*"دائماً الوجع بكون أخفّ بكتير لم يكونو معاك أصحابك والناس البحبوك وم الوجع بس اي مشكلة بتحصل معانا.. بخففو عليك حملك وبشيلو معاك م بخلوك الا لم تبقى كويس..فاللهم الأبدية لهم💛*
_وعد: تقفل فيني انا?? وتقول لي الكلام الفارغ دا ? والله ي فارس ي اخو مهاد م بخليك😒🔥
_زينب: يقفل في وشك انتي ليه?? شكلو صعب الولد دا..
_وعد : م صعب علي بعرف بجيبو😏
_____
انا وسارة رجعنا البيت ارتحنا وبقينا نتونس شوية ونقرأ شوية..
_أنا: نفسي في بيتزا🤤
_مروة: "جات ناطة من برا"
وأنا كمان ورح نعملها 😭
_سارة: ارح الليلة ح اضوقكم بيتزتي😌🙈
_أنا: شكلنا الم اكلناها الليلة🙂🚶🏾♀🙏
_سارة: والله تاكلي اصابعك وراها قومي😏
قمنا المطبخ وخربانو وقلبناهو مشغلين اغاني شوية نرقص ونضحك ونتهابل سارة ظبطت لينا البيتزا ومروة جابت الببسي وجابت تلج كتييييير🤤وانا برقص ليهم في نص المطبخ😂🙈
ماخدين راحتنا كنا..امي مع ناس عمتي وابوي في الشغل وفارس لسه م رجع🙊عملنا صينتين وقطعناهم وجبنا الببسي وصورتها ورفعتها استوري🙈😂
وبقينا ناكل😂😂اكلنا لم قلنا بس لقينا في باقي في الصينية التانية قلنا نخلي لفارس 🙁
وامي م بتاكلها كتير واصلا ابوي م بحبها🙂
بعد العصر امي جات وقالت عايزة تخت لينا الغدا
_مروة: لالا ي امي م عايزين هسي..
_امي: اجي مالكم..
_أنا: عملنا لينا بيتزا وضربنا ضرب صاح🙊😂😂
_أمي: اي عشان كدا🙂
العصر كدا قلنا ماشين نتمشى طلعنا والجو كان ظااابط وماشين في الشارع ونتعاور ونتصور م خلينا حاجة ونحن راجعين لاقانا فارس جاي..
_فارس: بتتصايعو كدا ماشين وين😒
_أنا: أول حاجة سلم😏وبعدين م بنتصايع قاعدين نتمشى عادي😌ولا عشان طولت م طلعتنا نتمشى😒
_مروة: أرح اعزمنا اسكريم أرح🤤🤤مسكتو من يدو وجرتو😂😂
بقو ماشين مروة وفارس قدامنا وانا وسارة بورا ونضحك عليهم صورتهم كم صورة وهم م منتبهين وطلعو ظابطين😍🙈المهم وصلنا المحل واكلنا اسكريم واتونسنا سارة كان مقعدها جمب فارس وبتنوسو وبضحكو برضو صورتهم كم صورة وديل طلعو أحلى وهم بعاينو لبعض كدا ومبتسمين🙁🙁🙁💛💛💛حاجة كدا رهيبة ..
تمينا اسكريمنا ورجعنا وبالجد كان مشوار رهيب ..
بالليل ونحن قاعدين كلنا بعد ابوي جا..
_فارس: طبعا بكرة عازم أستاذ أحمد واهلو معانا عشاء ان شاءالله..
_أنا: عازمهم هنا?😳
_فارس: اي ي بت هنا يعني وين..
_أبوي: يشرفو والله حبابهم💛
_امي: مرحب بيهم والله..
"انا وسارة بقينا نعاين لبعض 😂😂ومروة دي عيونها قلوب قالت لينا يعني ح الاقي مصعبي🙈"
قرصتها ليك براحة 😏😏لم كوركت..
تمينا ونستنا ودخلنا جوة ..
_سارة: مهاد🙊🙊
_أنا: سارة🙈
_سارة: متخلفة دي😂👋
_أنا: مصعب ح يجينا ..
