Reception ဝန်ထမ်းနဲ့ စကားပြောရင်း ဟွေ့ရင်အချိန်ဖြုန်းမနေတော့ဘူး။
လုရှန်းဖုန်းကို တိုက်ရိုက်ခေါ်ပြီးပဲ စပီကာဖွင့်လိုက်တယ်။
"မင်း ဘယ်မှာလဲ?"
တစ်ဖက်ကနေ စိတ်အလိုမကျတဲ့အသံထွက်လာတယ်။"အာ...ရှင် ကျွန်မကို ဘာပြောလိုက်တယ်ဆိုတာ မေ့သွားလို့။ ထပ်ပြောပြလို့ရလား?"
"ရှောင်ရင်!"
တစ်ဖက်က ဒေါသသံကိုကြားလိုက်ရတော့ ဟွေ့ရင်ရဲ့ ညစ်ကျယ်ကျယ်အပြုံးက ပိုပီပြင်လာတယ်။
"ရှင် ကျွန်မကို ဘာလုပ်စေချင်တယ်ဆိုတာမပြောရင် ကျွန်မက ဘယ်လိုလုပ် နာခံရတော့မှာလဲ?"
သူတို့ပြောနေတာတွေကိုကြားပြီး reception ဝန်ထမ်းက တစ်ကိုယ်လုံး တုန်ရီနေပြီ။
အဲဒီအသံက ... CEO၊ ဥက္ကဌ လု ရဲ့ အသံမဟုတ်လား?
သူမ ဒီကုမ္ပဏီမှာ အလုပ်ဝင်တာ နှစ်ချီနေပေမယ့် သူဌေးရဲ့အသံကို မကြားဖူးဘူး။ သူက သူမနဲ့ အနီးတဝိုက်မှာ ရပ်တာ ခပ်ရှားရှားဆိုတော့ အသံကြားရဖို့ အခွင့်မကြုံခဲ့ဘူး။
စီးပွားရေးနဲ့ဆိုင်တဲ့ အခမ်းအနားတွေကို ရုပ်မြင်သံကြားက ထုတ်လွှင့်တဲ့အခါမျိုးမှသာ သူ့အသံကိုကြားရတာ။ သူ့ရဲ့ ဆွဲဆောင်မှုရှိလှတဲ့ အသံနိမ့်နိမ့်ဟာ သူမကို ရင်တလှပ်လှပ်ခုန်သွားစေတတ်တယ်။
သူပြောနေတာက ကုမ္ပဏီနှစ်ခု အကျိုးတူပူးပေါင်းရေးတွေ၊ သူမ နားမလည်တဲ့ ကွန်ပျူတာဘာသာစကားဆိုင်ရာတွေဆိုပေမယ့် သူ့အသံကို ကြားရရုံနဲ့တင် ဆွဲဆောင်မှုရှိလွန်းလှတယ်။
ဒါပေမယ့် ဒီမိန်းကလေးကတော့ သူဌေးရဲ့ဖုန်းကို တိုက်ရိုက်ခေါ်နေတယ်...
လုပ်ငန်းပါတနာအကြီးစားတွေကိုတောင် သူ့သီးသန့်နံပါတ် ပေးတာမဟုတ်ဘူးလေ!
ဒါတင်မက,ဘူး။ သူဌေးရဲ့အမေ မစ္စလုတောင် သူဌေးဖုန်းကိုင်ဖို့အရေး နေ့တစ်ဝက်နီးပါး စောင့်ရတယ်လို့ သူမ တစ်ဆင့်စကား ကြားဖူးတယ်။
သူ့ရဲ့ ငယ်သူငယ်ချင်းဖြစ်တဲ့ Miss နျန်တောင် တစ်ခါတစ်လေ လျစ်လျူရှုထားခံရတယ်။
YOU ARE READING
Revenge Sevenfold {Unicode} [Myanmar Translation]
Romanceဖတ္ရတာ အလုပ္မရႈပ္ေအာင္ Unicode နဲ႔ Zawgyi ကို တစ္အုပ္စီ ခြဲထားပါတယ္ Zawgyi နဲ႔ ဖတ္ခ်င္ရင္ ဝင္ရွာၾကည့္လိုက္ပါေနာ္ . . . "အားလုံးကိုထားပြီး ထွက်သွားလိုက်ချင်တယ်" တစ်စုံတစ်ရာက လက်ကောက်ဝတ်မှာ ရစ်သိုင်းလာတယ်။ ဟွေ့ရင် အထိတ်တလန့်ငုံ့ကြည့်လိုက်တော့ လုရှန်း...