مملكة تعيش على أمل (مكتمله)

البارت الخامس

أمل:اليوم امي اخذت خواتي للسوك حتى تشتريلهن ملابس مدرسة ورجعت ومجابتلي شي وياها ضجت حيل بس مبينت ؛لان امي وعدتها مأكلفها بشي
أمل :ماما مجبتيلي شي....بعني شلبس بالمدرسة
ام احمد:بطرف عين ...عود اخذي ملابس اخواتج القديمة .....شلون يعني منين اجيبلكم اذا انتو لا واحد ولا ثنين
امل :الي تشوفينا ماما ...اصلا اني ما أريد اكلفج
امل: 😳مستغربت تصرف امي صرت متعودة ع تفريقها واهمالها ....آه يابه لو انت موجود مجان صار بيه هيج
أمل:اليوم اول يوم مدرسة الي .لبست ملابس لمى لان هي اكبر مني بسنة بينما زهرة اكبر مني بتلث سنين ونوال هي اكبرنا وهي اكبر مني بست سنين ...رحنى اني ولمى وزهرة ونوال للمدرسة شفت عالم ثاني مليان صياح وبنات بكل مكان منظرهن وهنا يلعبن او يتناقشن بصوت عالي يضحك ودتني نوال ع صفي وصارن المعلمات يدخلن ع الصف وحدة ورة الثانية حبيتهن حيل وبالفرصة جانن البنات يجمعن حولي ويبدأ يسألن عن اسمي ويعرفني بنفسهن حيل تونست وضحكت بس اكيد كمل اليوم ورديت للبيت وكالعادة نمت وحدي صرت اداوم وامي صارت تعلمني التنظيف والشغل بالبيت ويوم عن يوم تحملني المسؤولية اكثر وجان تنظيم وقتي بين مدرسة ودراسة وشغل بالبيت صعب حيل
مضت الايم واني ع نفس الوضع حتى صرت بصف الثاني متوسط واختي نوال بعد متخرجت من المدرسة تزوجت واحد وياها بالكلية حلو ويكولون هو زين واهلة حبابين

ام احمد :بصوت"نوال ....نوال يلا ماما كافي نوم اكو عروسة تنام لهل وقت كعدي جتى تتريكين ونروح للصالون .
نوال :اي ماما كعدت
ام احمد:يلا بسرعة مو تتاخرين وانتي امل ...
امل :هاا ماما
ام احمد :حضري غراض اختج بس بالول سويلنا ريوك خوش ...
امل:ان شاء الله ماما
امل:راحت امي ونوال للصالون واجت عمتي بمكان امي وضليت اني وخواتي بالبيت صحيح هنا اكبر منى بس اني الي جنت مسؤولة ع البيت لان خواتي كل وحدة منهن محتارة بالملابس والمكياج
بدت الهوسة تزيد اجو خوالي وعمامي كولهم واني مشفت شي من عرس اختي غير المطبخ والماعين الي مرضت تخلص واصلا مردت اطلع لان البنات كولها مبدلة بستثنائي استحيت اطلع بالثوب الي انطتنيا لمى
احمد:امل ...امل
أمل:هاا احمد
احمد:سوي ثنين جاي وشوية وادزلج علي ياخذهن
امل :منو علي
احمد:ليش تردين تخطبينه
امل:هههه يلا عشردقايق وخلي ياخذ الجاي
علي :رحت للمطبخ احمد دزني اجيب الجاي جانت اول مرة اروح لبيت عمتي ام احمد لان يكولون ابوي ميحجي وي عمتي وما ادري شنو السبب المهم دخلت للمطبخ شفت بت حيل حلوة شعرها طويل لنهاية شعرها واصفر مثل الذهب انثولت عبالك اول مرة بحياتي اشوف بت 'هي نتبهت عليه وهم ضلت صافنه ع صفنتي ورة شويه نتبهت النفسهة وبسرعة حطت الشال ع راسها كلتلها احمد دزني ع الجاي واني اجذ الصينية منها ايدي لمست ايدها هي بسرعة سحلت ايدها وخجلت فاني طلعت حتى ماأحرجها اكثر