ّ...ّلحدي ما في يوم جا داخل وليد ومعاهو دكتور كدا حلااتو اظنو صحبو،وليد قال لي دا أنس صحبي ي مرام،ما رديت عليهو،وليد طلع وخلاني مع الدكتور،...بعد عاين لي مسافه حتي بدا يتكلم،ق قال لي انا عارف طبعا حالتك وكل اللي مريتي بيه،وعارف كمان انك رافضه تتكلمي ،وعارف كمان انك رافضه الحياه،لكن حابب اقول ليك حاجه،اسي دي لو عاوزه تنهي حياتك انامستعد اخليك تنهيها في اللحظه دي انا انتبهت عليه،وقلت ليهو بالجد،ابتسم لانو عرف يخليني اتكلم واتفاعل معاه،قال لي لكن بشرط،سكت وخلاني انتبه معاه، قال لي بشرط انك تديني سبب مقنع. يخليك تنهي حياتك،وعاوز اقول ليك حاجه كمان،انك اذا قتلتي نفسك ما ماشه تصنعي تغيير في العالم دا ولاحتضري زول بحاجه ،بس حتضري نفسك وبدل ربنا يرضى عنك وتدخلي في رحمتو ،حتموتي وانتي كافره وفاقده فرصتك في الغفران ،لانك ما آمنتي برحمه ربنا ولا بغفرانو ليك،ولا حتى صبرتي علي الابتلاء الانتي فيهو دا ،بالجد بعدكلامي دا لو لقيتي سبب مقنع تنهي بيهوحياتك وريني عشان انا زاتي انتحرمعاك،...سكت ساي وهو مشى خلاني....بفكر مع نفسي وقدر مافتشت لي سبب مقنع انتحر بيهو م لقيت.....ّتاني يوم جاني بابتسامتوالجميله...وصبح علي.ّوبقي يتكلم..قال لي اليوم.اكيد م لقيتي سبب مقنع صاح...ما رديت عليهوّ.ّقال لي طيب ي ستي،انا حابب احكي ليك قصتي احتمال تستفيدي منها او حاجه المهم انتي ما وراك حاجه صاح ،...قال لي دا سر بيني وبينك.تمام...يلا ي ستي انا زاتي في يوم كنت مريض نفسي ،عاينت ليهو،قال لي اي والله،م تتخلعي وتقولي الزول دا دكتور كيف طيب،قال لي انا في يوم كنت شاب تافه. هدف. في الحيااه دي ،وكان يادوب متخرج من. كليه الهندسه الكهربيه،اي اي كنت مهندس،بقيت دكتور كيف ما عارف،المهم كانت. شاب صايع وجاري ورا البنات ماخليت لي بت في حالها. غشيت كترت. بنات في الدنيا دي ولا كان بهمني،لكن ماكنت عارف الجزاء حيكون دنيوي قبل الاخره، كنت بحب بنت وحده بس وحبيتها حب حقيقي واتمنيها بالجد تكون لي ،كنت زيي الخاتم بصباعها،واي شي عاوزاه بعملو ليها،هههه كنت. اهبل خلاص،لحدي نا اكتشفت انهاكانت بتلعب بي وماشه مع اعز صاحب لي اتخيلي الطعنه جاتنيمن اقرب اتنين لي ،واناكنت قايلاه الشريفه العفيفه طلعت اسوأ من السوء وكانت عاوزاني انا استرها،هههه سبحان الله،انا لمن عرفت كل الحقائق دي كلها مرره وحده دفعه وحده ،مااستوعبها ،ولا قدرت اتحملها ،فا تلقائيا الحاله الدخلت فيها دي خلتني افتش لحاجه انتهي بيهامن العذاب دا لاني ما قادر اتحمل ولا استوعب اي شي ،ليه حصل لي كدا،وفعلاحاولت الانتحار ههه لكن حصلوني،وبعدها خضعت للعلاج لمده اربعه شهوور،وخلال الفتره دي عرفت كميه الاخطاء والذنوب الانا وقعت فيها وكميه البنات الانا افسدتهم ودمرت حياتهم لازم دا يكون جزائي،حتي يادوب اقتنعت،وطلبت العفو من اي بت عرفتها ،....