فعلا مشيت قابلتو وكالعادة لابس لي نظراتو السوداء وقاعد منتظر سلم علي ببشاشه كدا لكن شكلو كان كئيب خلاص طلع النظارة عيونو كانت محمرة زي الزول الكان ببكي..طلب اتنين عصير وبدا يتكلم...الاخبار شنو وكدا قلت ليه الاخبار بتعرفها براك ،تعرف انك انسان واطي وحقير وتافه وم عندك اي ذرة رجاله،تغش صحبتي وتحرق قلبها الله يحرق قلبك خلاني كملت كلامي دا كلو وكان منزل رااسو وانا خلاااص الدم بجري في عرووقي وجد مغيوووظه منو وكارهاهو شديد ..اول م رفع راسو كان ببكي ،صدمني لا عرفت اتم كلامي ولا اعمل شنو بالضبط ،قال لي ي نون انا والله ما بعلب بي وفااء وفاء دي روحي وقلبي وكل شي انا عارف نظرتك عني شنز ،شايفاني ولد صايع وضايع وبتاع بنات ودا كلو كان فعلا حاصل م انكر ،لكن وفاء لمن دخلت حياتي غيرتني ي نون طلعت شخصيتي الحلووه الزمان ،انا عمري م افكر اعمل فيها حاجه زي كدا والله عارف غلطنا لكن م بيدي م كنت ناوي ٱذيها،ما ناوي اخسرها انا ي نون م افتكرت الحكايه حتصل للدرجه دي ،وقت ضربت لي دا اعتبرتها لحظه زعل لانو الحصل دا م هين ،ولاني بالجد عاوزها تكون مرتي وانا جادي في كدا لو م كدا م بخطبها ،لمن قالو لي في المستشفى انا م صدقت وكنت بجي يومي لكن بخاف ادخل ليها جوا ،انا ما قادر اتخيل اني عملت فيها كدا ي نون وبقى يبكي ...قلت ليه استهدى بالله شكلو يحنن والله قلت ليه طيب ولجين ،صر لي وشوو وقال لي دي وحدة زباله سااكت وما بتشرف بيها صح كان عندي معاها علاقه زمان لكن خليتها اول م خطبت وفاء ،وكل فترة وفترة كانت بتتكلم معاي عادي ،لكن اصلو م فكرت انها كانت بتخطط لي كدا ولما حكيت ليها كنت منهار م عارف اسوي شنو وكنت خايف افقد وفتء للابد، لكن طلعت وحدة....😠..وضرب الطربيزة...اتفف شوويه كدا وقال لي عايني لي ي نون من الاخر كدا انا وفاء دي م بخليها ما بخليها وعاوزها بالجد وم متخيل حياتي بدوونها ،وكان على التافهه دي انا حسمت امرها وانتهيت ...حتساعديني وللا لأ...عاينت ليهو مساافه كدااا واطمنت لكلامو شويه انو م طلع واطي زي ما بتصور،قلت ليه اكيد طبعا عشان مصلحه صحبتي م عشاانك ...لكن برضو م بريدك.هههه قعدنا نضحك ..وسالني من حاله وفاء وحكيت ليه كل التطورات الحصلت...ووعدتو انو حنكون على تواصل لحدي م وفاء تشفى تماما طلعنا ووصلني المستشفى...وهناك لقيت دكتور انس اتونست معاه شويه وسألتو عن حاله وفاء وكدا طمني عليها ...وقعدت منتظرة دكتورة مرام لحدي م تجي ونشووف حنعمل شنو في الحكايه دي......انتظرتها كدا م جات والوقت كان اتأخر قلت خلاص اجيها بكره...مشيت عاينت لي وفاء لقيتها نايمه...وانا طالعه سلمت على عمو عثمان سألني من احوالي وصحبتي بقت كيف بحكي ليهو كدا جات ريحه جمييييله لمن قلت الله واتلفت لقيت ولد طوويل لونو قمحي عندو سكسوكه لابس قميص اسود وبنطلون جينز وساعه فضيه م اتبينت ملامحو الا لمن جاء قريب بابتسامه بشووشه كدا وقال السلام عليكم ي حاج لي عمو عثمان وسلم علي وانا لسه متلهه عمو عثمان قال لي دا ولدي ماجد المهندس اللي قلت ليك عليهو ،دي نون ي ماجد البنت القلع ليك بتشاغل المجانين ديك ههههه قعدو يضحكو وانا دبت مع الابتسامه وبقيت بضحك زي الهبله،ازيك ياخ عليك الله الاستاذه نون والله يومي ابوي بحكي لينا عنك البيت كلو حفظك..كويس ي عمو عثمان طالع بي مداعي وانا اللي افتكرتك ماشي ماشي ..م تزعلي مني ي بتي ..قلت ليه لا لا معقووله ي عم ازعل منك كيف ياخي بهظر معاك ساي يلا ي عمي عشان الوقت اتاخرلازم امشي .قال لي دقيقه دقيقه م تطلعي براك خلي ماجد يقدمك قلت ليه لا لا ي عمي بمشي براي وبيني وبين نفسي قلت ان شاء الله يقدمني😂،فعلا رد لي ماجد قال لي انا زاتي طالع ي ستي يلا بينا م ينفع تمشي براك،ياخ الله يااه ذووق شديد الولد دا...المهم لحدي ما طلعنا سلمت على عمو عثمان ومشيت ...طول الشارع احنا بنتونس سالني بتقري وين قلت ليه خلصت صيدله انا ،وبقينا نحكي يعني لحدي م وصلت طلع زول ظريف خلاص ،ودعني ومشى .قال لي اتشرفت بمعرفتك كتير والله قلت ليه وانا اكتر تسلم ،قال لي على شنو ياخي يلا نتلاقى في فرصه اسعد ،سلام...ومشى...دخلت ناس خالتو حنان لقيت معاهم امي سلمت عليهم وطمنتهم علي وفاء ورجعنا البيت...تاني يوم في المستشفى...اصلو م اتوقعت اسمع كدا #يتبع
