လုရှန်းသည် အခန်းတွင်းသို့ဝင်သွားကာ ဝရန်တာဆီသွားသော တံခါးရွက်နှစ်ဖက်ကို တွန်းဖွင့်လိုက်သည်။
ဝရန်တာလက်ရန်းတိုင်များကို ဧဒင်ဥယျာဥ်သဖွယ် ထွင်းထုထားသည်ကိုမြင်သောအခါ သူသဘောကျသွားသည်။
ဒီစံအိမ်ကို သူဝယ်ခဲ့ခြင်းမှာ အခန်းဖွဲ့စည်းပုံ၊ အဆင်အပြင်များကို နှစ်သက်သောကြောင့် ဖြစ်သည်။ သူမအခန်းဝရန်တာမှ ကြည့်လျှင် အိမ်ရှေ့ပေါ်တီကို၊ ရေကူးကန်၊ တန်းနစ်ကွင်းနှင့် မှန်အိမ်အတွင်းမှ အပင်များကို ကောင်းစွာမြင်ရလေသည်။ လုရှန်းအနေနှင့်မူ ထိုနေရာများကို တစ်ခါမှ မရောက်ရသေးပေ။
ပြည်တွင်း၌ရော ပြည်ပ၌ပါ သူပိုင်ဆိုင်သောနေရာ များစွာရှိသည်။ အားလုံးစုံအောင်ပင် သူ မရောက်ဖူးချေ။ ထိုနေရာများကို အနာဂတ်အတွက် ရင်းနှီးမြှုပ်နှံသည့်သဘောနှင့် ဝယ်ခဲ့ခြင်းဖြစ်သည်။ ပြောရလျှင် ငွေကြေးဖောင်းပွမှုကို ကာကွယ်ရန်လည်းဖြစ်ပေသည်။
"တစ်ပတ်ပဲ လိုတော့တယ်"
သူသည် ခပ်တိုးတိုးရေရွတ်ရင်း ပြုံးလိုက်မိသည်။
သူက ကော်ဖီတစ်ငုံ သောက်လိုက်သည်။ သူ့အကြည့်က လက်ရန်းတိုင်များပေါ်တွင် မရှိတော့ဘဲ မျက်စိတစ်ဆုံး ငေးမျှော်နေလေသည်။
မတော်တဆမှုအကြောင်းကို လုရှန်း ကောင်းစွာ မှတ်မိနေသေးသည်။
သတ္တုမီးလောင်သည့် ညှော်နံ့ကိုရော၊ သူ့ကို ဖိထားသည့် လေအိတ်ကြီးကိုရော၊ နောက်ပြီး ပင့်ကူအိမ်သဖွယ် ကွဲအက်နေသော ကားလေကာမှန်ကိုရော သူမှတ်မိနေသေးသည်။ ကားသည် တစ်ပတ်ပြီးတစ်ပတ်လည်ကာ တားမြတ်နယ်နိမိတ်ထဲရောက်မှ ရပ်တန့်သွားခဲ့သည်။ ကားတစ်ပတ်လည်သွားတိုင်း လုံခြုံရေးခါးပတ်က သူ့ကို ဆောင့်ဆွဲထားသကဲ့သို့ ရှိလေသည်။
သူ သတိလစ်သွားပြီး နိုးလာတော့ သူ့ကိုယ်သူ ဘယ်ရောက်နေမှန်း မသိခဲ့ချေ။ ယာဥ်အပျက်အစီးပုံကြားမှ တိုးထွက်ပြီး မိုးရေထဲတွင် ဦးတည်ရာမရှိ အလဲလဲအပြိုပြို လျှောက်သွားနေမိလေသည်။
YOU ARE READING
Revenge Sevenfold {Unicode} [Myanmar Translation]
Romanceဖတ္ရတာ အလုပ္မရႈပ္ေအာင္ Unicode နဲ႔ Zawgyi ကို တစ္အုပ္စီ ခြဲထားပါတယ္ Zawgyi နဲ႔ ဖတ္ခ်င္ရင္ ဝင္ရွာၾကည့္လိုက္ပါေနာ္ . . . "အားလုံးကိုထားပြီး ထွက်သွားလိုက်ချင်တယ်" တစ်စုံတစ်ရာက လက်ကောက်ဝတ်မှာ ရစ်သိုင်းလာတယ်။ ဟွေ့ရင် အထိတ်တလန့်ငုံ့ကြည့်လိုက်တော့ လုရှန်း...