طب عمر خزرني و صاح فوت خويه عبدالله
طب شخص شايل الدوشك مال الجربايه راح عمر ساعده
اني جنت مخليه الديباج علئ الجربايه ركضت شلته من كثر مفرحانه حته نسيت جنت لابسه برموده و قميص نص ردن و شعري لامته بقراصه بس بئهمال خصل واكعه منه شلتهه و اني مو ابالي الولد صافن عليه درت وجهي و اشوفه صافن دنكت بسرعه و رحت كعدت
حطو الدوشك والولد مشال عينه عني بس اني اغلس خلصو و طلعو شمرت
قراصتي و حليت شعري وصحدت علدوشك و هله هله اركص و اغني
جان ادير وجهي 😳 و اشوف الولد صافن نزلت دكت اخذت القراصه من الكاع وكتله اسفه
هوه بتسم وكال احم نسيت سويج السياره وكال لتتئسفين هاذ غلطي اني دخلت بدون ما ادك الباب كتله عادي اجه
يمي خفت وتوترت اجه مد ايده ورايه واخذ السويج علئ الميز مال التوليت
لتفت عليه وكال شعرج حلو كتله شكراً اندار راد يطلع بس مد ايده و اخذ الدنبوس (هاذ اغلئ دنبوس عندي هاذ مره جان عمري 7 سنين و تعرفت علئ بنيه و جانت توامي ضلينه تقريب سنه صديقات و مات ابوهه و امهه تريد تسافر لليمن تعيش يم اخوهه وانطتني هلدنبوس الدنبوس عباره عن فراشه و بيه ثنين زناجيل و اني انطيتهه كلاده علئ شكل فيونكه وتعاهدنه انو نحافض علئ هل هدايه و بوكتهه جنه بلمطار جنت اودعهه )
اخذه كتله لا انطينيا اله هل دنبوس عقد حواجبه و خلا بجيبه راد يطلع ركضت ورا وعيوني كلهه دموع
كتله حباب رجعليا والله هديه غاليه علئ كلبي باوع عليه هيج 😶 و طلع
كعدت بلكاع ابجي لازم يتعكر مزاجي كمت مسحت دموعي وكلت هسه اكول العمر عليه بعدين ترددت ما كتله
رحت كملت تصفيط المكياج والهدوم و خليت الاكسسوارت بلجرار وفرشت الديباج
صاحوني علئ الغده كتلهم ماريد ماشتهي عفتهم وصعدت تذكرت صديقتي
وكمت ابجي اجاني عمري
عمر/ لج ام كصه كومي شبيج جنج مومياء
ورود/ عمر روح مال خلك
عمر/ هاي شبيج ليش تبجين ولج شكو يحجي بخوف
ورود/ ماكو شي روح
عمر/ ماعوفج اشوف شتسوين
ورود/ عمر بس روح عوفني وحدي ماكو شي
عمر/ حبيبتي بس اهدي يعمر اخوج احجي شكو
ورود/ عمر ليش خليت صاحبك يصعد وحده
عمر بخوف و عصبيه / ليش سولج شي بس احجي كافي تبجين
ورود/ لا ما سوه شي بس اخذ شي احبه مني
عمر عقدت حواجبي/ وكلت يعني شنو لج
ورود / اخذ مني دنبوسي ابو الفراشه مال صفا
عمر/ عبابت عبالي شبيج هسه علدنبوس عبالي صاير شي و عافني و كام وهوه يضحك مسحت دموعي
وكمت غسلت وبدلت و طلعت ليكيتهم كاعد ياكلون عصرونه مسوين سياح
كعدت وياهم اكلت وكمنه نضفنه البيت راح يجونه خطار (كملنه وحضرت الضيافه)
صعدت بدلت ونزلت لكيتهم جاين سلمت عليهم عمتي و بناتهه رحت حضرت الضيافه و قدمتهه و كعدت يمهم
عمتي/ يمه فدوه وريده حليانه و كبرانه
ورود/ شكراً عمه عيونج الحلوه ☺️ ❤
عمتي/ حبيبتي ماتقبلين ببراهيم ابني يخبل
جاوبتهه امي
امي/ ههههههه خيه بعدهة وينهة وين الزواج
عمتي / يا صغيره شوفيهة شكبرهة وتخبل ها شكلتي يحلوه
ورود / ههه حبيبتى عمه بعد وكت ما افكر بلزواج اريد امل مدرسه
عمتي/ براحتج بس تتندمين و تخسرينه هوه هم يحبج
ورود/ (حتبه حيه ام سبع روس ) 😁 اترخص
صعدت غرفتي كعدت نص ساعه و متت حر غرفتي مابيهه بس بنكه بعدهم ما رابطين السبلت نزلت سويت عشه
بيت عمتي بعدهم ام لازمتهم علئ العشه سويت مقلوبه وتمن احمر و ماش وزلاطه ولبن وعمر جاب ببسي
وحطيت طرشي فرشت كلنه سوه انصدمت ب....
