*"لو حصل واتقبلنا الواقع المرير اي كان نوع مرارتو م نعزل نفسنا ولازم نعرف أنو الأيام البتمر عادية دي بتسحب من عمرنا ونحن م حاسين💔..فنحن نحاول بقدر الإمكان م نخلي يوم يمر علينا عادي ونحاول نسعد نفسنا بأي طريقة وم نخلي حاجة تنكد علينا كتير لأنو ممكن بأقل حاجة تكند ع روحك ويومك يبوظ💔 لو م قدرنا نعمل حاجة تكسر الروتين فالذكريات ممكن تساعد..💛"*
_أنا: هييييي مصعب😫😫💔
_سارة: مالو ي بت??
_انا: مفروض الليلة يعمل الصورة لراسو وم اتصلت سالتو..💔
_سارة: خلاص براحة اتصلي ليهو..
"بتصل ليهو وم برد 💔طوالي اتصلت لنادر.."
_نادر: اهلين مهاد..
_أنا: كيفك ..اها مشيتو الدكتور?
_نادر:اي مشينا وقال نضيفة الحمدلله..
_أنا: الحمدلله💛
طيب مصعب معاك? لانو م برد..
_نادر: بكون نام لانو قال لي نعسان..
_أنا: طيب تمام..
_نادر:رد ليها ي مصعب طمنها بس ..
_مصعب: م قادر ياخ م قادر💔💔💔💔💔💔م قادر اتكلم معاها💔💔💔💔
_نادر: خلاص حاول نوم عشان نمشي الصباح المستشفى..
_مصعب: انوم كيف بس💔💔💔
" نادر بات معاهو ومصعب م نام نهائي وقاعد بفكر في انو الممكن يحصل شنو..💔"
____
"فارس بقلب في تلفونو لقى رسائل كتييرة من رقم غريب ..
قرا الرسائل لقاها دي وعد ..
وكل مافيها 'فروسي،وينك،رد لي ياخ، مساء الخير،م تكون نمت..' فارس خت التلفون وقال دي شنو دي ..رد ليها بي 'نعم' بس هي م كانت متصلة وم قرت الرسائل قفل تلفونو ونام..
فجاءة أتذكر سارة قبيل وهي جمبو في العربية وأبتسم😍قال دا شنو دا مالي بفكر فيها حاول يفكر في حاجة تانية عشان ينسى..
____
*الصباح..*
"قمنا الصباح بدري كنا شغالين المحاضرة الأولى ،لقينا ابوي وأمي وفارس صحو جينا شربنا الشاي معاهم.. وصبحنا عليهم أول م جينا فارس شرق بالشاي😂😂💔قلت ليهو عافية عافية 😂💛"
_أبوي: شنو ي سرو طولتي مننا كدا..
_سارة: والله ي عمو كنت بمشي في البيت كتير الفترة الفاتت وم فضيت😅
_امي: خلاص تاني م تطولي مننا ي بتي
_سارة:حاضر ي خالتو..💛
اتونسنا شوية وقمنا عشان م نتاخر ..
كنت مشتاقة شديد لمصعب 😭💛منتظرة متين اصل الجامعة والمحاضرة تخلص عشان الاقيهو..🙈
____
_نادر:مصعب قوم لازم نطلع بدري..
_مصعب: تمام💔
"طلعو ع المستشفى وعملو فحوصاتهم كلهااا وقالو ح تطلع بكره..مصعب م قادر يجي الجامعة ..
نادر وصلو البيت وجا راجع الجامعة..لم جا كان المحاضرة بدت م لحقت سالتو من مصعب..بعد طلعنا وراني انو قال م عندو محاضرة وم عايز يجي💔
انا اتخلعت مصعب م حصل قال كدا حتي لو م عندو محاضرة بجي عشان نقعد سوا💔💔حسيت في حاجة لكن م عرفتها شنو💔..
اتصلت ليهو رد لي في المكالمة التانية..
