دا كلو وانا قلبي. دا واجعني شديد وما عارفه انا حاسه بشنو بالضبط ...اتصلت علي وليد وانا ببكي خالاني خلصت بكاي كلو...قال لي خلصتي بكا خلاص صاح قلت ليه اممم. قاللي يلا اسمعيني برواقه كدا ،اول شي خليتك تبكي عشان تقدري تتطلعي وذهن يصفى وتقدري تفكري كويس،اول حاجه كلامي الانا قلتو ليك قبيل باقي عليهو انتي صحبتي وحتظلي غاليه وقريبه مني،تاني حاجه ي ستي الحاجه دي قبيل حصلت عشان اعرف حقيقه شعوري تجاهك لاني اعجابي الشديد بيكي خلاني ما اعرف افرق بين الاعجاب والحب وكنت حأظلمك واظلم نفسي معاك،فعشان كدا ي ستي احنا كويسين وبرضو ماحأتخلي عنك لانو زيي ما قلت ليك انك غيرتي حياتي،وانا حأسعى اني اصلح ليك حياتك برضو وترجعي احسن من اول،..قلت ليه وانا صوتي مبحوح ما اظن وتاني قعدت ابكي،قال لي دقيقه دقيقه اول حاجه ضيعتك في حياتك دي غير سوء الظن ،ظنيتي انو اهلك م بحبوك،انو الولد داك بحبك،انك م حتتغيري،انك البتعملي فيهو دا هو الصح،شفتي كيف ظنك ضيعك،المهم خلينا من الضعف والكآبه ديل ما بشبهونا ي ستي انا حلوين وكسارين هههه مش كدا قعدت اضحك من قلبي علي. براءه الزول دا،ايوا كدا اضحكي يااخ ،هي الدنيا دي فيها شنو ،كلهاكم يوم ونكون قدام الحساب والدار الاخره،قلت ليه فعلا،قال لي عارفه الفاصلك عن دا كلو شنو،قال لي التووبه التوبه ي مرام ،انتي قايله الحصل ليك.دا كلو حصل ساي،لا طبعا لا ربنا بريدك ي مرام لو ما كدا ما بنتظرك الزمن دا كلو عشان ترجعي ليهو،هو منتظر توبتك عشان يرضي عنك ويريحك من كل الالم دا،فا انا عاوزك تعاهدي نفسك علي التوبه وتقومي اسي تتوضي تصلي،عارف انو حيكون صعب عليك في البدايه لكن لازم تخطي الخطوه دي لانها البدايه الصاح،ماشي..قلت ليه حاضر...ادعي لي معاك قالي لي ما ناسيك ولا انتي كمان ،قلت ليه ياريت،قال لي خلي بالك.من نفسك واعرفي انو انا معاك...قلت ليه ربنا يخليك ي وليد وما يحرمني منك ،قال لي امين ي رب جمعا....وقفل علي كدا ...مشيت اتوضأ وانا جواي رهبه وخوف عظيم وافكار متضاربه هل ربنا حيغفر لي انا كيف عمل الذنوب دي وانا وانا حائره ،اتوضيت واول ما وقفت عشان اصلي سجدت وانا ببكي ببكي بألم بحرقه بوجع بتعب ياا الله ريحني ياااا ريحتي يااا ريحتي اغفر لي يا الله ي تواب ي رحيم،اناببكي وببكي وم متزكره دعيت بشنو وللا خليت شنو ولاكنت بقول في شنو،كل اللي عارفاه اني كنت اي شي حاسه بيه واي حاجه في قلبي،لحدي م نمت،وصحيت علي صوت اذان الفجر استغفرت وصليت وقريت قرءان ،لاول مره احس اني معتدله،او تقريبا ما زهجانه ،...طلعت وصبحت عليهم ومزمل وصلني الجامعه وكنا بنتونس في الطريق حسيت قدر شنو اني حقيره ما يستاهلو اعمل فيهم كدا ،لمن وصلت. الجامعه اول زول لاقيتو وليد كان مبتسم وكانو فرحان بي،من يومهاوهو معاي ما بخليني اقعد مع شلتي ولا بخلي ولد يقرب علي نهائي معاي من الصباح لحدي ما ارجع البيت ...لكن برضو م كنت حاسه بالرضاا ابدا ومتألمه شديد وما عاوزه اعيش ابدا...لحدي ما في يوم مزمل جا وقال لي اجهزي انا طالع افسحك قبل ما اسافر ،قدرماحاولت اقنعو اني ماعاوزه امرق رفض ،وقال الا نطلع لانوحاسي انو نفسيتي م تمام ،وين انت من زمان نفسيتي دي انتو السبب فيها،..المهم لبست وطلعت معاهو،وطول السكه انا قلبي مقبوض وم مرتاحه للمشوار دا نهائي ....مشينا مطعم ،وهناك ....قاعدين وكان معاه شله من الاولاد ،اصحاب مزمل منهم واحد بعرفني وطلعت معاه قبل كدا،وهو ما عارفني اخت مزمل،اول ما شفتو دعيت ربنا انو م يفتم خشمو دا وللا يقول حاجه ،لكن ربنا اراد غير كدا ،..ّّواقفه ما عارفه امشي وللا ارجع جاني الولد ومزمل مشى يجيب حاجه من العربيه،وقال لي اسبقيني ...وجا ومسكني من يدي وبقي يتلفظ وانتي وانتي وصفتك وفعلتك.