...بدت تتكلم كدا وبتبكي...وبتعاين علينا واحنا منتظرين تتم كلامها...وتتزكر...تتزكري ي نون وقت كنتي بتقولي لي خليهو وانتي ليه بتذلي نفسك ليهو متزكرة،مسكت يدها شديييد وهزيت ليها راسي.....
قالت لي انا محمد دا كنت بحبو شديييد اكتر من روحي دي وزيادة ولحدي م حددنا عرسنا وين والصاله والبيت بناهو ودا كلو وانا معاه لا يوم شكيت لا يوم فكرت فيه بالغلط ساي مع اني كنت عارفه بعلاقاتو التافهه كلها وقلت م مشكله نزوات وتعدي ،ولانو سكتت وبقت تبكي تاني،لاني سلمت روحي ليه ...وبقت تبكي بهستريا وانا انصدمت م قدرت اتحرك من مكاني بقت مرام بتهدي فيها وبتقول ليها احنا قلنا شنو مش قلنا م حنضعف اهدي اهدي،قالت ليها بحرقه الالم الجواي صعب حد يحسو او يشعرووو انتو ما عارفين هو كان بالنسبه لي شنو...بعد هدت شويه ولسه بتبكي وانا ببكي معاها،قبلت علي قالت لي انا عارفه انك حتقول علي انا بت م كويسه واي شي لكن انتي ما عارفه الحب دا بعمل في الواحد شنو انا وثقت فيهو يومها ،يوم قال لي ارح نشوف العفش الاخترناهو لبيتنا مع اني كنت م مطمنه لكن مشيت وقال لي م تخافي ي ستي نشوف البيت سريع ونرجع ،اول م دخلنا انا بقيت مشغوله بديكور البيت وملخوومه وم لاحظت لنظارتو تجاهي لمن قبلت عليه لقيتو بعاين لي بطريقه غريبه ضحكت وقلت ليه هوووي ارح نطلع بع دا،قال لي وهو مقرب علي لكن م شفنا غرفه النوم ودي اهم حاجه وهو ماسكني من يدي قلت ليه محمد عاين خلينا نطلع غرفه النوم بنشووفها يوم تاني ،بقى جاريني من يدي قال لي م تخافي انا معاكي كدي خلينا نشوفها بس ونطلع ...ساقني شفتها وبعاين كدا فجأه رماني على السرير وقال لي انا بحبك شدييد ي وفاء قلت ليه عارفه ي محمد وعاوزة اقووم امشي اجري اعمل اي حاجه بقى ماسكني مكتفني قال لي انتي خايفه مني ي وفااء معقووله اهدي ما عاوز اعمل ليك حاجه اما وبقى مقرب علي وانا بس خايفه م عارفه اعمل شنو ...لحدي ما حصل اللي حصل...وانا مذهوووله م عارفه اووصف ليك شعوووري وتبكيييي شغال لي م تبكي وانا معاك م بسيبك اي صح غلطنا لكن ما بقصدنا وبهدي فيني وانا ما قادرة كنت اتكلم ،مشى يجيب لي مووويه تلفونو ضرب كان مكتوب لولو فتحت الخط اول م سمعت الصوت م غريب علي قالت ليه الو ي بيبي ان شاء الله انجززت ،هههههه ووريت مرتك بيتنا ...انابقيتبس بعاين وما عارفه ارد اقول شنو ولا اعمل شنو الخط قفل ...جاء اداني المويه شربت منها وم بينت شي كنت عاوزة بتين اطلع من هناك....
طلعنا وماف حد فينا بيتكلم لا انا لا هوو..
وووصلني البيت جريت طوالي على غرفتي وم اتكلمت مع زوول....ضرب لي كتييير م رديت
...بعدها ضربت لي لجين كتير برضو لكن في النهايه رديت عليها ..اول ما سمعت صووتها اتزكرت الصوت القبيل..جاني في التلفون قالت لي شنو ي فوووفو داكلو نووم في بيتك اقصد بيتكم وقت تضحك قلت ليها تقصدي شنوانتي قالت لي وللا شي ي بيبي هههه تصبحي على خير وللا اقوول ليك شووفي الرسايل في الواتس وبعدها نوزمي،..اتخيلي دي لجين صحبتي المعاي في الجامعه لحدي ما خلصنا وانتهينا سوووا ،دايما كنتي بتحزريني منها وم بسمع كلامك ياااريتني سمعت ياااريتني وتبكي،مشيت فتحت الواتس لقيت كميه بتاعت اسكرين شوت وصور ليها مع محمد ...اعوووذ بالله منواعووووذ بالله منو اخر وحدة كانب ليهاماشي اوري مرتي بيتها وباقي الكلام محذووف م اهتميت بي دا...ويادووب بديت اربط الكلام في راسي انو هو متفق معاها وانو وانو ودا كلو كذب وخداع انا عايشاهو العمر دا كلو اصلو ما بصدق ي نون م بصدق محمد يعمل فيني كدا...اتصلت عليه وقلتليه تاني ما عاوزة اشووووف وشك ي واطي ي تافه انت وقت م راجل بتجري ورا بنات الناس ليه عشان تخربهم قدامك الحثاله الزيك كتير ومستواك المعفن امشي حسسبي الله عليك حسبي الله عليك ربي ينتقم منك وقفل الخط حتى قبل م يقول كلمه ...وحظرت رقموووو ...وكسرت التلفون كلو...وبقيت بس حابسه نفسي لا عارفه ابكي على نفسي الضاعت ولا حبي ليه ولا على شنو وللا شنو ي نون انا ضعت خلاااااص اناعملت شنو في دنيتي عشان يحصل لي كدا...وقدر ما حاولت م قدرت اصدق ما قادره اصدق الحصل لي ي نووون اااااااه ي نوووون اااااه وبقت تصررخ شدييييييد لحدي م مرام مسكتها وجريت ناديت الممرضين جو ادوها حقنه مهدئه وسبتها وطلعت والدموع في عيوووني وما قادرةاقول شي ومعاي مرام بتهدي فيني...
لحدي م هديت شويه وبقيت ما عارفه احكي شنو وللا اقول لخالتو حنان شنو انا اليوم مخصوووص م خليتهاتجي عشان وفاء تعرف تحكي.....وياريتني م عرفت ياريتني يحليك ي صحبتي ياااما حززرتك منو ومنها التافه الواطي الحقييير اتفو عليه...مرام بقت تهدي فيني قالت لي اهدي ي نون خلينا نفهم الموضوع شكلو فيهو ان ولجين دي اكيدكان ما كذابه اكيد عندها غرض تاني ....اسي انتي لمن تمشي م تقول القصه دي قولي بس شكت فيهو وكدا واتشاكلو وفسخت الخطووله عشان كدا بس تمام...تمام....
رجعت البيت وانا بالجد ما عارفه حاقول شنو....لمن وصلت ناس خالتو حاولت بقدر الامكان م ابين شي حكيت ليهم الحا صل وطمنتهم شوويه وطلعت...
ورجعت بيتنا وشغاله افكر وافكر فعلا كلام مرام صااح لازم اقابل محمد دا وافهم منو الحاصل بالضبط لازم...اتصلت عليه ورديت بكل بروود وفهمتو اني لازم اقابلو واعرف منو الحصل بالتفصيل...اعووذ بالله منو...
استغفر الله...لحدي تاني يووم مشيت قابلتو قبل م امشي المستشفى وكلمت مرام بي كدا...
وهناك عرفت الحصل فعلا شنو...
#يتبع
