*"في ابتلاءات بتحصل عشان ربنا يختبر صبرنا وزي م ربنا ببتلئ بلطُف ولطف ربنا كبير💛..نحن لازم نكون قويين عشان نقدر نتحمل وم نضعف لأنو مافي حاجة أسوأ من انك تكون ضعيف💔وكل حاجة قضاء وقدر .💛"*
*الصباح..*
_أحمد: صباح الخير فارس..
_فارس: أهلين أستاذ أحمد صباح النور..كيفك وكيف الوالدة ومصعب?
_أحمد: لالا تمام والله الحمدلله كويسين..طبعاً الناس هنا تشكر فيك شديد ع شغلك وشطارتك..😍
_فارس: الحمدلله ياخ💛
_أحمد: ورغد من الصباح قالت عايزة مهاد لازم تعيدو الزيارة..
_فارس: هههههههه لالا ي أستاذ المرة الجاية عازمنكم نحن ومافي اي عذر..
_أحمد: هههههههه ان شاءالله..
_____
"مرّ اليوم عادي كنا شغالين محاضرة وحدة بس ..قرينا شوية ورجعنا بدري..اتصلت لي مصعب اطمنت عليهو وزكرتو انو لازم يمشي يعمل الصورة ..رجعت البيت لقيت أمي مافي ومروة مع جيرانا طبعاً قعدت ارسم شوية وأسمع في اغاني لحدي م امي جات..
_أنا: وين ي أمي كنتي?
_أمي: مشيت لعمتكم عيانة ..خلي بعدين فارس يمشي يوديكم تشوفوها ..
_أنا: حاضر ي أمي..
_أمي: اكلتي ليك حاجة?
_أنا: لالا م جعانة🌝
_أمي: 😳مالك الليلة مشيتو مطعم ولا شنو😏
_أنا: 😂😂لالا اكلنا بووش🤤🤤
_أمي: ايوااا.. خلاص م دام ماعندك حاجة شيلي هدوم أبوك اكويها ليهو انا تعبانة والله..
_أنا: حاضر 🙂🙂
_____
_مصعب: هو مفروض يكون الموضوع خاص بس لازم اشاركك فرحتي💙
_نادر: فرحني ياللخو🌝🙏🏾
_مصعب: امبارح طلعنا انا ومهاد بدون العصابة😂مع اننا مشينا مطعم ع البحر بس كانت قعدة حلوة شديد 💙
_نادر: مهاد?? بدون العصابة??
_مصعب: اتخيل🙂
_نادر: ان في خلقه شؤون.
_مصعب: ونعم بالله.. انا زاتي م مصدق😂😂عشان كدا انا عايز اعمل خطوة لقدام💙
_نادر: تخطبها?
_مصعب: ان شاءالله لو ربنا سهل💙
_نادر: والله ي معلم انا م اتوقعتك تحبها الحب دا كلو اتخلعت منك ف البداية لكن بديت تثبت لي وليها انو فعلا حبك ليها قوي وماشي يكبر حتي ببرودها الحاصل دا بس انت عارف قلبها وعارف بتفكر كيف ..ف يا صحبي ربنا يسعدكم ويقدركم ع الجاي💙
_مصعب: حتي انا والله حبها كان كل يوم بزيد ختت بصمتها ف قلبي وخلتني م شايف غيرها ابدا ..وامين يارب💙
دا كان حوار نادر ومصعب.. نادر فرح شديد بي ود عمتو وصحبو وبي صحبتو وفردتو💛مصعب كان فرحان وكان عايز زول يشاركو فرحتو 💛
__
_وعد: السلام عليكم أستاذ فارس..
_فارس: وعليكم السلام اتفضلي..
_وعد: انا وعد بت خالة أحمد اتذكرتني??
_فارس: اااي اهلين اتفضلي ممكن اساعدك بشنو?..
_وعد: لالا قلت اسلم عليك وأسألك من مهاد..
_فارس: يسأل منك الخير ..تمام مهاد والله الحمدلله..
_وعد: الله شكلي نسيت تلفوني ف مكان ممكن تلفونك اتصل عليهو??
_فارس:ااي اتفضلي..
"وعد عملتها خطة واتصلت لتلفونها وهو اصلاً في الشنطة ،طلعتو وشكرتو سجلت رقمو .."
_وعد: اسجلك استاذ فارس ولا فارس ساي?🌝
_فارس: "م عرف يرد ليها من خفتها 😒💔قال ليها اي حاجة..
_وعد :خلاص سجلتك فروسي🤤