وتركتك ،والجابك هنا شنو،مزمل سمع الكلام وجاء من هناك وبقى يضرب فيهو وانا ببكي ما عارفه البحصل دا كلو شنو ،خلينا الولد سايح في دمو وباقي مزمل ضربوضرب شديد وبهدد فيهو اووعك تجيب سيرت اختي بكلام زي دا عشان ما اقتلك فااهم فااهم قام وضربو شلوت اصحاب مزمل جو جارين وما عارفين الحصل شنو،ولا وقف اي زول بجي جمبو بضربو عشان كدا خلوهو وبقو مع الواقع دا واناجراني من يدي ودخلني العربيه وبقي سايق بصوره خياليه،لحدي م وصلنا البيت،دخلني بشلوت وجراني بالواطه لحدي جوا وانا بس بصرخ ،امي جات جاريه في شنو مالكم في شنو ي مزمل،زحي مني ي. امي زحي خليني اكتلها ،انا اختي انا ي حيوانه ي تافهه. اتفوو عليك م.تستاهلي تعبتا فيك ،ويشيل ويكفت ،انا اختي يقولو لي اختك لافه ،ااا ااا يقولو لي جيب رقمها ،بت ي اني لافه صايعه بالشوارع ،امي بس قعدت وتبكي ما قادره تقول شي ،ومزمل لسه شغال يضرب فيني ،استسلمت للضرب دا لانوعاوزه اموووت ارتاااح،ضربني لحدي م وقع في الواطه قلت ليه ووشي كلو ورمان ومنتهي،اضربني كمان اضربني،ماانتو السبب انتووو انتو الكرهتووني حياتي كرهتووني نفسي من صغيره بتضربووني انت قايل الضرب بربي. زول وللا بريح ززووول ي الخايف علي بخووفك ضيعتني الاخو م بس بيشخط. وللا فاكر انك بس خلاص كدا بتوريني الصاح وللا الغلط،ولا تكون فاكر انو لمن ترسل لي قروووش. بتقضي حوجتي ليك ههههه لا لا ههه لا انامااا عاوزه قروووش اناعاوزاكم انتو عاوزه عواطف باقدر تشتريها لي ومديت ليهو يدي قلت ليك عاوزه عواطف اديني ليها انا كنت خايف عليك ي اختي ،سامحيني ي مرام ، زح مني. وامي بس بتبكي وما قادره تتكلم،ابووي مات خلاني ليكم وما حفظتو الامانه ،ماحفظتووها،وبقيتب صررخ بهستريا وابكي واضحك وهم بس ببكو ،ابكو ابكو اي ماانا ياااما بكيت منو المسح لي دمعتي منو الحس بي منو العطف علي حسسسبي الله عليم حسبي الله عليكم انا بكررهكمم تقربو مني انا بكرهكم،وجريييت بفتش لي علي سم اي مصيبه كنت عاوزه ارتاح عاوزه امشي من الدنيا دي وما عاوزه اعيش ما عاوزه...مامني لازمه خلاص،دلعت كورس كامل بتاع حبووب ما عمللي شي شربت صابون،ووقعت...ما.وعيت بشي بعدها بس متزكره رهاب رهاب وجمبي ناس كتار ،...لمن فتحت عيوني مره تانيه لقيت مزمل قاعد جمبي وماسك يدي ومدنقر،وامي قاعدت بتقرا قرءان حاولت ازح لي مزمل انتبه لحركتي وعاين لي ،وهو كلوحسره علي حالي الوصلت ليهو ،شفتو هو وامي والدموع في عيونهم،رجعت نمت تاني،ولمن صحيت تاني مره بصوت ناس لقيت ديل وليد ومزمل بتكلمو،اول ن لاحظو لي جو علي وليد بتكلم بابتسامه خوفتينا عليك ي شيخه كل دا نووم معقووله بس لينا تلاته يوم معاك نحنا،ابتسمت بس وم رديت،جاء الدكتور كشف علي وطمنهم علي حالتي،تاني يوم طلعنا ،من المستشفي،علي البيت،دخلنا كدا،م قعدت زاتو مزمل بقي بكوورك عاوزه تنهي حياتك صح عاوزه تموتي كافره،اااه واداني كف امي جات جاريه مسكتو زحتو مني وحضنتي عليها قالت ليهو لو قربت عليها تاني اناما عافيه ليك،..قال ليها لكن ي أمي اسسس ولا كلمه تانيه،...قوومي ي بتي ادخلي ارتاحي،قلت ليها ودي كان اول كلمه اقولها من فتحت،..عاينت ليها وقلت ليها حارتاح ي امي حارتاح واريحكم...خليتهم بتكلمو...والمره دي شلت سكين وقلت اكيد م حتخيب ...اخيرا حامووووت وارتاااح...وبضحك ومبسووطه ،قطعت شرياني،شايفه مزمل جاي مهجوون.وببكي ي مراام م.تخلييينيم تخليييني ي مرام ليه عملتي في نفسك كدا،وامي ...دي كان اخر حاجه متزكراها...هم فعلا حصلووني ونجوت من الانتحارّ..لكن المره دي لمن فقت ،بحاجه تانيه.....كنت فاقده الامل في الحياه دي كنت لا بتكلم لا بحس ولا اي رد فعل ،بس صامته...طلعت من المستشفي لمستشفى المجانين...وهناك كان معاي امي ومزمل ووليد.....مزمل سافرللشغل وخلاني في رعايه وليد...كنت ما بتجاوب للعلاج وطول الوقت ساكته...لحدي ما في يوم ...جاء زول لا يمكن اتوقعو#يتبع
