ဟွေ့ရင်က လှည့်ကြည့်လိုက်တယ်။
လုရှန်းက လက်ထောက်ရန် လက်ထဲက ရေခဲအိတ်ကို ဆွဲယူပြီး သူမဆီ လာနေလေတယ်။
ဟွေ့ရင် စိတ်မရှည်တော့ဘူး။ ဒီအခန်းထဲက ထွက်သွားချင်လှပြီ။ ဒီလူက လွှတ်မပေးနိုင်သေးဘူးလား။
"ဘာမှမဖြစ်ဘူး"
ဟွေ့ရင်က ခပ်ပေါ့ပေါ့ပြောလိုက်တယ်။
"အိမ်ရောက်ရင် ရေခဲကပ်လိုက်မယ်"လုရှန်းက နားမထောင်ဘဲ လက်ကိုဆွဲယူသွားတယ်။ ရေခဲအိတ်ကို ပဝါနဲ့ပတ်လိုက်ပြီး ဒဏ်ဖြစ်သွားတဲ့နေရာမှာ အသာလေးအုံပေးတယ်။
"နာသွားလား?"
"ဘယ်လိုမေးလိုက်တာလဲ"
ခုနက ချိုသာတဲ့အသံနဲ့ ဘာမှမဆိုင်တော့ဘဲ ဟွေ့ရင်အသံက စိတ်အနှောက်အယှက်ဖြစ်တာ သိသာနေတယ်။"နာတာပေါ့!"
သူတို့က ရုံးခန်းအပြင်ဘက်ကို ရောက်နေကြပြီ။ ဒီအဖြစ်အပျက်ကိုမြင်လိုက်တဲ့ ဝန်ထမ်းတွေဟာ သွေးအန်တော့မလိုဖြစ်သွားတယ်။ ဟိုမိန်းကလေး...။ သူက လက်ထောက်ရန်ရဲ့ မိတ်ဆွေမဟုတ်ဘဲ သူဌေးရဲ့မိတ်ဆွေပါလား!
ပြီးတော့လည်း သူဌေးက သူ့လက်မှာ ရေခဲအိတ်ကပ်ပးဖို့ ခ,ယနေရသေးတယ်!
သူဌေးက တကယ် ဂရုစိုက်နေတာပဲ!
Global warming ကတောင် အန်မတုနိုင်တဲ့ ငါတို့ရဲ့ သူဌေး ရေခဲတုံးကြီးက ဒီမိန်းကလေးနဲ့ကျတော့ သိမ်မွေ့နေလိုက်တာ!
မြင်နေရတာတွေက ဟုတ်မှဟုတ်ရဲ့လား?
ဘာတွေဖြစ်ကုန်တာလဲ?
အမျိုးသမီးဝန်ထမ်းတွေအားလုံးဟာ ဂျယ်လီနင်ကုန်ကြတော့တယ်။ သူတို့တွေက နျန်ကျန်းကိုလည်း မနာလိုဖြစ်ကြပါတယ်။ ဒါပေမယ့် နျန်ကျန်းရဲ့ နောက်ခံ ဘယ်လောက်တောင် တောင့်တင်းသလဲဆိုတာ သူတို့အားလုံး သိထားကြတယ်လေ။ သူနဲ့ ယှဥ်ဖို့ တွေးတောင်မတွေးရဲကြဘူး။ ရှုံးမှာ သေချာနေတာကို။
အခု ဘယ်သူမှန်းမသိရတဲ့မိန်းကလေးကျတော့...အခြေအနေက မတူတော့ဘူး။
"ငါ့ကို တစ်ချက်လောက် ရိုက်စမ်းပါ။ ငါ အိပ်မက်မက်နေတာများလား"
"သူဘယ်သူလဲ? သူဘယ်သူလဲ?!"
"ကြီးမြတ်လှတဲ့နဂါးဘုရင်ကြီးက သူ့ကို ဒီလိုတောင် ဂရုစိုက်တယ်ပေါ့..."
"ဒါဆို သူဌေးက ဂေးမဟုတ်ဘူးပေါ့!"
"ဒါပေါ့ဟ! ဂေးမဟုတ်ပါဘူး! ဒီလိုရုပ်ရည်မျိုးနဲ့ဆိုတော့ သူ့ကိုယ်သူ ပြန်ကြိုက်နေတာများလားမသိဘူး"
...
