*مرات القدر بختنا في مواقف وبختبر صبرنا هل نحن بنقدر نعدي من ازماتنا ولا لا?..ونحن بقدر الإمكان نحاول نصبر ونحمد ربنا ع اي حاجة ومنها نقدر نتجاوز العقبات الفي حياتنا ونتعلم منها..*💛
_أنا: "صراحة اتصدمت وم قدرت استوعب كلامو ،بقى في وشي ابتسامة م مفهومة .."
شنو ي مصعب?
_مصعب: السمعتيهو ي مهاد انا عيان وعندي ورم في الرأس والصداع الكتير دا كان منو..
انا عرفت لم عملت الفصوحات وقلت م ح اوريك واخوفك علي ومافي زول عارف غير نادر لأنو كان معاي ووقف وم خلاني نهائي وانا قلت لم تقيفي معاي وقفتك تكون حقيقية ونكون حقين بعض ومع بعض💙
وم تخافي لأنو في عملية بسيطة ح تتعمل قريب وان شاءالله أبقى كويس ي قلبي💙💙
"انا لسه م مستوعبة وبقيت خاتة يديني ف وشي وبسمع فيهو وحاساهو كأنو خيال خيال..💔💔"
_مصعب: م تسكتي ي مهاد💔اتكلمي معاي..
_أنا: انا عايزة أمشي البيت يلا وصلني..
_مصعب: ي بت نحن بنتفاهم وريني اتكلمي م تسكتي لي كدا بتخوفيني عليك💔💔😔
_أنا: ممكن أمشي براي ع فكرة..
_مصعب: طيب طيب يلا..
"بقينا ساكتين في العربية وم اتكلمنا نهائي بس شغال بعاين لي وانا نهائي م اديتو وشي لانو دموعي كانت مالية وشي، وصلني ورجع ..
دخلت البيت وبقيت بتذكر في الكلام من تاني وبقيت ببكي ببكي بحرقة وبصوت عالي 💔💔م حصل بكيت بالصورة دي قبل كدا جوني جدو وأمي مخلوعين وم عارفني ببكي لشنو.."
_أمي: ي بت مالك المات منو😳😳
_جدو: مهاد ي بت اتكلمي في شنو??💔
_أنا: مصعب ي جدو مصعب😭😭😭😭
_أمي: ي بتي مالو مصعب قولي م هدا وصلك هسي 😳
_أنا: مصعب عندو كانسر ي أمي😭😭😭😭💔
_جدو: لا حولا ولا قوة إلا بالله💔💔
_أمي: أجي😳😳💔
_أنا: عندو ورم في الراس وكان داسي مني وعندو عملية قريب وانا م كنت واقفة معاهو انا م حسيت بيهو انا خليتو يتألم براهو😭😭😭💔أنا ليه كعبة كدا😭💔💔
_أمي: ي بت م انتي قلتي م وراك عشان كدا..
_جدو: ي بتي أي مرض وليهو علاج العملية الهسي دي احتمال كبير تشفيهو ويطلعو الورم وم تخافي ..
وبعدين انتي م كنتي عارفة م تلومي نفسك 💔💔
_أمي: اي لازم تبقي قوية وتقيفي معاهو وم تحسسيهو بحاجة 💔
وبطلي بكى خلاص دا ابتلاء من ربنا لازم يصبر عليهو وتصبري..
_جدو: كلام أمك صاح خلاص كفاية بكى قومي غسلي وشك دا واتوضي وصلي ليك ركعين وادعي ليهو واقري ليك شوية قرآن قومي الله يرضى عليك ي بتي💛💛😔
_أنا: حاضر..
"قمت صليت ودعيت ليهو وقريت قرآن ودموعي بتجي نازلة قدامي ..م قدرت أنوم نهائي وم اتكلمت معاهو لسه وهو شغال بتصل وبرسل💔 دخلت النت وقريت عن المرض وقريت عن العلاج مع انو مرّ علي ف قرايتي بس حاسة نفسي م فاهمة حاجة💔"
_____
_مصعب:ألو ايوا ي دكتور..
_الدكتور: العملية اتحددت خلاص ي مصعب يوم الخميس وانت لازم تجي يوم التلات الصباح هنا تمام??
_مصعب: ي دكتور م قلت لسه بدري شوية💔
_الدكتور: انا قلت ليك كل م اسرعنا بكون أحسن ودا انسب وقت ..
_مصعب: طيب ي دكتور نسبة نجاح العملية كم?
_الدكتور: والله نسبتها كويسة 39%
_مصعب: طيب ي دكتور..💔💔
_الدكتور: والله م تخاف وم تتوتر نهائي هي عملية م ساهلة لأنها في الرأس لكن ان شاءالله تنجح وتبقى كويس..
_مصعب: ان شاءالله ،بتاخد كم من الزمن?
_الدكتور: والله من 5-7 ساعات..
_مصعب: تمام ..