واتعالجت الحمدلله وبعدها قررت اني ابقى طبيب نفسي،صراحه عجبتني الفكره عليك الله شكلي ماحلو ،هههه وغمز لي وانا بقيت بضحك في الزول دا معقوله كل الحصل ليهو دا وهو سعيد كدا،هههه....بقي كل مره بجي يتونس معاي واحيانا بجي معاهو وليد،...شويه شويه بديت اتجاوب للعلاج واحكي واتصالح مع نفسي،وساعدوني كتير لغايه ماتعافيت،وتبت عن كل الحاجات العملتها دي،وطلعت من المستشفي،وكان وقتها الامتحانات شلتها بدايل عشان م كنت حاقدر اقرا،...مزمل كان كل مره بتصل يسأل من احوالي،وفي كل مره بقول لي اعفي لي حقك ي اختي،...وانا بقول ليهو عافيه ليك...امي زاتها اتغيرت معاي شدييد وحنينه معاي اكتر من زمان..مر الزمن وامتحنت..وفي يوم وانا طالعه من اخر امتحان معاي وليد وفرحانين انو خلاص السنه دي خريجين،اعاين ووقفت فجأه ،وليد تلقائيا وقف معاي،،قال لي مالك،قلت ليهو مصعب ،..مصعب معقوله دا هو،لا طبعا،مصعب شكلو اتغير شديد ولونو بقي شاحب ،وهزيل،...جاء وسلم علينا ،قال لي ممكن.نمشي مكان ،ما رديت عليهو وعاينت لوليد هز لي راسو نظام.وافقي،قلت ليه اوك...وطلعنا مشينا،..قعدنا شويه،قام قال لي انا ي مرام وعاين لوليد،قمت قلت ليهو احكي عادي ...وبشرب في مويهقال لي الليله انا جاي اطلب منك العفو،تلقائيا المويه البشرب فيها اتشرقت بيها،وعاينت ليهو مخلووعه ،معقوله مصعب وبطلب العفو اصلو ما بصدق،قال لي م تستغربي ي مرام انا جادي معاك والله،...
انا حياتي ادمرت نهاائي،شفت التعب والويل ودا كلو من حقك،لاني ظلمتك ي مراام ،انا خلاااص م فضل لي شي ،انا عندي سرطان ودي ايامي الاخيره،قلت ليهو شنو😳..رد لي بحسره وقال لي فعلا ي مرام،انا م عاوز منك غير العفو والسماح،في اخر ايامي في الدنيا عاوز اكفر عن ذنوبي وعن كل زول انا اذيتو،وانتي اولهم ي.مرامانا بستحق كل الحصل لي دا وراضي بيهو،....قلت ليه عافيه ليك ي مصعب عافيه ليك ،....قال السلام عليكم.ومشى وهو بمسح دموعو،..بعد مشى بقيت شويه ابكي وشويه اضحك،بالله شوف الدنيا. زايله كيف،الناس تأذي ساااي وتدمر في حياه الناس وناسين الجزاء،سبحان الله يااخ سبحان الله....مرت الايام...علينا لحدي ما بقينا خريجيين وكنا تعبانين خلاص في اخر سنه دي،وليد خطب زميلتو ،كانت معاه في المدرسه زمان اسمها مروه،...مصعب مات طبعا ،بعد تلاته شهور من الكلام دا،زعلت عليه والله وبدعي ليه في كل مره انو ربنا يغفر ليه ويرحمو...مزمل اتزوج وجا السودان هنا عشان يحضرالتخريج......بعد التخريح وفرحتنا خلاص انو انتهينا. كان زواج وليد .ّ.يااه فردتي العسل كان يوم.