*"في مواقف بتحصل لينا البديهي أننا نفكر فيها أول وندرسها تمام حتى بعدين نحكم عليها ..وفي بعض المرات التفكير بزيد الوضع سوء ف كل حالة وليها درجة تفكيرها.. لانو مرات الحظ بكون ضدننا ولازم م نضعف قدام اي حاجة ونثبت لنفسنا اننا بنقدر ع اي حاجة ونتحدى خوفنا..💛"*
"لقيت الساعة 2صباحا صحيت مخلوعة😳
رقم غريب اترددت في البداية لكن تاني رديت.."
_وعد:اهلييين مهاد كيفك انا وعد😏
_أنا:وعد منو ومتصلة هسي ليه??
_وعد :وعد حبيبة وقلب مصعب😏
_أنا: مالك ي وعد عايزة شنو??
_وعد: حبيت أثبت ليك انو مصعب بحبني انا ولاعب بيك أنتي 😏والدليل رسلتو ليك في رسالة😏
_أنا: انتي وحدة مريضة ساي ..مصعب شنو البعاين ليك انتي ..واصلا لو م بت خالتو كان وراكي ليهو😒
_وعد: "ضحكت ضحكة استفزاز وقالت لي.."
شوفي بنفسك بااااي ياا.. ولا مافي داعي😏
"وعد قفلت مني وانا م فاهمة حاجة ..وفعلا لقيتها مرسلة لي صورة هي ومصعب م قدرت اصدق وبقيت قاعدة بفكر وراسي بقى شوية ويطق من التفكير قلقلت وم عرفت اعمل شنو..طوالي اتصلت لي سماح وحكيت ليها.."
_سماح: ي بت وعد دي واحدة تافهه بس عايزة بأي طريقة تبعدك من مصعب عشان يحلا ليها الجو معاو لكن بُعدها ..واصلا كلنا عارفين انو مصعب م بطيق سيرتها خلي يحبها..
_انا: هسي انا اسوي شنو😭😭
_سماح:هسي حاولي نومي وبطلي افكارك دي انتي م واثقة منو ولا شنو?.. والصباح ان شاءالله نلاقى مصعب ونفهم منو..
_انا: حاضر😭😭
"قبل انوم اتصلت لي مصعب لانو م قدرت بس م رد لي💔.."
___
_وعد:والله م ح اخليها تتهني بيهو مع انو اختارها هي بس انا م ح اخليهو ليها مصعب دا لي انا وبس..
_زينب: اصلا دي وحدة مغفلة ساي وم ح نرتاح الا نبعدهم من بعض مهما كان ،ويجيك مصعب زاحف😏
_وعد : انا م عايزاهو زاحف عايزاهو يجي بس💔..
زينب صحبة وعد كانت مسكينة وكانت بتنصح وعد انها توقف الحركات البتعملها بس مع الوقت وعد خلتها تبقى زيها💔 *الصاحب ساحب*
وعد كانت اي حاجة تقع عينها عليها بتكون عايزاها عايزة كل الناس تنتبه ليها ويقولو ليها برافو 👏كانت بتعمل اي حاجة اي حاجة عشان تطلع روحها واو ما كان هاميها زول..
مع انو مصعب ولد خالتها بس لم شافتو بحب قررت تحبو عشان صحباتها قالو ليها انتي ولد خالتك سمح وليه يمشي لمهاد والحركات دي..
قررت انها تخرب عليهم باي طريقة💔
____
*الصباح..*
_أحمد : صباح الخير ي فارس..
_فارس : صباح النوور أستاذ أحمد..
_أحمد: ماشاءالله جايي بدري الليلة ..
_فارس:انا اصلا بحب شغل بدري ولازم اجتهد من البداية😍..
_أحمد: انشاءالله م يكون دا حماس البداية بس وتاني تتاخر وكدا😂..
_فارس: لالا ان شاءالله ي أستاذ ح أكون عند حسن ظنك😊
_أحمد: ان شاءالله اصلا انا متفائل بيك..💛يلا اخليك تشوف شغلك..
_فارس: أتفضل ي أستاذ.. بس سؤال!!
_أحمد: طبعاً اتفضل..
_فارس:عيونك مورمات وشكلك م نايم كويس.. خير!!
_أحمد: ههههههه ظاهر يعني علي ..
والله الوالدة دي امبارح تعبت شوية وكنا في المستشفى عشان كدا امبارح طلعت بدري وم لاقيتك نهاية اليوم..
_فارس:سلامتها اجر وعافية ان شاءالله ..وان شاءالله بقت أحسن?
_أحمد : اي الحمدلله ..تسلم ي فارس😊
