...كنا قاعدين قالت لي انا اسمي مرام زي ما عارفه ...انا كنت قبيل بحكي لصحبتك عني لانو انا زاتي قصتي قريبه ليها فحبيت اوريها انها م براها واني مريت بنفس ظرووفها دي وعشتها بتفاصيلها الممله ...فحبيت احكي ليك برضو وكدا حنساعد صحبتك في انها تتحسن ،اسي خلينا نمشي ليها جوا وانا حأقعد احكي ليك جمبها وهي اكيد حتتجاوب معانا. ..
فعلا مشينا ليها وقعدنا جمبها وهي ولا حركه ولا اي شي...
بدت تحكي وانا بسمع فيها وبسمع...وشويه انصدم وشويه ابكي ..وشويه اضحك اندمجت معاهت للاخر ...ومشيت منها وتاني بقيت كل يوم بجي وتقعد تحكي لي ووفاء كل يوم كان في تجاوب بسيط بسيط وانا متابعه معاها الحاله، لحدي ما في يوم وفاااء بقت تبكي بحررررررقه خليناها تبكيييي لحدي م هدت ونامت سبناها وطلعنا قالت لي شايفه كدا دا المطلوب تماما بكرة بإذن الله حنعرف الحاصل كلو ،حضنتها وبقينا نبكي الاتنين لانو في الفترة دي بقت هي زاتها صحبتنا ،طلعت ومشيت خليتها مع دكتور أنس الوسيم ...لمن طلعت برا شفت عربيه م غريبه لمن ركزت لقيتها دي عربيه محمد من هناك شفت وشو الكريه دا اسمر طويل ملامحو جميله ولابس نظارة سوداء واظنو منتظرني وللا منتظر شنو م عارفه لكن كنت كارهاهو كره عجيب وشايفه في وشو عذاب صحبتي مشيت ولا اتلفت ليه لحقني بالعربيه وشغال ينادي فيني كوركت فيهو قلت ليه احسن تمشي من وشي ي تافه ي حقير ي واااطي ولا كلمه م اسمعا منك واوعى تفكر تتابعني حو بتاعين الاستقبال جاريين مالك ي نون طبعا عشان بجي كتير بقو بعرفووني في اللحظه دي هو دور عربيتو ومشى...قلت ليهم لا مافي حاجه دا واحد حيوان ساي م تشتغلو بيهو رد لي عمو عثمان قال لي خلي بالك من نفسك ي بتي الزمن م معروف خليني اقدمك قلت ليه م يحتاج ي عمي ماشه قريب هنا لكن اصر يقدمني،وفي الطريق قعد يحكي لي عن اسرتو وعيالو عندو اولادو واحد مهندس والتاني دكتور صيدلي وبنتو متزوجه وكيف هوا تعب عشان يربيهم ،ياخ سبحان الله في ناس كدا انت براك بترتاح ليهم ناس الطيبه في وشهم،وناس اعوووذ بالله بس،قال لي بالمناسبه الزول دا كل مرة انا بشوفو واقف بعربيتو دي،لكن قلت بكون مستني زول يرجعو او كدا،قلت ليه لا لا ي عمي قلت لي دا خطيب صحبتي وكدا ،المهم اتخطيت الكلام،لمن قربت للبيت قلت ليه اتفضل ي عمي اشرب ليك مويه قال لي لا مرة تانيه سلم على امي ومشى وقال لي تاني م تشاغلي المجانين بالشباك ي مجنونه هههه ضحك ومشى،وانا دي دخلت في ضفووري من الخجل دي اخر الجن...
رجعت جوا قعدت شويه مشيت مع امي لناس خالتو حنان حكيت ليهم وهو كل يوم بحكي ليهم التطورات البتحصل وكيف انو يوم بكرة دا مهم،طمنتها قلت ليهام تتعبي نفسك ي خالتي وفاء حترجع لينا بالسلامه محنه وتعدي عمي احمد طبعا سافر لانو شغلو برا لكن بتصل كل يووم نطمنو عليها ..خليتهم بتونسو مع بعض ناداني خالد مشين ليهو سلمت عليه والاحوال طلعنا برا الجنينه سألني عن الاحوال وكدت وبعدها قال لي وفاء مالها ي نون ،طمنيني حكيت ليه شوويه كدا وم تميت الكلام قلت ليه لبكرة ان شاء الله ربنا يسهل ونعرف الحصل شنو بالضبط..سرح شويه كدا وقال لي خير...اتونسنا شويه كدا وضحكنا اصلا خالد دا فردتي شديد انا ووفاء الاتنين من زمان ايام المدرسه لحدي م اشتغلنا هو اكبر مننا بخمس سنوات مهندس مدني حلاتو جميل اخدراني كدا وظريف وخاطب طبعا ...المهم م علينا رجعنا البيت بعد وصلنا خالد رقدت وانا كلي أمل انو حاله وفاء خلاص حتتحسن وحنعرف الحصل شنو بالضبط...
وجااء يوووم بكرة وياريتو م جاء...عشان اعرف الخصل وقلبي يوووجعني وتزيد ٱلامو...
مشيت المستشفى وكالعادة لقيت دكتور انس سلمت عليه طلع خلانا سلمت على مرام ووفاء لقيتها بتتكلم وكدا لكن مشيت الموضوع عادي مع انو شكلها لسه سئ وتعبان،لحدي ما بدت تحكي لينا ...
...وياريتني م سمعت ...
#يتبع