حلو جدا وانا انس من زمان متواصلين ،وبقينا اصحاب شديد،...في العرس كنا مع بعض واي زول بشوفنا سوا بقول لايقين علي بعض ،بعد الجرتك وليد ناداني قال لي اها ي مزه،،نقول مبروك قلت ليه بسم الله العرس طار ليك في راسك.وللا شنو هههه،قال لي فعلا والله ،ههه ي بت انتي م.تعرسي ترييحنا ،قلت ليه عندك لي عريس ،قال لي بس كدا اسي اجيبو ليك،مشا جاب أنس وجا راجع لي يلا بطريقتكم بعد دا ههههه ومشى،...انس ابتسم لي وقال لي ارح نقعد ،مشيت قعدت معاه وانا متوتره جدا ،قال لي انا جادي طبعا. عاوزك،قلت ليه لكن،قال ما لكن ولا اي شي،انا عاوزك.كدا وراضي بيك.كدا،لانك نصيبي وانا نصيبك،...كل الحصلما بهمني انا البهمني شي واحد بس،انتي بتحبني ي مرام،قلت ليهو...ايوا،قال لي ايوا شنو م.تجهجيني هههه،قلت ليهو اي بحبك،،...قال لي يخربيتك ي شيخه من قبيل طيب ما تتكلمي خالاني براي بتمتم ههه...خلاص ي ستي،نقول خير ...قلت ليهو موافقه...وفعلا اتزوجنا بعديها بشهرين ،.كان احلا يوم واجمل عرس واخيرا قلبي عاش السعاده وبقي لي انس كل شي وكل حياتي ....وعايشين اجمل ايام حياتنا...وبجي معاه ايام المستشفي وحبيت الحكايه جدا ،وبعالج.معاه المرضي اللي بحسهم قريبين مني يعني انا ما دكتوره لكن يادوب نزلت دراسه طب نفسي،ولمن شفت صحبتك حبيت اساعدها لانها بتشبهني وانا فاهمه.وجعهاا فهمتي ي نون فهمتي ليه قلت ليك.م تقوليها عنها كويسه،طبعا هي بتحكي وانا ببكي زي الهبله...فقالت لي ي ستي دي كل قصتي الحبيت اشاركها مع الناس يمكن عسل ولعل تكون سبب لتغيير حياه زول ويستفيد منها....قمت حضنتها وقلت ليها انا بحبك والله. هههه قالت لي وانا كمان ويلا ي ستي،قوومي بعد دا امشي البيت الزمن اتأخر...قلت ليه تمام،يلا سلمي علي دكتور انس،سلام..سلاام..طلعت وسلمت علي عمو عثمان ولقيت ماجد معاهو براهو وكالعاده اصر يوصلني...لكن المره دي اتقدم لي عديل كدا..وانا دي طرررت من الفرحه لكن قلت اتقل حبه واوريهو رأيي بعدين ههههه.لكن اكيد وافقتا ...سبحان الله مستشفي المجانين فيها قصص ياما..وحياتنا دي زاتا جزء من الجنون دا،كلنا بنغلط وكلنا بنعصي بس لازم يجي يوم ونتوب من نفسنا بدل ما تجي حاجه.وتجبرنا،مهما لاقتك ظرووف حاول اقيف ضدها وحاول داينا تتغير للاحسن مش للاسوأ،...وخلو الناس في حالها عليكم الله ،الناس فيها المكفيها،ولو اي زول قعد واجتهد في حياتو وطموحاتو زي ما بجتهد غي أذيه الناس والقطيعه والنبذ كان انجز حاجه في حياتو ديّ..ّّواخيرا ربنا يحفظنا ويهدينا كلنا،بتمني الناس تخاف الله في بنات واولاد الناس....دي كانت قصه بسيطه بتحكي معاناه جزء بسيط من واقعنا العايشنو...#والواقع_دايما_اسوأبتمني. تستفيدو منه❤️بقلم/نون معتز.