_سارة: افرحي ساي نسابتك جاينكم😂
_أنا: والله ي سارة حلوين وظريفين بشكل🙁💛
_سارة: ي بختك😉
_____
نادر مشا جاب النتائج بتاعت الفحوصات وفعلا كان لازم يبدأ علاج عشان الحالة م تسوء اكتر وطلع حميد بس اخر مراحلو💔💔💔💔 ولازم تتعمل عملية بعد كم جلسة علاج💔💔
_نادر: ان شاءالله بكرة لازم نبدأ وتمشي جامعتك عادي الليلة خليتك ع راحتك لكن بكرة لازم تمشي وم تيأس من البداية الموضوع دا صعب وعايز معافرة يصحبي م دام م خليت اهلك يكونو معاك خليني انا اضغط عليك بكلو عشان تتقدر ع الجاييك وتستحمل وتسمع الكلام .. وين مصعب القوي البعرفو انا? خاف ع امك دي وعاين ليها لازم تبقي قوي ي مصعب ..
ومهاد كمان م لازم تشوفك ضعيف💔💔
_مصعب: م عارف لكن كلامك اثر فيني وفعلا الموضوع عايز معافرة وان شاءالله اقدر واسمع الكلام..والكاتبو ربنا بيحصل💙
وأنا م ح استسلم واول خطوة عايز اعملها عشان أبدا صاح اني أتقدم لمهاد ..
مهاد لازم تكون معاي ي نادر هي البقوى بيها والله هي البتخلني اتحمل الحاجات الجاية العلي هي الح تمسك يدي وتقول لي م تخاف هي اللي لم اشوفها قدامي م بحس بحاجة تانية هي المسكن حق الألم الأنا فيهو 💙اكيد ح تزعل جدا لم تعرف بس الزعلة ف البداية لكن ح ترجع قوية لم تشوفني بقوى بيها💙🙏🏾..
_نادر: أحسن م عملت والله 💙اي دا مصعب الانا بعرفو يلا ي بطل وريني ح تعمل شنو!!..
_مصعب: بوري ناس امي واحمد هسي وبنتفق ان شاءالله عشان نمشي ليهم في البيت 💙
في كلامهم دا أحمد ناداهو من تحت انو ينزل..
نزلو تحت لقوهم كلهم قاعدين وجات رغد جارية حضنتو😍💛
_ناهد: مالك ي ولد انت عامل كدا وعيونك مورمة زي الم نايم😓
_مصعب: لالا ارهاق القراية ساي ي امي م تشيلي في بالك😉
_أحمد: اها ي مصعب ناس فارس ديل بكرة عازمننا عشاء رايك شنو?
_مصعب: والله😳😳
"مصعب بقا بعاين لنادر وضحكو😂😂"
_أحمد: اي مالكم في شنو??🙂
_مصعب: طيب بم انكم قاعدين هسي ومعزومين بكرا عند ناس فارس انا عايز اقول ليكم حاجة🙊
_ناهد: قول في شنو?
_مصعب: انا عايز أتقدم لي مهاد أخت فارس🙈
_أحمد: لكن ي مصعب أتخرج أول حاجة لسه بدري..
_ناهد: "فكتها زغوردة😍"
هي ي ولدي يوم المنا طوالللي ياخ والبت زاتها حبيتها حلاتها ماشاءالله خلقة وأخلاق😍💛
_اسراء: اي والله البت حلاتها ..
لكن ي مصعب كلام أحمد صاح اتخرج اول حاجة🤷♀
_مصعب:لالا انا شايف انو الوقت مناسب جداً وبم اننا ح نمشي ليهم بكرة نتكلم في الموضوع دا وان شاءالله بعد التخريج بنعقد..
_أحمد: انت شكلك متكتكها في راس من بدري..
وي زول نحن معاك وم عندنا مانع اعمل البريحك💙
خالتو ناهد فكتها زغرودة تاني😂😍فرحانة لولدها💛
______
انا بالليل وانا بعاين للصور الاتصورناها رسلت صور فارس وسارة لفارس🙊💛فارس شاف الصور لم قلبو عمل شح😂صراحة كانو لايقين شديد ع بعض😍💛
فارس بقى ماسك التلفون وكبر الصورة وبعاين ليها بامعان🙈🙈
وهو مقرب التلفون ومركز فجاءة جاهو اتصال اتخلع منو لم وقع من يدو....
يتبع.....
