تاني يوم في المستشفى ...ما لقيت مرام برضو قلت م اتصل احسن استنى..قعدت مع وفاء شويه ومشيت لدكتور انس حكيت ليه كل الحصل ،قال لي حتى الان ممكن اقول ليك احنا ماشين كويس واتضحت الحكايه،وفاء جاهزة حاليا انو نتكلم معاها،قلت ليه طيب م حنستنى دكتورة مرام،قال لي لا ،استغربت من كلامو لكن مشيت .دخلنا اتونسنا معاا شويه ،واثناء م بنتكلم دكتور انس غمر لي نظام قولي،قلت ليه طبعا ي دكتور انس امبارح لاقيت محمد وسكت وفاء انتبهت لينا بكل حواسها،انس هز لي راسو ،قمت قلت محمد صحبي الحكيت ليك عنو ،حتى وفاء قبلت مننا زي الكان عاوزانا نجيب سيرتو ومنتظرة زول يتكلم عنو،دكتور مشي قعد جمبها قال لي وفاء احنا عارفنك اكتر من نفسك،انتي لسه بتحبي محمد دا ولا كرهتيهو ولا شي ونفسك تشوفيه ولا تسمعي صوتو ،ردت لكن هو،قال ليها لا لكن ولا شي ،كدي ي ستي اسمعيني اول عاوزين نحكي ليك شنو،قعدت احكي ليها ولحدي م انتهيت هي بتبكي،قال ليها شفتي انتي كنت ظالماهو ساكت ونفسنتي فينا ساي ي شيخه انتي كويسه وما فيك حاجه بتستهبلي علينا،قعدت تضحك،طيب ي ستي عندي ليك مفاجأه،قالت ليه شنووو😍..قال ليها عندي ليك عريس 😂😂..قالت ليه يا شيخ ما عاوزة،قال ليهااصبري بس انتي شوفيهو الاول،ضرب تلفون ،وجاء زول داخل ...كلنا انتبهنا...جات د.مرام ومعاها محمد وفاء بقت ماسكه يدي شديد وانس بقى بهدي فيها ،قال ليها عجبتك المفاجأه ،سكتت م ردت لحدي م جو سلمو علينا ومحمد مسك يد وفاء وباس يدها وقال ليها سامحيني ي وفاء انا غلطان عليكي انا ،انا م ممكن استغنى عنك ابدا ،انا ما عارف اعيش من غيرك صدقيني ي وفاء ،وخلاص الدموع في عيونو،ووفاء بتبكي ...دكتور انس قال لينا براحه خلوهم براحتهم،عاوزين نمشي كدا وفاء بقت بتعاين لينا نظام م تخلوني براي د.انس ابتسم ليها نظام مافي حاجه وقال ليها اسمعيهو،طلعنا خليناهم بتكلمو ،قلت ل مرام من امبارح منتظراك وين رحتي،قالت لي لا لا بس كنت تعبانه شويه،قلت ليها سلامتك وكان شكلها اصلو ما مطمن،قالت لي انس حكى لي اي حاجه واتفقنا انو نجيب محمد احسن ،وبعد كدا خلاص الموضوع اتحل وفاء بقت كويسه ،طرت من الفرح قلت ليها خلااص يعني فووفو حبيبتي رجعت لي ،قالو لي لي واحسن من أول،جريت ضربت لخالتو حنان وماما،شوويه وجو جارين من الفرح خالو حنان بتزغرد من الباب هههه ومعاها خالد وامي ...فضحونا يااخ...بعد المباركات وكدا قعدنا شويه دكتور انس كان دخل جوا مع ناس وفاء وأثناء ما بعرف د.مرام بي ناس امي وبنتونس دكتور انس ومحمد جو طالعين ،خالتو بقت تكورك الحيوان دا شنو الجابو هنا ،بقينا نهدي فيها وخالد دا الا ماسكو انس ..يا جماعه دا سوء تفاهم الحصل دا ،اسكت ي حيوان اطلع من هنا جاي تعمل شنو تاني م كفايه العملتو فيها،خالد بقى ماسكو من قميصو اسمع هنااحسن تطلع قبل ماانتهي من أمرك واختى تاني م تفكر فيها سامع وللا لأ ولزاهو ،محمد طلع وهو ما قادر يتكلم ولا يقول حاجه ومشى....بعد هدو شويه،قلت ليها ي خالتو انتو فاهمين الموضووع غلط...ولو بقى اخر راجل في الدنيا دي م بعرس بتي وانا حيه كدا....وبقينا من انو وفاء بقت كويسه في هم تاني كيف نقنع الجماعه ديل......لحدي ما مرام اتكلمت ...#يتبع
