من احداث واقعيه....
انا نون بنت مجنونه كدا بعيد عنكم لكن م علينا كان عندي عادة لمن اكون زهجانه وما عندي موضوع بمشي طه بعشر لانو بيتنا قريب منها وبشاغل المجانين بالشباك ،ولمن اجي راجعه بسلم على ناس الاستقبال كانو م عملت حاجه😂..بس كنت مستهترة بالحكايه بالرغم من انو عالمهم كان براهم،بشعر بالانتماء لكن اصلو قدر ما اتخيلت...م اتخيلت انو اعز صديقه عندي تبقى من مرضى المستشفى م اتوقعت ابدا في يوم اني حأجي المستشفى عشان اشوف اعز صديقه عندي بالحاله دي،اصلا صحبتي وفاء صحبتي الوحيدة وانا وهي واحد يعني واهلها واهلي بتعارفو نون ووفاء وفاء ونون اي حته اي مكان مع بعض والاتنين مجانين،لكن اصلو م اتوقعت تبقى مجنونه فعلا وترقد في المستشفى ،وفاء كانت بتحب واحد اسمو محمد من هم كم سنه سبحان الله اصلو م كنت بطيقو نوع الولد السمح داك وكل البنات جارين وراهو ،قدر م حزرتها منو م اشتغلت بكلامي ،كان بتحبو حب كدا خورافي ،لحدي م خطبها وكانو ماشين كويس،وبرضو قلبي دا مكان مطمن ،لحدي م امها ضربت لي ومشيت المستشفى وانا مخلوعه وم عارفه الحاصل عليها شنو،ولاقيت امها منهارة واخوها بهدي في خالتو حنان وعمو أحمد خاتي يدو في راسو وبقول حسبي الله ونعم والوكيل،اول م شافتني وجريت عليها حضتني وشغاله تبكي ي نون م شفتي صحبتك الليله قالو لي مجنونه بتي م جنت ،مالا كانت كويسه عين السواد ي بتي ،دا كلو وانا م عارفه كيف دا كلو حصل ،لانوانا كنت مسافرة وفي الفترة دي خالتوحنان لمن اسالها من وفاء بتقول لي حابسه نفسها في غرفتها وم بتتكلم مع زول قلت ياخ بتكون دي الحاله الطبيعيه لمن تتشاكل مع محمد بتعمل كدا ،قلت لمن اجي نشوف الحاصل شنو،...ولي اسي م عارفه الحاصل شنو..لكن اكيد ليه علاقه بمحمد...
#تعديل
....
بعد هدت شويه طبعا ماف طريقه اشوووفها وقلبي مقبوض عليها...برواقه كدا قعدت مع خالتو قلت ليها كدي احكي لي بالتفصيل الحصل شنو...قالت لي والله ي بتي كانت كوويسه بس م بعرف يوم جات من الشغل وسلمت علي زاتو دخلت غرفتها وقفلت الباب...حصلتها مالك في شنو ي وفاء قالت لي ماف حاجه بس صوتها م كويس...قلت اخليها لمن تهدأ وبتجي تحكي لي براها....اليوم داك اظنها طلعت بالليل بس شربت مويه ورجعت تاني..وكل يوم ماشه من سئ لاسؤا الشغل خلتو ...وم بتتكلم معاي ولا مع اخوها والاكل دا ابتو ،وتمسخ في دموعها ،انا قلت بتي دي سحرووها لحدي م اغنى عليها من عدم الاكل جرينا بيها المستشفى ركبوها ليها دربات لكن من فاقت حالتها دي م اتحسنت م بتتكلم معانا ولا بتتجاوب قعدنا كم يوم في المستشفى لحدي م جاتنا دكتورة كدا اتكلمت مع عمك احمد شويه ..وجاء قال لي لازم ننقلها مستشفى للامراض النفسيه لانو حالتها دي اكتئاب م شي ساهل م صدقت بتي خلاص جنت لا لا م بصدق بعد اتكلم معاي كتير برضو م اقتنعت ،لكن اصلو م اتوقعت يكون السبب وفجأه من الحزن بقت غضبانه ...اصلو م اتوقعت يكون دا وود الحرام دا عمل فيها كدا الله يلعنو محل م يقبل اعووذ بالله منو ،حسبي الله عليه قهرني وكسر قلب بتي الله يلعنو ...هي تبكي وانا ابكي معاها ولسه م عارفه برضو عمل شنو بالضبط...قلت ليها ي خالتي الحصل شنو اتشاكل معاها وللا فسخ الخطووبه وللا شنو بالضبط،سكتت مني مساااافه قالت لي ي بتي م منك مدسه ...ود الحرام دا انتهى من بتي وفاء انتهت احيييي ي قلبي عليك ي بتي حرق قلبي الله يحرقه،انا بعد سمعت جملتها دي اصلو بقيت م مركزة وما فاهمه اي شي ،وفاء معقوله وفاء تعمل كدا اصلو م بصدق ...