_مصعب: اهليين..
_أنا: مصعب مالك??
_مصعب: مالي ي بت? مافي حاجة..
_أنا: انا بعرفك كويس وفي حاجة متاكدة قول لي في شنو??ومالو صوتك دا كدا تعبان انت?
_مصعب: ي بت مافي اي حاجة وصاحي من النوم هسي وكسلت اجي الجامعة..
انتي كيفك مشتاقين ياه🤤
_أنا: مصعب انت متاكد مافي حاجة? م تقلقني عليك..
_مصعب: مافي حاجة ي بت بطلي خوف..
_أنا: فاقداك شديد ياخ😭💔💔
_مصعب: وأنا اكتر ي قلبي💙فاقدك شديد💔
يلا عشان صحيت هسي امشي افطر جعاان برجع ليك بعدين حبيبي تمام!..
_أنا:تمام حبيبي خلي بالك من نفسك💛.
_مصعب: وانتي كمان💙
"مصعب خت التلفون وبكى💔💔قلبو واجعو شديد وافكار كتيرة ف راسو م قادر يرتبها وكها افكار م كويسة💔كر يف يقدر انو يكلمني وكيف خاف علي وانو ح يظلمني واني م ح اكون معاهو مصعب بتقوى بي 💔💔
وانا بي جاي اطمنت شوية مع اني م اقتنعت لسه شاكه ..
_____
_فارس: السلام عليكم أستاذ أحمد..
_أحمد: عليكم السلام فارس اتفضل ادخل..
_فارس: جاي أقول ليك بم انو الوالدة بقت احسن الحمدلله ان شاءالله بكرة انت والعائلة الكريمة معزومين عشاء معانا💛
_أحمد: ي زول عشاء عديل كدا.😂
_فارس:ااي عديل وم عايز أعذار لو سمحت..
_أحمد: خلاص ان شاءالله ..بعدين بكلمهم وبديك الرد بكرة..
_فارس: ان شاءالله 😍
"جا فارس راجع مكتبو لقى تلاتة مكالمات من وعد زهج كدا وصر وشو🙂💔شوية كدا واتصلت ليهو تاني قام رد عليها..
_وعد: شنو يعني عامل تقيل?
_فارس: م عامل تقيل بس انا شغال والله ..نعم في حاجة??
_وعد: أنت مالك بتتكلم معاي كدا😒
_فارس : اتكلم معاك كيف ي بت الناس انا بعرفك???
_وعد: مالو تعرفني....
_فارس: انتي عايزة مني شنو طيب?
_وعد: انا م عايزة منك حاجة غير اني اتعرف عليك صراحة معجبة بيك😉
_فارس: والله ي بت الناس انا م فاضي ليك ولتعارفك دا
انا اتكلمت معاك ع اساس عايزة حاجة لكن شكلك كدا حابة تلعبي معاي وانا زول دغري وم بحب اللف والدوران وي ستي لو ح تعملي لي حركاتك دي م تتصلي علي وتمسحي رقمي ي بت الناس انا م ناقصك وم ناقص المياعة حقتك دي ..
فارس طوالي قفل في وشها الخط ..
___
بعد شوية اسراء اتصلت لي وبقينا نتونس مسااافة بعد طلعنا من المحاضرة وبعد شوية عملت مكالمة جماعية دخلت باقي البنات وشي نقطع ونضحك 😂💛
بالجد مافي احلي من صحبة الثانوي الم بتتاثر لو مهما حصل معانا💛
كنت محظوظة بيهم جدا وفرحانة انو علاقتنا م اتهزت ولا ح تتهز💛
وفرحانة اكتر بصحبات الجامعة الاضافو في حياتي علامة حلوة وبقو لي اخوات💛والاصحاب البقو لي اخوان وسند💛
يعني مافي أحلى من كدا صراحة💛
*"يارب م تحرم زول من الاحساس دا🙇♀💛"*
يتبع.......
