*"ربنا بعوض وعوض ربنا جميل جدا.. وربنا لو أخد حاجة بديك أضعاف💛"إذا أحبّ عبداً إبتلاه" والرضى أهم شي انك تكون مقتنع بأي حاجة تحصل وتؤمن بانها قدر ونصيب وفترة وح تعدي.. ولازم نكون قدر الإختبارات البتحصل لينا .. ومرات بنضيع ف بنكون محتاجين طوق النجاة محتاجين اليد البتنشلك من الانت فيهو واليد دي م بتجي بالساهل لو اتمدت ليك أمسك فيها قوي.💛✨"*
فارس جا وكان مبسوط..
_أنا: خير مالك?
_فارس: اشترييييت عربية😍😍😍😍
_أنا: شنووو كذاب🙂
_فارس: والله جد😍من قبل اشتغل كنت بجمع ف القروش وهسي الحمدلله قروشي تمت واشتريتها😍
_أنا: مبرووك ياخ😭😭
_فارس: ح اجيبها بكرة وطوالي نمشي بيها مشوار..
_أنا: اكيييد طبعا وتعلمني السواقة كمان🌝
_أنا: عشان تكرهيني ليها زي م بكره أبوي في عربيتو لا طبعا🌝
_أنا: كويس انك عارف انو مكرهها ليهو..
بعد شوية أبوي جا ولقانا انا وفارس ..
_أبوي: كويس انكم قاعدين عايزكم ف موضوع..
أنا: اتفضل..
_أبوي: طبعا ي مهاد زي م عارفة انا م بحب اغصبك ع حاجة وبخليك تعملي البريحك وم بعترض وهسي كلامي الح اقولو ليك دا فكري فيهو أول كويس حتي تردي علي..
_أنا: قول ي أبوي خوفتني..
_أبوي: والله الليلة أيمن جاني ف المكتب وطلب يدك مني لم سمع اننا ح نرحل قال عشان تقعدي معاهم رسمي وانتي مرتو وطبعا ود اخوي وفرحت بيهو بس قلت ليهو الا اسالها هي اول ودي حياتها لازم تقول رايها..
ف ي بتي انا م عايز منك رد هسي فكري كويس وم تربطبي نفسك بالماضي وعيشي حياتك ي مهاد ..
_فارس: والله أيمن راجل ي مهاد م تضيعيهو منك ولو عايزة رايي وافقي وزي م قال أبوي م تربطي نفسك بالماضي..
بقيت م عارفة اقول ليهم شنو ..فجأة بقيت ببكي شديد💔💔أبوي طلع خلاني وفارس بقى بسكت فيني ،سكت نفسي بالعافية عشان اخلي فارس يطلع ..فارس طلع قفلت الغرفة وبقيت ببكي تاني💔💔
بعد مسافة انتبهت لنفسي وبقيت بفكر وبتكلم مع نفسي..
_مهاد وافقي مصعب خلاص ،وبكون زعلان وانتي عاملة كدا..
=مهاد ح تنسي مصعب من أول زول كدا?
_يعني ح تقعدي تعايني لنفسك كدا وانتي بتضيعي?
=بس م ح تقدري تنسي مصعب..
_م ح تقدري تنسي مصعب بس م ح تقعدي كدا كمان.. ايمن بحبك
= بس انتي م بتحبيهو..
_مع الوقت ح تتعودي عليهو..وابوك قال ليك م تربطي نفسك بالماضي
=برضو م ح تنسي..
بقيت خاتة يديني ف راسي وصرخت بصوت عالي من التفكير💔اتوضيت وصليت ونمت..
نمت ع أمل انو ألقى حل
*الصباح..*
صحيت وحاسة نفسي خفيفة نضفت نضافتي..
_هبه: طبعا عارفاني ح اقول ليك شنو..
_أنا: اي عارفة ،وعارفة كمان انو مفروض افكر بس ادوني شوية وقت وم تضغطو علي🙏
_هبه: حاضر م ح نضغط عليك..
بس عايزاك تعرفي انو أيمن باقي عليك وعايزك والله أيمن بقى بحبك شديد والله وم عندو سيرة غيرك💛
_أنا: ان شاءالله ربنا يسهل..
_هبه: يارب💛