قعدت على الحاله م متزكرة كم ساعه وخالتو حنان لسه بتبكي وانا م مستوعبه الحكايه دي اصلو ..يادوب بديت اركز لمن كنت بقول ليها انتي م تخليهو وتقول لي م بقدر ي نون م بقدر..يادوب عرفت لمن كان بزلها كانت بتمشي ليهو وترجع ليهو عادي ليه ،لانو وفاء دي ما شاء الله جميله ومربيه والف مين يتمناها، م عرفت ابكي عليها ولا احزن عليها ولا اعمل شنو بالضبط...استأذنت من خالتو ومشيت قلت احسن اجي بكرة وقت الزيارة وافهم الحاصل من الدكتور المتابع حالتها...
ليه ي وفاء ليه ...
....
رجعت البيت وانا حالتي منتهيه وحيلي مهدود امي اتكلمت معاي حكيت ليها بس انها جاتها نفسيات لانو انفصلت عن خطيبها خليتهاتتحسبن مع نفسها ودخلت استحميت وكبيت المويه في راسي لانو الصداع والتفكير مخليني م مركزة.مشيت صليت العشاء وقعدت ادعي انو ربنا يشفيها ويردها لينا بالعافيه والسلامه..
ورقدت في السرير بتزكر في حال الدنيا دا باحصل حاجات اصلو م متوقعينها،اسي مين يصدق انو بنت زي الورد زي وفاء دي تصاب بمرض نفسي وتقعد في المستشفى مع المجانين ،ياهم نفس المجانين اللي انا كنت لجي بشاغلهم تاني حاجي اشاغل صحبتي يعني استغفر الله العظيم وفي الحال دا ببكي لحدي م نمت وصحيت الصباح بعد نضفت وقعدت شويه كدا قلت امشي المستشفى ،اتصلت لخالتو قالت لي قاعدة برا هي ..مشيت عليهم وقعدت اتونس معاها شويه كدا قالت لي عندها مقابله مع الدكتور اسي جوا...بتي م مجنونه ي نون بتي م مجنونه ي ناس...بقيت ماسكاها وببكي معاها وعمي احمد شاغل ليها استهدي بالله ي حنان بتنا كويسه م فيها حاجه خلي الدكتور بس يطلع ويطمنا عليها رد خالد اخوها انا قلت ليكم الزول دا انا م رايدو م تخطبو ليها ولا اي زفت شايفين شايفين كلامي لف وجاء في محلو ...عمي احمد رد ليه دا م وقتو الكلام دا اسي ي خالد خلينا في اختك دي اسي تبقى كويسه وبعداك بنشوووف كل الكلام دا ...
في اثناء كلامنا دا اتفتح الباب ....
...
#يتبع....
ي جماعه كل يوم حانزل حلقتين...
اكتب وانزل ...
ساعدوني ب ال up...
