ساقوني البيت ولسه م مستوعبة حاجة جات خالتو ناهد حضنتي قوي وهي بتبكي وبتقول لي مصعب مات ي مهاد مصعب فااات..
حسيت بيها ووعيت انو خلاص مصعب مات💔حسيت انو دموعي كانهم موية نار وقلبي إنقطع وبقيت ببكي بطريقة هستيرية وأمي بتحاول تهديني لكن م عارفاها وم مستوعبة كانت بتقول ف شنو وم كنت حاسة بحاجة ..صحيت كدا ولقيت نفسي تاني ف المستشفى..
"لقيت نادر وفارس جمبي.."
_أنا: ف شنو انا ليه هنا?
_فارس: اغمى عليك تاني وليك يوم كامل نايمة..
_أنا: فارس مصعب م مات صاح دا حلم?
_فارس: مهاد مصعب مات والبتعملي فيهو دا غلط وكلنا بنموت ومافي زول بموت ناقص عمر أدعي ليهو بس..
وانا م قادرة ابكي من الوجع الجواي حاسة انو مافي زول حاسس بي وم كانو عارفين مصعب بالنسبة لي شنو وليه اصلا بقولي لي اهدي أهدا كيف ومصعب مات أهدأ كيف ومصعب مشى وخلاني 💔
