طلعت بت كدا بتشبه وفاء بس دي م وفاء م بصدق وفاء بقت ضعيييفه ولونها شاااحب وسرحااانه بعيييد سايقاها ممرضه للعنبر والدكتور طلع معاها،احنا كلنا وقفنت مذهلوين لحالتها ،انا اصلو م صدقت انو دي وفاء قلت لخالتو وانا ببكي دي وفاء معقووله ،ردت علي بالبكاء بس بتي م مجنونه ي نووون حرق قلبها الله يحرقوو...وبقينا محصلين وفاء والممرضات منعونا وانا بقول ليها ي وفاء وي فوفو ولا شغاله بي ولا كأنها سامعاني اصلا رجعنا تاني لقينا الدكتور بفهم في عمو احمظ وخالد في حاله وفاء وكيف انها محتاجه رعايه مشددة ولازم تكونو قريبين منها وتقووها في المحنه دي وبقى يزكر فينا بالله ويصبرنا ،وان شاء الله حالتهاحتتحسن بس انتو ساعدونا بالصبر،ردت لي خالتو حنان بس بتي م مجنونه ي دكتور خالد جاء مسكها ي امي اهدي عليك الله،جاء الدكتور عليها اسمو دكتور أنس ما شاء الله عليهو طول ووسامه ورزانه وأدب جاء قعدها وقال ليها ي أمي كدي استهدي بالله اللي مصيرنا كلنا بيدو مش انتي مرأه مؤمنه وموحدة بالله هزت لي راسها وهي بتبكي ،نحمدالله على كل شي ي أمي دا امتحان من رب العالمين لينا لازم نصبر عليه عشان ربنا يبارك فينا ويشفي اختي دي وترجع احسن واحسن،ردت لي خالتو الحمدلله على كل حال ي ولدي ...انا زاتي القدامك كنت في يوم مريض نفسي كلنا عاينا ليهو مرة وحدة بدهشه،قال لينا اي انا كنت في يوم مريض نفسي وما كان في أمل في علاجي لكن اهلي كان عندهم أمل وربنا اراد وشفيت تمام الشفا...خالتو قعدت تضحك قالت ليه يعني انتي مجنون ي دكتور ههههه اخد ليهو ضحكه كدا مع الغمزات غريبه زاتو ههه كلنا بقينا نضحك في العفويه حقت خالتو دي اصلا مسكينه والله كلهم مساكين وناس في حالهم وطيبين طيبه لدرجه لمن تجيهم في بيتهم حتى لو اول مرة بتحس نفسك لانو بيتك...لكن غايتو بس الحمدلله قدرالله واكيد لخير...رد ليها قال ليها اي كنت مجنون هههه لكن اسي بقيتكويس ووفاء برضو حتبقى احسن مني ان شاء الله بس دعواتك معانا وكم وجبه ظريفه من يدك يمه تاني م دايرين شي قعدت تضحك قالت لي بس كدا يووومي الغداء بجيبو معاي،الله يرضى عليك ي ولدي في أمل بتي تتعالج ..هههه اي ي امي في أمل وحنان وكدا ،هههه قعدت تضحك ،...استأذن مننا ومشي قعدنا شوويه كدا وبعديها اتحركنا واي واحد في بالو كلام كتير اول مرة اشوف الهم متجسد في وشهم والحسرة..بس حسبي الله ...بكره لكن لازم اجي برااي...لانو بعد كدا ناس خالتو م حيجو طوالي الا من جمعه لجمعه كدا يطمنو عليها بس لانو ماف فايدة من قعداهم ولحدي اسي م كلمنا زول بالحصل دا لحدي ما الامور تهدا شوويه،ونشووف الواطي دا عمل شنو وكيف الامور. وصلت للحد دا ...
المهم اليوم عدا ورجعت البيت كالعادة وحكيت لامي ورقدت وتكررت الاحداث لحدي تاني يوم...
طلعت ومشيت عليها في المستشفى...
كان اخدت رقم دكتور أنس اتواصل معاه..
لمن وصلت واتصلت عليه جاني وسلم علي وومشيت معاه لحدي العنبر وهو بشرح لي في حالتها وانو لازم نتعامل بحذر لانو حالتهاحساسه وكيف انا ممكن اساعد في انها تتكلم وتتجاوب معاي لانو باعتباري صحبتها شديد...لحدي م وصلنا العنبر وما بين كل الحالات اللي بتكلم براه واللي بغني وفي اللي بهترش واي واحد بحالتو،هنااااك كان في وفاااء سرحاانه بالشباك اللي سبحان الله انا كنت بجي وبشاغل بيه المجانين الليله ي صحبتي بقيتي انتي مكانهم وجيت اعزي في اعز الناس علي ربي يشفيك ي رب وترجعي لينا بالسلامه...كانت معاها دكتورة كدت حلاتها صغيرونه شكلها كانت بتتكلم معاها وبتحكي مع انو م وفاء م كانت بتعاين عليها،اول م وصلنا جمبهم اشرت بيدها نظام م نتكلم ولسه مواصله في كلامها،لاحظت ل وفاء لحظه بتنتبه ولحظه بتسرح ،قمت فجاه قلت فووفوو ،وفاء انتهبت لكن تاني سرحت ،الدكتورة سكتت وطلعنا كلنا مع بعض...
قالت لي انتي صحبتها مش قلت ليها اي قالت لي انس حكى لي عنك،عاينت ليها باستغراب،انس قال لي م تقولي قوال وللا كدا مرام دي المدام احب اعرفك بيها،سكت كدا وقلت ليها الف مبروووك اتشرفنا والله قالت الله يبارك فيك تسلمي لينا الشرف،..
مشينا على كافيتريا كدا ..
وطلبنا عصير دكتور اني مشى وسابنا احنا بنتعارف وبنتكلم...ما عارفه ليه بس حسيت بالارتياح وبدت تحكي لي هي كانت بتعمل في شنو...