သူတို့ ဦးတည်ပြောနေတဲ့ နှစ်ယောက်ကတော့ ဘေးနားကနေ ကျွတ်စီကျွတ်စီ အတင်းတုပ်နေတာတွေကို အရေးမစိုက်အားဘူး။ လွန်ဆွဲတမ်းကစားနေကြတယ်။
"အဆင်ပြေတယ်လို့ ပြောနေတယ်လေ"
ဟွေ့ရင်က ဘယ်နှကြိမ်မြောက်မှန်း မသိတော့အောင် ပြောရင်း လုရှန်းလက်ကနေ ရုန်းနေတယ်။
"ရေခဲအိတ် ကပ်ပေးရုံပဲမလား? အိမ်ကျမှ ကပ်လိုက်လည်း ရပါတယ်""ငါ့မှာ တာဝန်ရှိတယ်လေ၊ ငြိမ်ငြိမ်နေ"
လုရှန်းကလည်း ဒေါသထွက်စပြုလာတယ်။"ကျွန်မလက်မောင်းက ကျောက်စက်ပန်းဆွဲနဲ့တောင် တူနေပြီ။ လုရှန်း! ရှင် ကျွန်မကို သက်သာအောင်လုပ်ပေးနေတာလား၊ ဖျားအောင် လုပ်နေတာလား?"
"ရေခဲအိတ်လေးကပ်ရုံနဲ့ ဘယ်လိုလုပ် ဖျားမှာလဲ?"
"ဟွေ့ရင်လက်က သက်သာမလာတာကို တွေ့တော့ လုရှန်းက သူမလက်မောင်းကို မြှောက်ကိုင်လိုက်တယ်။
"အပေါ်မြှောက်ထားရမယ် ထင်တယ်"
ဟွေ့ရင် အံကြိတ်လိုက်မိတယ်။
"ဟုတ်ပြီလေ။ ချိုင်းနံ့ရှူပေါ့။ အသက်ရှူကြပ်ပြီး သေသွားလည်း အေးတာပဲ"လုရှန်းမျက်နှာက မည်းသွားတယ်။
သူတို့ကို မသိမသာနားစွင့်နေတဲ့ လက်ထောက်ရန်ကတော့ အတော်လေး အံ့သြသွားတယ်။
မိန်းကလေးဟွေ့နဲ့ သူဌေးလုက ကလေးဆန်ကြတယ်လို့ သူဘာလို့များ မြင်နေမိပါလိမ့်?သူဌေးက ရုံးခန်းထဲမှာ ချန်ထားရစ်ခဲ့တဲ့ နျန်မိန်းကလေးကို ခိုးကြည့်ပြီးတော့ သူ တံတွေးမျိုချမိတယ်။ ကြင်ယာဖက်နောက်ကွယ်မှာ ရည်းစားထားတဲ့ အဖြစ်မျိုးအတွက် သိသာတဲ့ ဥပမာတစ်ခုပဲ...
ချန်ထားခံရတဲ့ 'ကြင်ယာဖက်' ကို ဘယ်လိုဘယ်ပုံ နှစ်သိမ့်ပေးရမယ် မသိတဲ့ လက်ထောက်ရန်တစ်ယောက် ကြမ်းပေါ်က ကျောက်စိမ်းအကွဲစတွေကိုသာ ရှင်းနေလိုက်တော့တယ်။
သူတွေးမိသလိုပဲ...မိန်းမတွေက ထိလွယ်ခိုက်လွယ်လွန်းတယ်!
BINABASA MO ANG
Revenge Sevenfold {Unicode} [Myanmar Translation]
Romanceဖတ္ရတာ အလုပ္မရႈပ္ေအာင္ Unicode နဲ႔ Zawgyi ကို တစ္အုပ္စီ ခြဲထားပါတယ္ Zawgyi နဲ႔ ဖတ္ခ်င္ရင္ ဝင္ရွာၾကည့္လိုက္ပါေနာ္ . . . "အားလုံးကိုထားပြီး ထွက်သွားလိုက်ချင်တယ်" တစ်စုံတစ်ရာက လက်ကောက်ဝတ်မှာ ရစ်သိုင်းလာတယ်။ ဟွေ့ရင် အထိတ်တလန့်ငုံ့ကြည့်လိုက်တော့ လုရှန်း...