Note - ဒီအပိုင်းမှာ ရှင်းလင်းချက်တွေများသွားပါတယ်။ ကွင်းစကွင်းပိတ်ထဲက စာတွေကို မျက်စိနောက်ရင် ကျော်သာချသွားပါလို့...
Boonie Bears ကြည့်လို့ပြီးသွားတဲ့အထိ အမွှာနှစ်ယောက်က မအိပ်ချင်ကြသေးတော့ ဟွေ့ရင် အတော်လေးအံ့ဩသွားတယ်။
သူတို့ညီအစ်ကိုတွေထဲမှာ ကျန့်ရွှီက အဆိုးဆုံးဆိုပေမယ့် မုန့်လုံးလေးနှစ်လုံးကလည်း သိပ်နောက်ကျကျန်နေတာတော့ မဟုတ်ဘူး။ အမွှာလေးတွေကို ကလေးတစ်ယောက်ရဲ့ မွေးနေ့ပွဲကနေ သွားကြိုဖို့ ကျန့်ရွှီနဲ့အတူ ဟွေ့ရင် လိုက်သွားခဲ့ဖူးတယ်။ ဟိုရောက်တော့ မွေးနေ့ရှင်တွေဘက်က လာတိုင်ကြတယ်။ ကျန့်သခင်လေးနှစ်ယောက်က ကိတ်မုန့်မစားဘဲ အိပ်ပျော်နေကြလို့တဲ့လေ။
ဆိုဖာပေါ်မှာ ထိုင်နေတဲ့နှစ်ယောက်သားကို ဟွေ့ရင် လှည့်ကြည့်လိုက်တယ်။ ဝူကျိလေးက ဇာတ်ကားကြည့်နေစဉ်တစ်လျှောက်လုံး Rubik's cube ကို ဖြေရှင်းနေတယ်။ ရှန်းလေးက ဝက်ဝံညီနောင်ရဲ့ စွန့်စားခန်းတွေကို သဘောကျလို့ လက်ခုပ်လက်ဝါးတီးပြီး ရယ်ရင် သူ့ညီကို လှမ်းလှမ်းကြည့်တတ်သေးတယ်။
"ကဲ...သခင်လေးတို့ မအိပ်ခင် ဘာများလုပ်ချင်ကြပါသေးသလဲ"
ရှစ်နာရီကျော်ကျော်လေးပဲ ရှိသေးလို့ ဟွေ့ရင်က ချိုသာစွာ မေးလိုက်တယ်။
"ကြောင်နဲ့ကြွက်!"
ရှန်းလေးမျက်လုံးက အရောင်တောက်သွားတယ်။
(တကယ်ကြောင်နဲ့ကြွက်တော့ မဟုတ်ပါဘူး။ ကစားပုံက နည်းနည်းဆင်နေလို့။ မူကြိုတွေကစားတဲ့ ကစားနည်းမျိုးပါ။)
ဝူကျိလေးက Rubik's tube ကို လွှင့်ပစ်လိုက်ပြီးတော့
"မဆော့ဘူး"
"ဝူကျိလေး၊ တခြားတစ်ခုခုများ...ဆော့ချင်လို့လား"
ဟွေ့ရင်က စိတ်လှုပ်ရှားနေတာကို ဖုံးကွယ်ပြီး သူ့အကြံကို ထပ်တောင်းကြည့်တယ်။ သူက လေးနှစ်သားလေးပဲလေ။ သူ့အကြိုက်တွေက ဒီလောက်မဆိုးနိုင်ပါဘူး...ဟုတ်တယ်မလား။
YOU ARE READING
Revenge Sevenfold {Unicode} [Myanmar Translation]
Romanceဖတ္ရတာ အလုပ္မရႈပ္ေအာင္ Unicode နဲ႔ Zawgyi ကို တစ္အုပ္စီ ခြဲထားပါတယ္ Zawgyi နဲ႔ ဖတ္ခ်င္ရင္ ဝင္ရွာၾကည့္လိုက္ပါေနာ္ . . . "အားလုံးကိုထားပြီး ထွက်သွားလိုက်ချင်တယ်" တစ်စုံတစ်ရာက လက်ကောက်ဝတ်မှာ ရစ်သိုင်းလာတယ်။ ဟွေ့ရင် အထိတ်တလန့်ငုံ့ကြည့်လိုက်တော့ လုရှန်း...